ნათია თურნავა გაერთიანებული სამეფოს ახალდანიშნულ ელჩს გარეთ უორდს შეხვდა
ეროვნული ბანკის პრეზიდენტის მოვალეობის შემსრულებელმა ნათია თურნავამ საქართველოში გაერთიანებული სამეფოს ახალ ელჩთან, გარეთ უორდთან გაცნობითი ხასიათის შეხვედრა გამართა.
შეხვედრაზე მხარეებმა ხაზი გაუსვეს საქართველოს ეროვნულ ბანკსა და გაერთიანებული სამეფოს ცენტრალურ ბანკს შორის არსებულ მჭიდრო თანამშრომლობას. ყურადღება ასევე გამახვილდა სამომავლო თანამშრომლობის გააქტიურებასა და ინფორმაციის გაცვლაზე ცენტრალური ბანკების კომპეტენციას მიკუთვნებულ საკითხებში, მათ შორის ფინანსური ტექნოლოგიების განვითარების კუთხით.
შეხვედრის ფარგლებში ნათია თურნავამ ხაზი გაუსვა, რომ დიდი ბრიტანეთი საქართველოს მჭიდრო პარტნიორია და მასთან თანამშრომლობა როგორც ქვეყნისთვის, ისე ეროვნული ბანკისთვის პრიორიტეტულია.
როგორც შეხვედრის დასრულების შემდეგ ნათია თურნავამ აღნიშნა, საკმაოდ ნაყოფიერი და საინტერესო შეხვედრა შედგა, რომლის დროსაც გარეთ უორდს ინფორმაცია მიაწოდა მონეტარული პოლიტიკის, ფულის გათეთრების აღკვეთისა და ვირტუალური აქტივის სერვისის პროვაიდერების რეგულირების კუთხით სებ-ის მიერ გადადგმულ აქტიურ ნაბიჯებზე.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ნათია თურნავა რეიკიავიკის საერთაშორისო ეკონომიკურ კონფერენციაში მონაწილეობს
10.05.2025.18:52
საქართველოს ეროვნული ბანკის პრეზიდენტი, ნათია თურნავა რეიკიავიკის ეკონომიკურ კონფერენციაში მონაწილეობს, რომელიც ისლანდიის ცენტრალური ბანკის ორგანიზებით და ნორსვესტერნის უნივერსიტეტის საერთაშორისო მაკროეკონომიკის ცენტრთან თანამშრომლობით ყოველწლიურად იმართება.
რეიკიავიკის ყოველწლიურ ეკონომიკურ კონფერენციაში მონაწილეობენ სხვადასხვა ქვეყნის ცენტრალური ბანკების ხელმძღვანელები. მათ შორის, ინგლისის ბანკის პრეზიდენტი ენდრიუ ბეილი, ნიუ-იორკის ფედერალური სარეზერვო სისტემის პრეზიდენტი ჯონ ვილიამსი, ასევე, ისლანდიის, მონტენეგროს, იტალიის, ჩინეთის, დანიის და ევროკავშირის ქვეყნების სხვა ცენტრალური ბანკის პრეზიდენტები და ვიცე-პრეზიდენტები.
ორდღიანი შეხვედრის მთავარი სადისკუსიო საკითხებია მაკროეკონომიკური ანალიზისა და პოლიტიკის გამოწვევები, ასევე, თანამედროვე რეალობაში ცენტრალური ბანკების ცვალებადი როლი.
ეკონომიკური კონფერენციის მიზანი რისკების შემცირება და სტაბილურობისა და ეკონომიკური ზრდის ხელშეწყობაა.
სესიების ფარგლებში კონფერენციის მონაწილეები იმსჯელებენ მაკროეკონომიკური პოლიტიკის აქტუალურ გამოწვევებზე და გეოპოლიტიკის გავლენაზე საერთაშორისო ვაჭრობაში.
საერთაშორისო კონფერენციის ფარგლებში ნათია თურნავა მონაწილეობას მიიღებს პანელურ დისკუსიაში „ფინანსური სტაბილურობა და განაკვეთების შემცირების ციკლი“.
საქართველოს ეროვნული ბანკის საერთაშორისო პარტნიორობა | სტუმარი - ნათია თურნავა, სებ-ის პრეზიდენტი
10.05.2025.17:50
აქტიურად ვთანამშრომლობთ ავიაკომპანიებთან, რომ ახალი მიმართულებები დავამატოთ - ლევან მოსეშვილი
09.05.2025.22:00
მოლაპარაკებებს ვაწარმოებთ კომპანიებთან, რომ შიდა ფრენების რაოდენობა გაორმაგდეს - ლევან მოსეშვილი
09.05.2025.21:50
ეკონომიკურ ფორუმი ძალიან მნიშვნელოვანი ფორმატია კერძო და საჯარო სექტორის დიალოგისათვის - მარიამ ლაშხი
09.05.2025.12:10
ჯანდაცვის პოლიტიკა საქართველოში ერთ-ერთი წარმატებული და მნიშვნელოვანი მიმართულებაა - შოთა ბერიკაშვილი
09.05.2025.11:59
ეკონომიკურ ფორუმზე მინისტრმა გააჟღერა ის გეგმები, რაც მათ აქვთ პირველადი ჯანდაცვის თვალსაზრისით - დევი ხეჩინაშვილი
09.05.2025.11:55
სადაზღვევო მედიცინა არის ყველაზე ეფექტიანი და ეფექტური საშუალება ჯანდაცვის ხარჯების ოპტიმიზების - დევი ხეჩინაშვილი
09.05.2025.11:50
ეკონომიკური ფორუმის მთავარი თემა იყო ჯანდაცვის სისტემაში სადაზღვევო კომპანიების პოტენციური ინტეგრაცია - მიხეილ ჯაფარიძე
09.05.2025.11:45
