ლარის კურსი ევროსთან გამყარდა

ეკონომიკა

სახაზინო ფასიანი ქაღალდების ჯამურმა გამოშვების მოცულობამ ₾352.5 მილიონი შეადგინა - ფინანსთა სამინისტრო

13.01.2026.19:00

2025 წლის დეკემბერში ჩატარდა 6 გამოშვებისა და 2 გაცვლის აუქციონი. სახაზინო ფასიანი ქაღალდების ჯამურმა გამოშვების მოცულობამ შეადგინა 352.5 მლნ ლარი. აღნიშნულის შესახებ ფინანსთა სამინისტროს ვებ-გვერდზე განთავსებულ ინფორმაციაშია აღნიშნული.
საშუალო შეწონილმა საპროცენტო განაკვეთმა 9.334% შეადგინა.
გამოშვებულ იქნა 6 და 12 თვის ვადიანობისა და 4, 6, 9 და 11 წლის ნარჩენი ვადიანობის მქონე სახაზინო ობლიგაციები. დაიფარა 180 მლნ ლარის მოცულობის სახაზინო ვალდებულებები.
2025 წლის 31 დეკემბრისათვის სახელმწიფო ფასიანი ქაღალდების პორტფელის 38.6% ფორმირებულია იმ ფასიანი ქაღალდებით, რომელთა დაფარვის ვადა დგება მომავალი 1- 3 წლის განმავლობაში. სახელმწიფო ფასიანი ქაღალდების პორტფელში ასევე დიდი წილი უკავია 3-5 წლის ვადიანობის მქონე ობლიგაციებს (დაახლოებით 26%).
მოთხოვნის კოეფიციენტი დეკემბერში გასული თვის მაჩვენებელთან (ნოემბერი 2.28) შედარებით შემცირდა და 2.24 შეადგინა.
დეკემბერში სახაზინო ფასიანი ქაღალდების დარჩენილი საშუალო შეწონილი ვადიანობა 3.75 იყო.