ოქროს ფასი ზრდას განაგრძობს, რასაც ხელს დოლარის დასუსტება უწყობს - TBC Capital
ოქროს ფასი ზრდას განაგრძობს, რასაც ხელს დოლარის დასუსტება უწყობს. როგორც თიბისი კაპიტალის პუბლიკაციაშია აღნიშნული, თავად დოლარის კურსის ვარდნა ფედერალური რეზერვის თავმჯდომარის, ჯერომ პაუელის განცხადებებმა გამოიწვია. პაუელმა ადმინისტრაცია ცენტრალური ბანკის დამოუკიდებლობის ხელყოფის მცდელობაში დაადანაშაულა.
„ოქრომ მიმდინარე კვირას აღმავალი ტენდენცია შეინარჩუნა, რასაც გრძელვადიან სტრუქტურულ ფაქტორებთან ერთად სპეციფიკურმა გარემოებებმაც შეუწყვეს ხელი. აშშ დოლარის დასუსტებამ, რაც ნაწილად ფედერალური რეზერვის დამოუკიდებლობასთან დაკავშირებულმა შიშებმა განაპირობა, ოქრო კიდევ უფრო მიმზიდველ აქტივად აქცია. ინვესტორები მას განიხილავენ, როგორც ინფლაციისგან დაზღვევის საიმედო საშუალების მაშინ, როგორც მსოფლიოს წამყვან სარეზერვო ვალუტას პრობლემების ექმნება“, - აცხადებენ თიბისი კაპიტალში.
დღის ტოპ 10 სიახლე
სხვა სიახლეები
2025 წლის დეკემბერში გადასახადებიდან მიღებული შემოსავლის ფაქტობრივმა მაჩვენებელმა ₾2,501.65 მილიონი შეადგინა - ფინანსთა სამინისტრო
13.01.2026.13:00
2025 წლის დეკემბერში გადასახადებიდან მიღებული შემოსავლის ფაქტობრივმა მაჩვენებელმა შეადგინა 2,501.65 მლნ ლარი, რაც დაგეგმილ მაჩვენებელს 4.2%-ით ჩამოუვარდება. ამის შესახებ ფინანსთა სამინისტროს ვებ-გვერდზე განთავსებულ ინფორმაციაშია აღნიშნული.
2025 წლის ნოემბერში, ნაერთი ბიუჯეტის შემოსავლები წლიურად გაიზარდა 13.1 პროცენტით, ხოლო ხარჯები შემცირდა 2.0 პროცენტით.
ნაერთი ბიუჯეტის საოპერაციო სალდომ, რაც წარმოადგენს მთავრობის დანაზოგს, შეადგინა 576.9 მლნ ლარი, ხოლო მთლიანი სალდო კი განისაზღვრა 249.1 მლნ ლარით.
2025 წლის ნოემბერში, გადასახადებიდან მიღებული შემოსავლის წლიურ ზრდაზე მნიშვნელოვანი დადებითი გავლენა იქონიეს აქციზიდან, მოგების გადასახადიდან და საშემოსავლო გადასახადებიდან მიღებულმა შემოსავლებმა, რომელთა პროცენტულმა კონტრიბუციამ მთლიან ზრდაში შესაბამისად შეადგინა 3.6%, 3.4% და 4.2%.
