რა საკითხები განიხილა დავით სონღულაშვილმა არაბთა გაერთიანებული საამიროების ელჩთან შეხვედრისას
გარემოს დაცვისა და სოფლის მეურნეობის მინისტრი დავით სონღულაშვილი არაბთა გაერთიანებული საამიროების ელჩს საქართველოში აჰმედ ალნუაიმს შეხვდა.
შეხვედრაზე მხარეებმა ქვეყნებს შორის სავაჭრო-ეკონომიკური ურთიერთობების გაღრმავების პერსპექტივები და საინვესტიციო შესაძლებლობები განიხილეს.
დავით სონღულაშვილმა საქართველოს და არაბთა გაერთიანებულ საამიროებს შორის პარტნიორული ურთიერთობის მნიშვნელობის შესახებ ისაუბრა და ყურადღება საამიროებში ქართული აგროსასურსათო პროდუქციის ექსპორტის პოტენციალზე გაამახვილა.
შეხვედრაზე საუბარი შეეხო სურსათის უსაფრთხოების, წყლის რესურსების ეფექტიანი მართვის, კლიმატის ცვლილების, ბიომრავალფეროვნების დაცვის და განახლებადი ენერგიის წარმოების ხელშეწყობის მიმართულებით გამოცდილების გაზიარების საკითხებს.
აჰმედ ალნუაიმის განცხადებით, ქვეყნებს შორის არსებული პარტნიორული ურთიერთობები გარემოსდაცვითი და სოფლის მეურნეობის მიმართულებით საინტერესო პროექტების განხორციელების მნიშვნელოვანი წინაპირობაა.
გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ლაშა დოლიძე და შესაბამისი სამსახურის ხელმძღვანელი პირები ესწრებოდნენ.
დღის ტოპ 10 სიახლე
მეწარმე ქალთა განვითარების პროგრამა ზუგდიდში გაიმართება - პროგრამის მხარდამჭერია საქართველოს ბანკი
სხვა სიახლეები
IMF-მა გლობალური ეკონომიკური ზრდის 2026 წლის პროგნოზი 3.1%-მდე შეამცირა
14.04.2026.19:29
საერთაშორისო სავალუტო ფონდი (IMF) მსოფლიოს ეკონომიკური პროგნოზის აპრილის განახლებას აქვეყნებს. ანგარიშის თანახმად, IMF-მა გლობალური ეკონომიკური ზრდის 2026 წლის პროგნოზი 3.1%-მდე შეამცირა.
საერთაშორისო საინვესტიციო კომპანიები ძალიან აქტიურები არიან საქართველოს ეკონომიკასთან მიმართებით - ლაშა ხუციშვილი
14.04.2026.12:10
ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის სტატუსი მიანიჭა
14.04.2026.11:25
