Business Insider Georgia-მ კავკასიაში EBRD-ის რეგიონულურ დირექტორთან ექსკლუზიური ინტერვიუ მოამზადა.

Crystal Microbank-სთვის გამოყოფილი იქნა 8.6 მილიონი ევრო, მცირე და საშუალო ბიზნესის დაკრედიტების გაფართოებისა და GEFF-ის ფარგლებში მწვანე ფინანსირების მხარდასაჭერად, რაც აუმჯობესებს ფინანსებზე ხელმისაწვდომობას რეგიონებში და ხელს უწყობს კლიმატურად მდგრად ინვესტიციებს.  ამის შესახებ Business Insider Georgia-სთან ექსკლუზიურ ინტერვიუში კავკასიაში EBRD-ის რეგიონულურმა დირექტორმა, ალკის ვრეინიოს დრაკინოსიმ განაცხადა.

მისი განმარტებით, TBC Bank-სა და Credo-სთან თანამშრომლობა გაგრძელდა ფინანსური ჩართულობის გაძლიერების მიზნით.

„ავტომობილების სექტორში, EBRD-მა 25 მილიონი ევრო გამოყო Tegeta Motors-ისთვის, თბილისის მახლობლად ახალი სერვისცენტრის განვითარების და Tegeta Academy-ის ამოქმედების მიზნით, რაც ხელს უწყობს პროფესიული განათლებისა და ციფრული უნარების განვითარებას ევროკავშირის სტანდარტების შესაბამისად.

სამრეწველო და საწარმოო სექტორში, ბანკმა პარტნიორობა განახორციელა Indorama Ventures-თან, რომლის ფარგლებშიც 62 მილიონი ევრო გამოიყო Rustavi Azot-ის ოპერაციების მოდერნიზაციისთვის. პროექტი ორიენტირებულია ენერგოეფექტიანობის გაუმჯობესებაზე, რესურსების ოპტიმიზაციასა და გარემოსდაცვითი სტანდარტების დაცვაზე, რაც აძლიერებს საქართველოს როლს მდგრად სამრეწველო მიწოდების ჯაჭვებში.

2025 წელს კერძო სექტორში განხორციელებული ინვესტიციების 56%-ზე მეტი მწვანე მიმართულებით იყო მიმართული, რაც გულისხმობს კლიმატურად მდგრადი ტექნოლოგიების დაფინანსებას როგორც ბიზნესისთვის, ისე შინამეურნეობებისთვის.

აღნიშნული პროექტები ნათლად ასახავს EBRD-ის ერთგულებას კონკურენტუნარიანობის, მდგრადობისა და ინოვაციის მიმართ“, - აღნიშნა  კავკასიაში EBRD-ის რეგიონულურმა დირექტორმა.