მზად ვართ ბიზნესს ვესაუბროთ შეღავათებზე, რომ ექსპორტის წილი კიდევ უფრო გაიზარდოს - შოთა ბერეკაშვილი
საკანონმდებლო ორგანო მზადაა ბიზნესთან არსებულ გამოწვევებზე და მისი გადაჭრის გზებზე ისაუბროს. როგორც საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ შოთა ბერეკაშვილმა ეკონომიკური ფორუმის მე-18 დისკუსიაზე განაცხადა, კომიტეტი მზად არის, რომ მაქსიმალურად ხელი შეუწყოს ინიციატივებს, რომელიც დაკავშირებული იქნება წარმოების კიდევ უფრო გაზრდასთან.
„ინვესტიციების თვალსაზრისით აღვნიშნავდი, რომ საქართველოს უაღრესად ლიბერალური საგადასახადო სისტემა აქვს. და ძალიან დაბალი. მოგების გადასახადი რეგიონში ყველაზე დაბალია, რაც ინვესტორებისთვის მიმზიდველს ხდის ქვეყანას. რეინვესტიციის შემთხვევაში, როგორც მოგეხსენებათ ესტონურ მოდელზე ვართ ჩვენ და მოგების გადასახადი არ იბეგრება. რაც თავის მხრივ ინვესტირებას მიმზიდველს ხდის ქვეყანაში. მნიშვნელოვანი რაც მინდა გამოვყო და დღევანდელ რეალობაში ჩვენთვის უნიკალურ შესაძლებლობებს ქმნის ეს არის ის, რომ საქართველოს გააჩნია თავისუფალი სავაჭრო ხელშეკრულებები მნიშვნელოვან პარტნიორებთან, როგორიც არის ევროკავშირის ქვეყნები, ასევე აზიის ქვეყნები, თურქეთი და დსთ-ს ქვეყნებსაც გამოვყოფდი, რაც საშუალებას გვაძლევს, რომ გამოწვევებით სავსე ეკონომიკურ ფონზე უნიკალურ ქვეყნად აქცევს საქართველოს და დარგობრივი ეკონომიკისა და ეკონომიკური პოლიტიკის კომიტეტის მხრიდან მინდა მივმართო ბიზნესს, რომ აქტიურად გამოიყენონ ის შესაძლებლობები რაც დღეს არსებობს და კანონმდებლობის მხრიდან ჩვენ მზად ვართ, რომ მაქსიმალურად ხელი შევუწყოთ ინიციატივებს, რომელიც დაკავშირებული იქნება წარმოების კიდევ უფრო გაზრდასთან“, - აღნიშნა ეკონომიკურ ფორუმზე შოთა ბერეკაშვილმა.
მისი თქმით, ექსპორტის წახალისების და გაზრდის კუთხით კომიტეტი მზადაა, რომ იმუშაოს კონკრეტულ ინდუსტრიებთან, კონკრეტულ სექტორებთან.
„ჩვენს შემთხვევაში მზად ვართ ბიზნეს ვესაუბროთ შეღავათებზე, რომ ექსპორტის წილი კიდევ უფრო გაიზარდოს
ასევე, მნიშვნელოვან საკითხი, რომელსაც გამოვყოფდი და რომელიც მნიშვნელოვნად გაზრდის ეკონომიკის ზრდის ტემპს, კომიტეტის ფარგლებში ვმუშაობთ კაპიტალის ბაზრების კიდევ განვითარებისთვის და ბაზარზე უფრო მეტი ინსტრუმენტის გაჩენისთვის. აქ მინდა აღვნიშნო, რომ საბანკო სექტორი საქართველოში კარგად არის განვითარებული და ერთ-ერთი ლიდერია“- აღნიშნა კომიტეტის თავმჯდომარემ.
შოთა ბერეკაშვილის თქმით, მნიშვნელოვანია, რომ შუა დერეფნის ნაწილში საქართველომ მეტი ტვირთნაკადის გატარება შეძლოს და რომ პარლამენტი „საკანონმდებლო ინიციატივებით მზად არის, რომ გვერდში დაუდგეს ბიზნესს, რათა მათ მეტი ინვესტიციების მოზიდვა შეძლონ.
„ბოლო 4 წლის განმავლობაში ქვეყანამ უაღრესად დიდი ნაბიჯი გადადგა. ჩვენ 4 წლის განმავლობაში შევძელით ეკონომიკის გაორმაგება“, - აღნიშნა ბერეკაშვილმა.
შეგახსენებთ, რომ შოთა ბერეკაშვილი ეკონომიკური ფორუმის მე-18 დისკუსიაში მონაწილეობდა, რომლის თემაც „ქვეყნის საინვესტიციო პოლიტიკა | ახალი შესაძლებლობები" იყო. თავად ფორუმი კი ქვეყნის პირველმა ვიცე-პრემიერმა ლევან დავითაშვილმა გახსნა,
პანელურ დისკუსიაში მონაწილეობდა შოთა ბერეკაშვილი - საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, ჯემალ ინაიშვილი - „თბილისის დრაი პორტის“ სამეთვალყურეო საბჭოს თავმჯდომარე. ღონისძიებას მოდერაციას უწევდა საქართველოს ეკონომიკური ფორუმისა და Business Insider Georgia-ს დამფუძნებელი და ხელმძღვანელი გიორგი აბაშიშვილი.
დისკუსიაში ეკონომიკური ფორუმის ფორმატში ერთობლივად მონაწილეობდნენ საკანონმდებლო და აღმასრულებელი ხელისუფლების წარმომადგენლები, დისკუსიაში ჩართული იყო სექტორის ცალკეული კომპანიების ხელმძღვანელები, მფლობელები და პარტნიორები, აკადემიური და ანალიტიკური სექტორის წარმომადგენლები.
„ეკონომიკური ფორუმის“ ფარგლებში მიმდინარე დისკუსიების მთავარი მიზანია სახელმწიფო, ანალიტიკური და ბიზნეს სექტორის მხრიდან გაანალიზებული იყოს საქართველოს წინაშე მდგარი აქტუალური გამოწვევები ეკონომიკური პოლიტიკის, განათლებისა და ევროინტეგრაციის მიმართულებით. მნიშვნელოვანია, რომ მიმდინარე დისკუსიების მთავარი საერთაშორისო პარტნიორია ცენტრალური და აღმოსავლეთ ევროპის უმსხვილესი ეკონომიკური ფორუმის ორგანიზატორი Foundation Institute for Eastern Studies. აღნიშნული ორგანიზაციის მიერ დაფუძნებული „ეკონომიკური ფორუმი“ პოლონეთში შეხვედრების ყველაზე დიდი პლატფორმაა ეკონომიკური განვითარების პერსპექტივებზე, თანამედროვე გამოწვევებსა და კრიზისების დაძლევაზე სასაუბროდ. ამასთანვე, ფორუმი წარმოადგენს კონკრეტული გადაწყვეტილებებისა და ინოვაციური იდეების სივრცეს. ავტორიტეტული საერთაშორისო გამომცემების მიერ პოლონეთის „ეკონომიკური ფორუმი“ ხშირად დასახელებულია, როგორც „პოლონური დავოსი“. მიმდინარე წელს პარტნიორობის ფარგლებში ასევე იგეგმება ერთობლივი დისკუსიების ორგანიზება საქართველოსა და პოლონეთში.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
აშშ-ში ვიზიტის ფარგლებში იყო თუ არა საუბარი სსფ-ს პროგრამაზე - დეტალები
01.05.2025.00:00
მიუხედავად იმისა, რომ პროგრამა სამწუხაროდ იყო დაპაუზებული, მაგრამ მიმდინარეობდა და დღესაც მიმდინარეობს სხვა ფორმის თანამშრომლობა, - ამის შესახებ სებ-ის პრეზიდენტმა სსფ-სთან ურთიერთობებზე კომენტირებისას განაცხადა. როგორც ცნობილია ნათია თურნავა აშშ-ში იმყოფებოდა და სსფ-ს მაღალჩინოსნებთან მართავდა შეხვედრებს. სწორედ იქ გადაწყდა, რომ სსფ-ს მორიგი მისია საქართველოს მაისის ბოლოს ესტუმრება.
ნათია თურნავას თქმით, საერთაშორისო სავალუტო ფონდსა და საქართველოს შორის თანამშრომლობა არცერთი წუთით არ შეწყვეტილა.
„სავალუტო ფონდი ჩვენი ტრადიციული პარტნიორია. ერთ-ერთი პირველი საერთაშორისო საფინანსო ინსტიტუტი, რომელიც დამოუკიდებლობის აღდგენის შემდეგ გაჩნდა საქართველოში. რა თქმა უნდა მათთან თანამშრომლობა ჩვენთვის არის საკმაოდ მნიშვნელოვანი. მიუხედავად იმისა, გვინდა თუ არა ჩვენ ბიუჯეტისთვის მათგან ვისესხოთ და ბოლო პერიოდში ჩვენ ეს აუცილებლობა არ დაგვდგომია, მაგრამ მთლიანობაში ზოგადად სანდოობისთვის, ბიზნესის თვალში, ინვესტორების თვალში ყოველთვის კარგია, როდესაც სავალუტო ფონდი არის ძლიერად წარმოდგენილი ქვეყანაში. მე გავაკეთე ეს კომენტარი და აქაც განვმეორდები, რომ საერთაშორისო სავალუტო ფონდსა და საქართველოს შორის თანამშრომლობა არცერთი წუთით არ შეწყვეტილა, მიუხედავად იმისა, რომ პროგრამა სამწუხაროდ იყო დაპაუზებული, მაგრამ მიმდინარეობდა და დღესაც მიმდინარეობს სხვა ფორმის თანამშრომლობა. წელს არის იგივე ე.