ნებისმიერი ის ინტერესი, რომელიც უკავშირდება რეგიონს და რეგიონში თანამშრომლობას, უნდა განხორციელდეს და შესაძლებელია, რომ განხორციელდეს მხოლოდ საქართველოსთან მჭიდრო თანამშრომლობით, - ამის შესახებ - ასე ქვეყნის პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა Business Insider Georgia-ს კითხვის პასუხად განაცხადა.

„რაც შეეხება კითხვას ევროპის ინტერესებთან დაკავშირებით, აქ ძალიან ცალსახაა, რომ ნებისმიერი ის ინტერესი, რომელიც უკავშირდება რეგიონს და რეგიონში თანამშრომლობას სატრანსპორტო თუ ენერგეტიკული მიმართულებით უნდა განხორციელდეს და შესაძლებელია, რომ განხორციელდეს მხოლოდ საქართველოსთან მჭიდრო თანამშრომლობით. ამიტომ ხშირ შემთხვევაში საოცარია და ცოტა გასაკვირიცაა ის როდესაც საქართველო ამ შემთხვევაში არ არის ხოლმე განხილვის საგანი. იმიტომ, რომ საქართველოს აქვს განსაკუთრებული როლი და საქართველოს დადებითი პოზიციით ან წარმატებით განხორციელდება ეს პროექტები, ან ვერც ისე წარმატებით განხორციელდება. ამიტომ საქართველოს როლის შემცირება ვფიქრობ, რომ არის უბრალოდ გულუბრყვილობა. და მე ამაზე პირდაპირი პოზიცია მაქვს, ამ შემთხვევაში ნაკლებად დიპლომატიური ვიქნები, იმიტომ, რომ საქართველოს როლი ესმის ჩვენს პარტნიორ ქვეყნებს, ჩვენს მეზობელ ქვეყნებს და ვფიქრობ, რომ ევროკავშირისთვის ეს ძალიან გასაგებია და უბრალოდ ამის არ ხსენება არ არის მინიმუმ კორექტული“, - განაცხადა ლევან დავითაშვილმა.