მოსახლეობის საყოველთაო აღწერის საბოლოო, დაზუსტებული შედეგები ივნისში გახდება ცნობილი
საქართველოს 2024 წლის საყოველთაო აღწერის წინასწარი შედეგებით, ქვეყანაში მუდმივად მცხოვრები მოსახლეობა 3 მილიონ 914 ათასს შეადგენს. როგორც გადაცემა „იმედის დილაში“, რუბრიკა Business Insider Georgia-ში სტუმრობისას „საქსტატის“ აღმასრულებელმა დირექტორმა, გოგიტა თოდრაძემ განაცხადა, ასაკობრივი და სხვა დეტალური მონაცემები აპრილში გამოქვეყნდება, საბოლოო, დაზუსტებული შედეგები კი ივნისში გახდება ცნობილი.
„2024 წელს დავასრულეთ მოსახლეობის საყოველთაო აღწერა და წინასწარი შედეგები ცნობილია საზოგადოებისთვის, რომლის მიხედვითაც 3 მილიონ 914 ათასს შეადგენს ქვეყანაში მუდმივად მცხოვრები მოსახლეობის რიცხოვნობა. ეს მონაცემები ასაკობრივ ჭრილში გამოქვეყნდება აპრილში და ძირითადი დაზუსტებული შედეგები სხვადასხვა დეტალებთან ერთად უკვე ივნისში იქნება ცნობილი საზოგადოებისთვის“, - აღნიშნა თოდრაძემ.
დღის ტოპ 10 სიახლე
უმაღლესი განათლების რეფორმაზე უნივერსიტეტების უმეტესობასთან შეთანხმება უკვე გვაქვს - ზვიად გაბისონია
სხვა სიახლეები
საქსტატი 2026 წელს ყურადღებას ხელოვნურ ინტელექტსა და პროცესებზე ორიენტირებულ სისტემებზე გაამახვილებს - გოგიტა თოდრაძე
13.03.2026.23:50
საქსტატი 2026 წელს ყურადღებას ხელოვნურ ინტელექტსა და პროცესებზე ორიენტირებულ სისტემებზე გაამახვილებს, რათა ოფიციალური სტატისტიკა უფრო ეფექტიანი გახდეს. უწყების ხელმძღვანელის გოგიტა თოდრაძის თქმით, საერთაშორისო პრაქტიკა აჩვენებს, რომ პროდუქტებზე ფოკუსირებული მიდგომის ნაცვლად პროცესებზე ორიენტირებული სისტემა უფრო შედეგიანია, რის მიხედვითაც უწყება მომავალ წლებში გარდაქმნებს საკუთარ მექანიზმებს.
„2026 წელს არსებული პრაქტიკიდან და წარსული გამოცდილებიდან გამომდინარე, ჩვენ ყურადღებას გავამახვილებთ ისეთ საკითხებზე, როგორიცაა მაგალითად ხელოვნური ინტელექტის ფართოდ გამოყენება ოფიციალური სტატისტიკის წარმოების პროცესში. ასევე ვგეგმავთ ჩვენ ქმედითი ნაბიჯები გადავდგათ პროცესებზე ორიენტირებული სისტემის ფორმირებაში. ანუ დღევანდელი სისტემა, ისევე როგორც ჩვენს ქვეყანაში, ისევე როგორც მსოფლიო ქვეყნების უმრავლესობაში, არის პროდუქტებზე ფოკუსირებული, დაფუძნებული, თუმცა საერთაშორისო პრაქტიკა გვაჩვენებს, რომ ეფექტიანობის თვალსაზრისით უკეთესი გახლავთ, ასე ვთქვათ, პროცესებზე ორიენტირებული სისტემა, რაზეც ვგეგმავთ გადავიდეთ მიმდინარე წლებში“, - აცხადებს გოგიტა თოდრაძე,
მოსახლეობის საყოველთაო აღწერის საბოლოო, დაზუსტებული შედეგები ივნისში გახდება ცნობილი
13.03.2026.23:30
ნებისმიერი მაჩვენებლის გაანგარიშებისას ჩვენ ვეყრდნობით საერთაშორისო მეთოდოლოგიას - საქსტატის აღმასრულებელი დირექტორი
13.03.2026.23:00