წ მეოთხე მუხლის მისია ეს პროგრამა. ეს მისია ჩვენ გვესტუმრება უახლოეს დღეებში და იქაც ვიმსჯელებთ ყველაფერზე. მაისის ბოლოს ველით სავალუტო ფონდის მისიას საქართველოში, სადაც ყველაფერზე შეგვეძლება საუბარი. ტექნიკური დახმარების პროგრამები მათთან არ შეჩერებულა. მათ შორის, ეროვნული ბანკიც სარგებლობს უამრავი ტექნიკური დახმარების პროგრამით. მათ შორის, კიბერუსაფრთხოებით დაწყებული და საბანკო ზედამხედველობის საკითხებით დამთავრებული. ანუ ეს მჭიდრო თანამშრომლობა სულ გრძელდება. პროგრამაზე ვისაუბრებთ, როდესაც მისია ჩამოვა. ასეთი რაღაცაც ითქვა ჩვენი მხრიდან და ვფიქრობ, რომ გაგებით იყო ეს მოსმენილი, რომ ჩვენ ვიდრე ახალ პროგრამაზე ვისაუბრებთ აუცილებლად უნდა შევაფასოთ ეს დაპაუზებული ფორმალურად მიმდინარე პროგრამის მდგომარეობა. რა ღია საკითხები იყო, რა შესრულდა შემდეგ. იმიტომ, რომ მიუხედავად იმისა, რომ პროგრამა იყო დაპაუზებული ჩვენ მაინც ვაგრძელებდით როგორც აღმასრულებელი ხელისუფლება ფინანსთა სამინისტრო, ეკონომიკის სამინისტრო, ასევე ეროვნული ბანკი ამ პროგრამის მიხედვით მუშაობას. რა შესრულდა, რა დარჩა ღია იმისთვის რომ ეს საკითხები აღარ დაუდგეს წინ ჩვენს შემდგომ თანამშრომლობას. კი თავის დროზე იყო მიღებული გადაწყვეტილება ამ პროგრამის შეჩერების შესახებ, თუმცა ისიც უნდა აღინიშნოს, რომ ყველა პრაქტიკულად საშუალო ვადიანი მიზნობრივი მაჩვენებელი, რაც ამ დაპაუზებულ პროგრამაში იყო მოყვანილი ჩვენი მხრიდან იყო შესრულებული. ანუ ამ კუთხით არანაირი სასაყვედურო ქართულ მხარეს არ ჰქონდა. მათ შორის, ჩვენ მხარეს ეს იყო წმინდა რეზერვები, ფინანსთა სამინისტროს მხარეს ეს იყო საბიუჯეტო დეფიციტი. ყველაფერი იყო ზედმიწევნით იყო შესრულებული. ნუ სხვა საკითხია, რომ მიუხედავად ამისა მაინც იყო მიღებული გადაწყვეტილება ამ პროგრამის დიაპაუზების შესახებ. რამდენად გამართლებული იყო მაშინ იმ დროს ეს გადაწყვეტილება ეს კიდე ცალკე საკითხია“, - აღნიშნა ნათია თურნავამ.
სებ-ის პრეზიდენტი ამბობს, რომ სსფ და სებ არიან პარტნიორები და პარტნიორებს შორის არ შეიძლება, რომ თემა იყოს დახურული.
„ყველაფერზე ხდება საუბარი. მე პირადად ვფიქრობ რომ ერთ-ერთი მიზეზი მაშინ რაც იყო დასახელებული რომ ეროვნული ბანკის კანონში შევიდა ცვლილება პირიქით, სასიკეთო ცვლილება იყო იმიტომ რომ გამჭვირვალედ და საუკეთესო სტანდარტით კანონით დარეგულირდა თუ რა ხდება ისეთ დროს როდესაც ეროვნულ ბანკს არ ჰყავს მოქმედი პრეზიდენტი ხანგრძლივი დროის განმავლობაში, რომელსაც პირველი მოადგილე ცვლის და სწორედ ეგ სიტუაცია გვქონდა ჩვენ პოლიტიკური კონიუნქტურიდან გამომდინარე დიდხანს არ ჰყავდა პრეზიდენტი. აქედან გამომდინარე, საუკეთესო გამოსავალია ამის განმარტება მოხდა პარტნიორებთან. თუმცა მას შემდეგ ბევრი რამე გაკეთდა აქ გაუმჯობესების მიმართულებით. იგივე რა წუხილიც ჰქონდა სავალუტო ფონდს, რომ აღმასრულებელი წევრების რაოდენობა ჩვენს სამეთვალყურეო საბჭოში ჭარბობს არა აღმასრულებელს, ესეც გამოსწორდა. 9 წევრი, ყველა არის პარლამენტის მიერ დამტკიცებული და დანიშნული. არა აღმასრულებელი წევრების რაოდენობა 5 არის და 4 ვართ აღმასრულებლები, ანუ თვითონ ის პრინციპი რომლითაც უნდა იყოს ეს წარმოდგენილი და თანაფარდობა დაცული არის. ეს წუხილიც არის რაღაცნაირად გადაწყვეტილი და აღარ უნდა იყოს ჩვენს შორის საკითხი პრობლემური და ბევრი სხვა საკითხი იგივე ფინანსთა სამინისტროს მხარესაც, რაც იყო ღია საკითხები 2 წლის განმავლობაში იმუშავა უწყებამ ესეც ამოწურულია. ამიტომ მე პოზიტიურად ვარ განწყობილი“- აღნიშნა თურნავამ.
