ლევან დავითაშვილმა კატარის პრემიერ-მინისტრთან ქვეყნებს შორის სავაჭრო-ეკონომიკური თანამშრომლობის მნიშვნელოვანი საკითხები განიხილა

ეკონომიკა

მომავალი სამი წელიწადი იქნება მზისთვის ძალიან აქტუალური - განვითარდება საშუალო სიმძლავრის პროექტები l Photomate Caucasus-ის რეგიონული დირექტორი

13.03.2026.00:00

საქართველოში მზის ენერგეტიკის სექტორში მოთხოვნა მნიშვნელოვნად გაიზარდა და ბაზარზე მზის ელექტროსადგურების მიმართ ინტერესი, როგორც ადგილობრივი, ისე უცხოელი ინვესტორების მხრიდან, მატულობს. ამის შესახებ ტელეკომპანია „მაესტროს“ ეთერში, გადაცემა Business Insider Georgia-ში სტუმრობისას, Photomate Caucasus-ის რეგიონულმა დირექტორმა, დავით ტყეშელაშვილმა განაცხადა. მისი თქმით, კომპანიას უკვე რამდენიმე მსხვილ პროექტზე აქვს მუშაობა დაწყებული და, მიუხედავად იმისა, რომ სექტორში გარკვეული გამოწვევები არსებობს, ინვესტორები მზის ენერგიას მომავალის ენერგიად მიიჩნევენ და პროექტების განხორციელებას არ აპირებენ შეაჩერონ.

„ჩვენ უკვე დაახლოებით ოთხი წელია ვოპერირებთ ბაზარზე - მთლიანად კავკასიას ვფარავთ. გარდა ამისა, როდესაც შემოვედით ბაზარზე, შევქმენით ჰაბი, რომელიც მოიაზრებს იმას, რომ სრულიად საქართველოდან ხდებოდა დაფარვა ამიერკავკასიაში: სომხეთში, აზერბაიჯანში. მახსოვს იყო დრო, როცა პროდუქციას ვაწვდიდით უზბეკეთში, ყაზახეთში და, რაც უფრო შორს წავიდა საქმე, მონღოლეთშიც კი საქართველოდან გავიდა პროდუქცია.

შემდგომ შეიცვალა სურათი, და მთელი ამ სამი წლის განმავლობაში აქტიურად სომხეთი იყო ბაზარზე. ისინი აქტიურობდნენ მაშინ, როცა ჩვენთან იყო ძალიან ნელი ფაზა, და ერთი-ორი პროექტი თუ სადღაც უფრო სწრაფად ვითარდებოდა. ამ პერიოდში სომხეთმა ააშენა 1000 მეგავატი მზის ელექტროსადგური, და თამამად შემიძლია ვთქვა, რომ დაახლოებით 70%-ში ჩვენ მივიღეთ მონაწილეობა. შემდგომ უცებ აღმოჩნდა, რომ საქართველოდან ვეღარ ხდებოდა პროდუქციის მიწოდება, რადგან ეს ორმაგი დანიშნულების პროდუქცია იყო. თუმცა ჩვენ გამოსავალი ვიპოვეთ, რადგან ვიყავით ჩეხური კომპანია და ტრანზიტის პირობებში პროდუქცია კვლავ მივაწოდეთ. ამით ქვეყანამ გარკვეული შემოსავალი დაკარგა, რადგან საუბარი იყო კოლოსალურ თანხებზე, როდესაც უზარმაზარი პროექტი ხორციელდებოდა სომხეთში.

შარშან და წელს სიტუაცია საგრძნობლად შეიცვალა. ბიზნესმა იქ დაიწყო აქტიურობა და ახლა აპირებენ სთორიჯებზე, ე.წ. „შემნახველებზე“ გადასვლას. თუმცა ჩვენს ქვეყანაში ეს ბიზნესი „აფეთქდა“ - დაიწყო მოთხოვნა, მოთხოვნა, მოთხოვნა, და ჩვენ მიწოდებას, მიღება-მიწოდებას ვეღარ ვახერხებდით, იმდენად დიდი იყო მოთხოვნა. თუმცა წელს ყურადღება ძირითადად დიდი სიმძლავრის პროექტებზეა გადატანილი და მოდიან სერიოზული და კვალიფიციური ინვესტორები. ვმუშაობთ რამდენიმე დიდ პროექტზე.

