ქვეყნები, სადაც საქართველო ოქროს ყიდის

ეკონომიკა

საქართველო ხდება რეგიონში ენერგეტიკული ჰაბი - დავით ნარმანია

29.04.2025.15:00

საქართველო ხდება რეგიონში ენერგეტიკული ჰაბი, - აცხადებს სემეკის თავმჯდომარე დავით ნარმანია, რომელიც „იმედის დილაში“ რუბრიკა Business Insider Georgia-ს სტუმარი იყო. მისი თქმით, საქართველოს როლი რეგიონში დღითი-დღე იზრდება.

„როცა ადრე საქართველოზე საუბრობდნენ როგორც ჰაბზე ან დერეფანზე იგულისხმებოდა ტვირთები და გადაზიდვები. დღეს ეს ყველაფერი გახდა ამ ტრადიციული ტვირთების და საწყობების თემას და საქართველო ხდება ჩვენს რეგიონში ენერგეტიკული ჰაბი. ასევე ელექტროენერგიის მაწარმოებელიც და გამტარიც. როცა აშენდება შავი ზღვის წყალქვეშა კაბელი საქართველო იქნება საკვანძო ქვეყანა, რომლის როლი და გეოსტრატეგიული დანიშნულება კიდევ უფრო მეტად გაიზრდება. იმიტომ, რომ საქართველოში, აზერბაიჯანში წარმოებული ჭარბი ენერგია თავს მოიყრის აქ და აქედან მოხდება შავი ზღვის კაბელის მეშვეობით მისი ევროპაში გატარება. ეს ძალიან კარგად ცის ევროპამ, თუ რა მნიშვნელობა აქვს ამ პროექტს. საქართველოს როლი და მნიშვნელობა კიდევ უფრო მეტად იზრდება. პროექტის ტექნიკურ ეკონომიკური კვლევის მიხედვით გამოჩნდა, რომ სიცოცხლისუნარიანია, ანუ ტექნიკურადაც შესაძლებელია და ფინანსურადაც და აქედან გამომდინარე შემდგომ ეტაპზეა გადასული აღნიშნული პროექტი. დეტალური კვლევები კეთდება შავი ზღვის ფსკერზე, რომლის შემდგომაც გადავა შემდგომ ფაზაში“, - აცხადებს დავით ნარმანია.

რა საკითხები განიხილეს აჭარის ეკონომიკური განვითარების საბჭოს სხდომზე 29.04.2025.14:42