როგორია საქართველოში Range Rover-ის ავტომობილების სტატისტიკა

ეკონომიკა

EBRD-ის საბჭომ საქართველოში $19.6 მილიონის დაფინანსების გამოყოფაზე ყველაზე დიდი მზის ელექტროსადგურის მშენებლობისთვის გადაწყვეტილება მიიღო

15.09.2026.09:05

EBRD-ის საბჭომ საქართველოში $19.6 მილიონის დაფინანსების გამოყოფაზე ყველაზე დიდი მზის ელექტროსადგურის მშენებლობისთვის გადაწყვეტილება მიიღო. პროექტის შემდგომი ეტაპებია შეთანხმების ხელმოწერია, იმპლემენტაცია და დასრულება.

დაფინანსება საქართველოს უმსხვილესი მასშტაბის მზის ელექტროსადგურის განვითარებას მოხმარდება, რაც ქვეყნის განახლებადი ენერგიის გენერაციის სიმძლავრეს გაზრდის.

პროექტი მოიცავს 40.6 მეგავატი სიმძლავრის ახალი მზის ფოტოელექტრული (PV) სადგურის მშენებლობის დაფინანსებას, ასევე ადგილობრივი ბანკიდან მანამდე მოზიდული ხიდური დაფინანსების რეფინანსირებას ხუთი უკვე მოქმედი მზის ფოტოელექტრული სადგურისთვის, რომელთა ჯამური დადგმული სიმძლავრე 12.2 მეგავატს შეადგენს.

აღნიშნული დაფინანსება EBRD-ის მიერ კომპანიების - შპს „კახეთის მზის“, შპს „მზის ველის“, შპს „ველის“ და შპს „ალაზნის მზის“ სასარგებლოდ შეიძლება მიიმართოს სესხის გამოყოფას სახით. აღნიშნული კომპანიები საქართველოში 52.8 მეგავატი ჯამური სიმძლავრის მზის ელექტროსადგურების (SPP) მშენებლობისა და განვითარების მიზნით არიან დაფუძნებული.

საქართველოს ელექტროენერგეტიკულ სისტემაში დამატებული ახალი სიმძლავრე ხელს შეუწყობს ქვეყნის მზის ენერგეტიკის სექტორის უფრო სწრაფ განვითარებას და შეავსებს ჰიდროენერგეტიკის არსებული გენერაციის შესაძლებლობებს.

81 000 პირი ქონების გადასახადისგან თავისუფლდება, 40 000 ლარიანი ზღვარი უქმდება - ქონების გადასახადს მხოლოდ 100 000 ლარზე მეტი შემოსავლის მქონე მოქალაქეები გადაიხდიან | შალვა პაპუაშვილი 15.09.2026.08:47

ბაზრების დივერსიფიკაცია და ადგილობრივი მეწარმეობის მხარდაჭერა აისახება მაკროეკონომიკურ პარამეტრებში, მათ შორის, ექსპორტის ზრდაზე - ირაკლი ნადარეიშვილი 14.09.2026.21:24

Nasdaq Calypso სისტემის დანერგვა ბანკებს მისცემს საშუალებას, მართონ სახაზინო ოპერაციები და ძირითადი რისკები ერთიან, საერთაშორისო სტანდარტების შესაბამის ინფრასტრუქტურაში - ლაშა ჯუღელი 14.09.2026.19:36