ქვეყნები, სადაც საქართველო კრევეტებს ყიდულობს

ეკონომიკა

Fitch-ის მიერ შეფასებულ ქვეყნებს შორის საქართველო ეკონომიკური ზრდის ერთ-ერთი ყველაზე მაღალი მაჩვენებლით გამოირჩევა

31.10.2026.08:00

Fitch-მა საქართველოს სუვერენული საკრედიტო რეიტინგის პერსპექტივა „პოზიტიურამდე“ გააუმჯობესა. აღნიშნულის შესახებ სარეიტინგო სააგენტო გამოქვეყნებულ ანგარიშში აცხადებს.

სარეიტინგო პერსპექტივის გაუმჯობესება ასახავს საქართველოს საერთაშორისო სავალუტო რეზერვების მნიშვნელოვან ზრდას, მიმდინარე ანგარიშის დეფიციტის მდგრადი შემცირების პერსპექტივასა და ეკონომიკური ზრდის მაღალ მაჩვენებლებს.

,,2026 წლის სექტემბერში საქართველოს მთლიანმა საერთაშორისო სავალუტო რეზერვებმა რეკორდულ მაჩვენებელს, 8.2 მილიარდ აშშ დოლარს მიაღწია, რაც 2025 წლის ბოლოს არსებულ დონეს 2 მილიარდი აშშ დოლარით აღემატება. საერთაშორისო რეზერვების ზრდას განაპირობებს მიმდინარე ანგარიშის დეფიციტის შემცირება, კაპიტალის შემოდინება, ფრთხილი მონეტარული პოლიტიკა და ნდობის გაუმჯობესება, რამაც საქართველოს რეზიდენტების მხრიდან ლარში დენომინირებულ აქტივებზე მოთხოვნის ზრდა გამოიწვია", - წერს Fitch-ი.

სააგენტოს შეფასებით, საქართველო ეკონომიკური ზრდის ერთ-ერთი ყველაზე მაღალი მაჩვენებლით გამოირჩევა სარეიტინგო სააგენტოს მიერ შეფასებულ ქვეყნებს შორის.

,,საქართველო ეკონომიკური ზრდის ერთ-ერთი ყველაზე მაღალი მაჩვენებლით გამოირჩევა Fitch Ratings-ის მიერ შეფასებულ ქვეყნებს შორის. 2023-2025 წლებში საქართველოს ეკონომიკის საშუალო წლიურმა ზრდამ 8%-ს გადააჭარბა, რაც ორჯერ აღემატება „BB“ კატეგორიის რეიტინგის მქონე ქვეყნების მიმდინარე მედიანურ მაჩვენებელს (3.5%). გაზრდილი გეოპოლიტიკური რისკებისა და ენერგორესურსებზე ფასების მატების მიუხედავად, საქართველოს ეკონომიკამ 2026 წლის მეორე კვარტალშიც შეინარჩუნა მდგრადობა და 6.9%-ით გაიზარდა. ჩვენი შეფასებით, საქართველოს ეკონომიკური ზრდა შედარებით დაბალანსებულია და ძირითადად ინვესტიციებისა და ექსპორტის ზრდით არის განპირობებული. 2026 წლის პირველი ნახევრის ძლიერი ეკონომიკური მაჩვენებლების გათვალისწინებით, 2026 წელს საქართველოს ეკონომიკის 7.5%-იან ზრდას ვპროგნოზირებთ. ჩვენი მოლოდინით, 2027-2028 წლებში ეკონომიკური ზრდის ტემპი ეტაპობრივად შენელდება და საშუალოვადიან პერიოდში ეკონომიკის ზრდის შეფასებულ პოტენციურ მაჩვენებელს 5%-ს მიუახლოვდება", - აღნიშნავს Fitch-ი.

Fitch Ratings-ის შეფასებით, მიუხედავად მნიშვნელოვანი გეოპოლიტიკური რისკებისა, მიმდინარე საგარეო შოკების გავლენა საქართველოს ეკონომიკაზე ჯერჯერობით შეზღუდულია. ირანთან გეოგრაფიული სიახლოვის მიუხედავად, ახლო აღმოსავლეთში მიმდინარე კონფლიქტმა პირველ ექვს თვეში საქართველოზე მხოლოდ შეზღუდული გავლენა მოახდინა. სააგენტო აღნიშნავს, რომ საქართველოსთვის ენერგორესურსების იმპორტის მთავარი წყარო აზერბაიჯანია, ხოლო ელექტროენერგიის ადგილობრივი წარმოება ძირითადად ჰიდროენერგიას ეფუძნება. ამასთან, Fitch Ratings-ის შეფასებით, ეკონომიკის მაღალი ზრდის ტემპი ხელს უწყობს საქართველოს საბანკო სექტორის ფინანსური მაჩვენებლების გაუმჯობესებას.

საქართველოს ეკონომიკამ მდგრადობა შეინარჩუნა, მიუხედავად გაზრდილი გეოპოლიტიკური რისკებისა და ენერგორესურსებზე ფასების მატებისა | Fitch Ratings 31.10.2026.07:45

ეკონომიკის მაღალი ზრდის ტემპი ხელს უწყობს საქართველოს საბანკო სექტორის ფინანსური მაჩვენებლების გაუმჯობესებას | Fitch Ratings 31.10.2026.07:40

Fitch-მა საქართველოს 2026 წლის ეკონომიკური ზრდის პროგნოზი 6.5%-დან 7.5%-მდე გააუმჯობესა 31.10.2026.07:30

საქართველოს ენერგორესურსების იმპორტის მთავარი წყარო აზერბაიჯანია, ხოლო ელექტროენერგიის წარმოება ძირითადად ჰიდროენერგიას ეფუძნება | Fitch Ratings 31.10.2026.07:25

მიმდინარე შოკების გავლენა საქართველოს ეკონომიკაზე შეზღუდულია | Fitch Ratings 31.10.2026.07:15

Fitch-მა საქართველოს სუვერენული საკრედიტო რეიტინგის პერსპექტივა პოზიტიურამდე გააუმჯობესა 31.10.2026.07:00

2025 წელს მენეჯერების პოზიციაზე საშუალო თვიური ხელფასი ₾3 609 ლარი იყო | საქსტატი 30.10.2026.21:10

იანვარ-სექტემბერში მშენებლობაზე გაცემული ნებართვების რაოდენობა 8 632 ერთეულს შეადგენს - საქსტატი 30.10.2026.20:53

ველოდებით, რომ მომდევნო ხუთი წლის განმავლობაში ფაქტორინგის საერთო მოცულობა 10 მილიარდ ლარს მიაღწევს - ირაკლი გაბრიაძე 30.10.2026.20:46

ინვესტიციების სააგენტოს ორგანიზებით, საქართველო შანხაის საერთაშორისო იმპორტის გამოფენაზე 37 კომპანიითა და სამი პავილიონით წარდგება 30.10.2026.20:19

საქართველოს ჰყავს ძალიან მეგობრული და პროგრესული მარეგულირებელი, რომელიც ყოველთვის უსმენს ბიზნესის მოთხოვნებს და სწრაფად რეაგირებს საჭიროებებზე - რეზო შმერცი 30.10.2026.19:31