პირდაპირი უცხოური ინვესტიციების ზრდის დინამიკა, ევროკავშირიდან შემოსული კაპიტალის 19%-იანი მატების ფონზე, ხაზს უსვამს ქვეყნის მზარდ საინვესტიციო მიმზიდველობას და სტრატეგიული სექტორების: ტრანსპორტის, ლოჯისტიკისა და მაღალი ტექნოლოგიების მდგრად განვითარებას - ირაკლი ნადარეიშვილი
„2025 წლის მნიშვნელოვანი ეკონომიკური ზრდის მაჩვენებლების კვალდაკვალ პირდაპირი უცხოური ინვესტიციების მონაცემები გამოქვეყნდა. 2025 წელს, ჯამურად ინვესტიციებმა 1.68 მლრდ აშშ დოლარი შეადგინა. ეს არის 7.6%-იანი ზრდა 2024 წელთან შედარებით. მნიშვნელოვანია აღვნიშნოთ ევროკავშირიდან ინვესტიციების ზრდის მაჩვენებელი, რომელიც 19%-ით გაიზარდა და 525 მილიონი აშშ დოლარი შეადგინა. პირველ ადგილზე, ქვეყნების მიხედვით, არის დიდი ბრიტანეთი - დაახლოებით 20%-ით; მეორე ადგილზეა თურქეთი - 180 მილიონი აშშ დოლარი, დაახლოებით 11%-ის პარამეტრებში.
სექტორებს რაც შეეხება, ეს არის ის ტრადიციული და პრიორიტეტული სექტორები, რომელზედაც საქართველოს მთავრობა, როგორც მაღალი საინვესტიციო პოტენციალის მატარებელ სექტორებზე, ესაუბრება ინვესტორებს: ეს არის ინფრასტრუქტურა, ტრანსპორტი, ლოგისტიკა, ინფორმაციული და საკომუნიკაციო ტექნოლოგიები და ფინანსური სექტორი", - აცხადებს ეკონომიკისა და მდგრადი განვითარების მინისტრის მოადგილე.
აღსანიშნავია, რომ დღეს საქსტატმა 2025 წლის პირველადი მონაცემები გამოაქვეყნა, რომლის მიხედვითაც ირკვევა, რომ ზრდა განპირობებულია პირდაპირი უცხოური ინვესტიციების ორი კომპონენტის: სააქციო კაპიტალისა და რეინვესტიციის მაჩვენებლის ზრდით.
2025 წლის წინასწარი მონაცემებით სააქციო კაპიტალის მოცულობამ 601.8 მლნ. აშშ დოლარი შეადგინა, რაც წინა წლის დაზუსტებულ მაჩვენებელზე 15.3 პროცენტით მეტია, ხოლო რეინვესტიცია წინა წლის დაზუსტებულ მაჩვენებელზე 3.8 პროცენტით მეტია და 1 397.8 მლნ აშშ დოლარს შეადგენს.
დღის ტოპ 10 სიახლე
სხვა სიახლეები
ლარის კურსი დოლართან და ევროსთან გამყარდა
11.03.2026.17:01
1 ევროს ოფიციალური ღირებულება 3.1695 ლარი გახდა, ხოლო 1 აშშ დოლარის 2.7300 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.7300 ლარით განისაზღვრა. კურსი, რომელიც დღეს 2.7438 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0138 ლარი შეადგინა.
რაც შეეხება ევროს, მისი ღირებულება 3.1695 ლარია. მაშინ, როცა დღეს მოქმედი
კურსი 3.1924 ლარს შეადგენდა. შესაბამისად, ევროს ცვლილებამ 0.0229 ლარი შეადგინა.
მომხმარებლის ნდობა კერძო სადაზღვევო კომპანიების მიმართ გაიზარდა - დავით ონოფრიშვილი
11.03.2026.16:21
საქართველოში საფინანსო სექტორი დინამიურად ვითარდება და სულ უფრო მიმზიდველი ხდება საერთაშორისო კომპანიებისა და ინვესტორებისთვის - ნათია თურნავა
11.03.2026.16:05
