მიმდინარეობს დიდი ნავთობგადამამუშავებელი ქარხნის მშენებლობა, რომელიც წელიწადში დაახლოებით 3 მლნ ტონას გადაამუშავებს - გიორგი ტატიშვილი
საქართველოს წლის განმავლობაში 50 ათას ტონა ნავთობს მოიპოვებს, - ამის შესახებ პარლამენტში საკომიტეტო მოსმენისას ნავთობის და გაზის სახელმწიფო სააგენტოს ხელმძღვანელმა გიორგი ტატიშვილმა დეპუტატის კითხვის პასუხად განაცხადა.
მისი თქმით, მოპოვებული ნავთობის გადამუშავება ხდება ადგილზევე.
„ძირითადად ნავთობისა და გაზის მოპოვება ხდება ძველი საბადოებიდან. ჯამურად წელიწადში ეს არს 50 ათასი ტონა. უნდა აღინიშნოს, რომ მთლიანად საქართველოში მუშავდება ნედლი ნავთობი, შესაბამისად მისი პროდუქტები როგორიც არის ბენზინი და დიზელი ადგილობრივი წარმოებისაა. ანუ მთლიანად ჩვენი ლიცენზიანტები, გადამამუშავებელი ქარხნები ამას ამუშავებენ. და პარალელურად ახლა მიმდინარეობს დიდი ნავთობგადამამუშავებელი ქარხნის მშენებლობა, რომელიც დაახლოებით 3 მლნ ტონას გადაამუშავებს წელიწადში“, - აღნიშნა გოგა ტატიშვილმა.
მისივე თქმით, ახალ ქარხანას მთლიანი მოხმარების დაკმაყოფილება შეუძლია.
„ახალი ქარხნის შემთხვევაში მთლიანად დააკმაყოფილებს და დარჩება ასევე საექსპორტო მოცულობებიც“, - აღნიშნა მან.
დღის ტოპ 10 სიახლე
სხვა სიახლეები
იანვარ-მაისში საგარეო სავაჭრო ბრუნვა 13.3%-ით გაიზარდა
13.06.2025.11:29
2025 წლის იანვარ-მაისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 9 790.9 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 13.3 პროცენტით მეტია. აქედან, ექსპორტი 2 595.3 მლნ. აშშ დოლარი იყო (გაიზარდა 14.6 პროცენტით), ხოლო იმპორტი 7 195.6 მლნ. აშშ დოლარი (გაიზარდა 12.8 პროცენტით). უარყოფითმა სავაჭრო ბალანსმა 2025 წლის იანვარ-მაისში 4 600.3 მლნ. აშშ დოლარი შეადგინა, რაც საგარეო სავაჭრო ბრუნვის 47.0 პროცენტია.
საქართველოს საგარეო ვაჭრობის დეტალური მონაცემები გამოქვეყნდება მიმდინარე წლის 19 ივნისს.
