მერი ჩაჩანიძე | ADB-ის 57-ე ყოველწლიური შეხვედრა

ეკონომიკა

ჩვენი მიზანია, საქართველო საერთაშორისო საავიაციო განათლების მიღების მნიშვნელოვან ცენტრად ვაქციოთ - საქართველოს აეროპორტების გაერთიანების UAG აკადემიის დირექტორი

12.11.2026.12:10

საქართველოს აეროპორტების გაერთიანების (UAG) აკადემია საჰაერო ტრანსპორტის საერთაშორისო ასოციაციის (IATA) პირველი რეგიონული სასწავლო პარტნიორი გახდა. აღნიშნული სტატუსი საქართველოს საავიაციო განათლებისა და პროფესიული გადამზადების მიმართულებით მნიშვნელოვან ახალ შესაძლებლობებს ქმნის.

როგორც საქართველოს აეროპორტების გაერთიანების UAG აკადემიის დირექტორი ნიკა თიკანაშვილი აცხადებს, IATA-ს აკრედიტაციის წარმატებით გავლა და რეგიონული სასწავლო პარტნიორის სტატუსის მოპოვება აკადემიისთვის მნიშვნელოვანი წარმატებაა, რომელიც საქართველოში საერთაშორისო დონის სასწავლო პროგრამების დანერგვის შესაძლებლობას იძლევა.

„IATA-ს აკრედიტაციის წარმატებით გავლა და რეგიონული სასწავლო პარტნიორის სტატუსის მინიჭება შესაძლებლობას გვაძლევს, საქართველოში დავნერგოთ საერთაშორისო დონის სასწავლო პროგრამები, მათ შორის უსაფრთხოების მართვის სისტემების, სახიფათო ტვირთების გადაზიდვისა და საჰაერო ხომალდების ტექნიკური გაუმართაობების გამომწვევი მიზეზების ანალიზის მიმართულებით. ჩვენი მიზანია, საქართველო საერთაშორისო საავიაციო განათლების მიღების მნიშვნელოვან ცენტრად ვაქციოთ, სამომავლოდ კიდევ უფრო გავაფართოოთ სასწავლო და სპეციალიზებული კურსების რაოდენობა, დავაინტერესოთ დარგის სპეციალისტები, რომ საქართველოში მიიღონ მაღალი დონის განათლება", - აცხადებს ნიკა თიკანაშვილი.

2027 წლის თებერვლიდან UAG აკადემიაში IATA-ს საერთაშორისო სასწავლო კურსები დაიწყება. პროგრამებში მონაწილეობას შეძლებენ როგორც საქართველოს მოქალაქეები, ისე დაინტერესებული პირები რეგიონის სხვა ქვეყნებიდან.

IATA-სთან პარტნიორობა საქართველოს ავიაციისთვის მნიშვნელოვანი საერთაშორისო აღიარება - ლევან მოსეშვილი 12.11.2026.11:36

აშშ-ის შრომის ბაზრის მონაცემებმა მოლოდინს გადააჭარბა: ოქტომბერში 165 ათასი ახალი სამუშაო ადგილი შეიქმნა (მოლოდინი 65 ათასი), უმუშევრობის დონე კი 4.1%-მდე შემცირდა - TBC Capital 12.11.2026.11:00