განსაკუთრებით მინდა ხაზი გავუსვა, რომ მიუხედავად გამოწვევებისა, მზის ბიზნესი არ გაჩერდება. ინვესტორები განაგრძობენ ფიქრს გრძელვადიან პერსპექტივაში და მზად არიან 20-25 მლნ დოლარიანი პროექტები ააშენონ. ტენდენცია არ წყდება, სურვილიც არა. ინვესტორები ფიქრობენ, რომ ეს არის მომავლის ენერგია და მზის ენერგია აუცილებლად უნდა განვითარდეს საქართველოში.

პირველ ეტაპზე სახელმწიფო ამბობს, რომ უნდა აშენდეს 1700 მეგავატი. აღსანიშნავია, რომ „დაბევებული“ პროექტები, ვისაც ჰქონდა, ჩამოერთმევა, ხოლო სამშენებლო მემორანდუმამდე დამამშვიდებელი ეტაპები მოითხოვება, რათა პროექტის რეალურობა დასტურდებოდეს. სახელმწიფო ამ მხრივ მკაცრად ოპერირებს და ზომებს იღებს. შესაბამისად, მომავალი სამი წელი მზის სექტორისთვის განსაკუთრებულად აქტიური იქნება - განვითარდება საშუალო სიმძლავრის პროექტები, რამდენიმე დიდი სიმძლავრის პროექტიც, დანარჩენი კი დრო გვიჩვენებს, როგორ მოახერხებს სახელმწიფო ყველაფრის თანმიმდევრულად ორგანიზებას და მხარდაჭერას“, - აღნიშნა Photomate Caucasus-ის რეგიონულმა დირექტორმა, დავით ტყეშელაშვილმა.

ენერგეტიკის სექტორში ქსელის წესებსა და 10-წლიან განვითარების გეგმაში ცვლილებები შედის 12.03.2026.23:40

16 მარტი არის ის თარიღი, როდესაც დასრულდება განაცხადების მიღება და უფრო მკაფიოდ დავინახავთ ვინ არიან რეალური ინვესტორები - მაია მელიქიძე ენერგეტიკული კომპანიებისთვის ჯარიმების ჩამოწერაზე 12.03.2026.23:20

საქართველოს ენერგეტიკული თვითკმარობის მისაღწევად ჯერ კიდევ რამდენიმე წელი სჭირდება, რადგანაც ჯერ კიდევ ასაშენებელი გვაქვს როგორც ჰიდროს, ასევე მზის და ქარის მიმართულებით ელექტროსადგურები - მაია მელიქიძე 12.03.2026.23:00

ქვეყანაში ელექტროენერგიის მოხმარება ყოველწლიურად 3–5%-ით იზრდება - მაია მელიქიძე 12.03.2026.22:40

გვესმის, რომ ჰიდროენერგეტიკა უნდა განვითარდეს, რათა გავხდეთ თვითკმარი ქვეყანა და უარი ვთქვათ იმპორტზე, თუმცა აუცილებელია მოხმარების გაზრდაც - Photomate Caucasus-ის რეგიონული დირექტორი 12.03.2026.22:20

ჰიდროენერგეტიკა ჩვენი ქვეყნის სავიზიტო ბარათი უნდა იყოს, თუმცა არსებობს ქარისა და მზის ენერგიის განვითარების შესაძლებლობაც - Photomate Caucasus-ის რეგიონული დირექტორი 12.03.2026.22:00

ენერგეტიკული სტრატეგიის მიხედვით, 2036 წლისთვის ქვეყნის საერთო დადგმულმა სიმძლავრემ 11 500 მეგავატს უნდა მიაღწიოს - მაია მელიქიძე დეტალებზე 12.03.2026.21:40

ბირჟის გახსნის შემდეგ აუცილებლად დაწესდება დღე-ღამის ტარიფები - ეს სისტემა შესამუშავებელი გვაქვს l მაია მელიქიძე 12.03.2026.21:00

ვისურვებდი, რომ გვქონდეს ენერგიის დამგროვებლები, ე.წ. “სთორიჯები“ - მაია მელიქიძე 12.03.2026.20:40

აუცილებლად უნდა მოვახერხოთ საექსპორტო ბაზრების დივერსიფიკაცია - მაია მელიქიძე 12.03.2026.20:20

მზად ვართ, განვახორციელოთ ინვესტიციები - Photomate Caucasus-ის რეგიონული დირექტორი 12.03.2026.20:20