მსოფლიო ბანკმა საქართველოს 2025 წლის ეკონომიკური ზრდის პროგნოზი 7%-მდე გაზარდა
მსოფლიო ბანკი 2025 წლისთვის საქართველოს ეკონომიკურ ზრდის პროგნოზს 1.5 პროცენტული პუნქტით, 7%-მდე ზრდის. ამის შესახებ ბანკის მიერ გამოქვეყნებულ ეკონომიკურ მიმოხილვაში არის საუბარი.
მსოფლიო ბანკის განმარტებით, წელს საქართველოში ფაქტობრივი ზრდა არის უფრო მაღალი, ვიდრე ისინი ივნისში გამოქვეყნებული პროგნოზით ვარაუდობდნენ. 2026 წლისთვის კი ქვეყანაში 5.5%-ის ეკონომიკური ზრდა არის ნავარაუდევი, რაც წინა პროგნოზთან შედარებით 0.5 პროცენტული პუნქტით მეტია.
რაც შეეხება მეზობელი ქვეყნების მაჩვენებლებს, მსოფლიო ბანკის განახლებული პროგნოზები ასე ნაწილდება:
- სომხეთი - 5.2%-ის ეკონომიკური ზრდა, გაუმჯობესება 1.2 პ.პ;
- აზერბაიჯანი - 1.9%-ის ეკონომიკური ზრდა, გაუარესება 0.7 პ.პ;
- რუსეთი - 0.9%-ის ეკონომიკური ზრდა, გაუარესება 0.5 პ.პ;
- თურქეთი - 3.5%-ის ეკონომიკური ზრდა, გაუმჯობესება 0.4 პ.პ.
ბოლო ერთი თვის განმავლობაში მსოფლიო ბანკის მსგავსად, საქართველოს ეკონომიკური ზრდის პროგნოზი 7%-მდე გაზარდა EBRD-მა და ADB-მა, ხოლო საერთაშორისო სავალუტო ფონდმა ივლისში ის 7.2%-მდე დააკორექტირა.
ამასთან, მსოფლიო ბანკის მიერ დღეს გამოქვეყნებული ეკონომიკურიმიმოხილვის თანახმად, რომელიც სამუშაო ადგილებსა და კეთილდღეობას ეხება, ეკონომიკური ზრდა ევროპასა და ცენტრალურ აზიაში (ECA) შენელდა, თუმცა რეგიონი უწყვეტი გლობალური და რეგიონული გამოწვევების ფონზე მდგრადობას ინარჩუნებს.
დღის ტოპ 10 სიახლე
სხვა სიახლეები
საქართველოდან ესპანეთში ექსპორტი 62%-იან ზრდას აჩვენებს
07.10.2025.17:00
საქართველოდან ესპანეთში ექსპორტი 62%-იან ზრდას აჩვენებს. 2025 წლის იანვარ-აგვისტოში საქართველომ ექსპორტზე 35 767.8 ათასი დოლარის პროდუქცია გაიტანა, 2024 წლის ანალოგიურ პერიოდში კი 22 051.3 ტონა. საქსტატის მაჩვენებლების მიხედვით, საქართველოდან ესპანეთში ნომერ პირველი საექსპორტო პროდუქტი სასუქებია. სწორედ სასუქებზე მოდის ესპანეთში ექსპორტის 29%-ია.
TOP 5 პროდუქტი, რასაც საქართველო ესპანეთში ყიდის:
რაც შეეხება ესპანეთიდან იმპორტს 24%-იანი ზრდა ფიქსირდება. 2025 წლის 8 თვეში საქართველომ 166 843.3 ათასი დოლარის პროდუქცია იყიდა ესპანეთიდან, 2024 წლის ანალოგიურ პერიოდში კი 134 219.1 ათასი დოლარის.
TOP 5 პროდუქტი, რასაც საქართველო ესპანეთიდან ყიდულობს:
