პარლამენტის დროებით კომისიას ექნება დასკვნა კონკრეტული რეკომენდაციებით, ნაბიჯებით და სტრუქტურული ცვლილებებით, რომელიც სექტორს კონკურენტუნარიანს გახდის - შოთა ბერეკაშვილი
„პარლამენტის დროებითმა კომისიამ FMCG სექტორის 80-ზე მეტი წამყვანი კომპანიის საქმიანობა შეისწავლა საქართველოში, მათ შორის არიან როგორც მწარმოებლები, ასევე იმპორტიორები, დისტრიბუტორები და საცალო ქსელები. გავეცანით მათ ბიზნეს პროცესებს, საოპერაციო ხარჯებს, ფინანსურ მდგომარეობას და კაპიტალის სტრუქტურას. ასევე შევისწავლეთ შვიდი ევროპული ქვეყნის გამოცდილება საკვებ პროდუქტებზე ინფლაციასთან ბრძოლის სხვადასხვა მეთოდების შესახებ", - განაცხადა პარლამენტის პლენარულ სხდომაზე სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი პარლამენტის დროებითი კომისიის თავმჯდომარემ შოთა ბერეკაშვილმა.
მისი თქმით, კომისია აქტიურად მუშაობს გეგმაზე და შეიმუშავებს დასკვნას კონკრეტული რეკომენდაციებით, ნაბიჯებითა და სტრუქტურული ცვლილებებით, რომელიც, საბოლოო ჯამში, აღნიშნულ სექტორს გახდის ძალიან კონკურენტუნარიანს და ეფექტურს.
„ჩვენ მივიღებთ სისტემურ შედეგს, მათ შორის, ცვლილებების დანერგვისთანავე. ასევე გვაქვს გეგმა საშუალო პერიოდზე, თუ როგორ შეიძლება აღნიშნული სექტორის გარდაქმნა ისე, რომ მან იმუშაოს ეფექტურად და არ მოხდეს დამატებითი ხარჯის შექმნა.
ვფიქრობთ, რომ ძალიან კარგი იქნება შევძლოთ აღნიშნული სექტორის მონიტორინგი, იმისთვის რომ მას ჰქონდეს ფინანსური დისციპლინა. უმნიშვნელოვანესია, რომ პროცესები იყოს ჯანსაღი, არსებობდეს კომერციული ურთიერთობების ჩარჩო, რომელიც სექტორს გახდის კონკურენტუნარიანს და წარმატებულს", - აღნიშნა შოთა ბერეკაშვილმა.
დღის ტოპ 10 სიახლე
სხვა სიახლეები
ლარის კურსი დოლართან გამყარდა
14.04.2026.17:02
1 ევროს ოფიციალური ღირებულება 3.1800 ლარი გახდა, ხოლო 1 აშშ დოლარის 2.6963 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6963 ლარით განისაზღვრა. კურსი, რომელიც დღეს მოქმედებდა 2.6965 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0002 ლარი შეადგინა.
რაც შეეხება ევროს, მისი ღირებულება 3.1800 ლარია. მაშინ, როცა დღეს მოქმედი
კურსი 3.1519 ლარს შეადგენდა. შესაბამისად, ევროს ცვლილებამ 0.0281 ლარი შეადგინა.
საერთაშორისო საინვესტიციო კომპანიები ძალიან აქტიურები არიან საქართველოს ეკონომიკასთან მიმართებით - ლაშა ხუციშვილი
14.04.2026.12:10
ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის სტატუსი მიანიჭა
14.04.2026.11:25
