კიდევ ერთი ევროპული ავიაკომპანიის Vision Air-ის შემოსვლა ხელს შეუწყობს ტურიზმის განვითარებას და მგზავრებისთვის მეტი არჩევანის შექმნას - ლევან მოსეშვილი
კიდევ ერთი ევროპული ავიაკომპანიის Vision Air-ის შემოსვლა ხელს შეუწყობს ტურიზმის განვითარებას და მგზავრებისთვის მეტი არჩევანის შექმნას, - აღნიშნულის შესახებ განცხადებას საქართველოს აეროპორტების გაერთიანების გენერალური დირექტორი ლევან მოსეშვილი აკეთებს.
მისი თქმით, საქართველოს მიესალმება ყველა ახალ პარტნიორს, რომელიც ქვეყნის აეროპორტებში ოპერირებას იწყებს.
„Vision Air-ი მოლდოვური ავიაკომპანიაა, რომელმაც ოპერირება უკრაინულ SkyUp Airlines-თან პარტნიორობით 2025 წლის ზაფხულიდან დაიწყო. მისი შემოსვლა ქართულ ბაზარზე პოზიტიური სიგნალია. ეს არის ახალი კავშირი კიშინაუ—თბილისს შორის. ჯერჯერობით კვირაში ერთხელ, შაბათობით. თუმცა, ავიაკომპანია ეტაპობრივად, წლის ბოლომდე, სიხშირეების კვირაში 3-მდე გაზრდას განიხილავს.
Vision Air-ის ოპერირების დაწყება მნიშვნელოვანია როგორც ტურიზმის, ისე ეკონომიკური და კულტურული ურთიერთობების გაღრმავების თვალსაზრისით. ასევე, კონკურენციის კუთხით, ეს არის უკვე რიგით მეორე ავიაკომპანია Flyone-ის შემდეგ, რომელიც მოლდოვასა და საქართველოს დედაქალაქებს შორის პირდაპირ რეგულარულ ფრენებს ასრულებს“, - აცხადებს ლევან მოსეშვილი.
მისივე განმარტებით, 2025 წელი ნამდვილად გამორჩეულია ქართული საავიაციო ბაზრისთვის.
„მხოლოდ წელსვე საქართველოს ბაზარზე ოპერირება დაიწყო ხუთმა ახალმა ევროპულმა ავიაკომპანიამ. რამაც მნიშვნელოვანი წვლილი შეიტანა მგზავრთნაკადისა და რეისების ზრდის რეკორდულობაში. მხოლოდ 9 თვეში საქართველოს სამივე საერთაშორისო აეროპორტი რეკორდული რაოდენობის მგზავრსა და რეისებს მოემსახურნენ. იანვარ-სექტემბრის განმავლობაში განხორციელებული ფრენების რაოდენობა ჯამურად, (28 681) 18%-ით აღემატება 2024 წლის ანალოგიურ პერიოდში განხორციელებული ფრენების (24 348) რაოდენობას.
ეს არის ძალიან მნიშვნელოვანი ტენდენცია, რადგან ის მიუთითებს ქვეყნისადმი მზარდ ნდობასა და ბაზრის პოტენციალზე. ახალი გადამზიდავების შემოსვლამ გააფართოვა მიმართულებების გეოგრაფია — დაემატა როგორც დასავლეთ ევროპის, ისე ცენტრალური ევროპის ახალი ფრენები, რაც პირდაპირ აისახა მგზავრთნაკადზე. წელს ჩვენს ბაზარზე შემოვიდნენ: ბრიტანეთი ფლაგმანი - British Airways, ბრიტანული დაბალბიუჯეტური ავიაკომპანია easyJet, Air Serbia, Transavia France, შვეიცარიული Edelweiss“, - აცხადებს საქართველოს აეროპორტების გაერთიანების გენერალური დირექტორი.
დღის ტოპ 10 სიახლე
საქართველოს ბანკი ახალგაზრდა პროფესინალებისთვის ქმნის შესაძლებლობებს დასაქმებისა და სტაჟირებისთვის
სხვა სიახლეები
2025 წელს, ეკონომიკური ზრდა, დაახლოებით, 7.4% იქნება - თამთა სოფრომაძე
05.11.2025.19:11
ეროვნული ბანკის თვალთახედვით, ანუ ეკონომიკურ ზრდასთან ერთად, მნიშვნელოვანია, რა დგას ეკონომიკური აქტივობის უკან, – აცხადებს სებ-ის მაკროეკონომიკისა და სტატისტიკის დეპარტამენტის უფროსი თამთა სოფრომაძე, რომელიც დღეს რადიო „სივრცის“ ეთერში, გადაცემა Business Insider Georgia-ს სტუმარი იყო.
„ჩვენთვის მნიშვნელოვანია, ე.წ. პოტენციური ან ქვეყნის წარმოების პოტენციალიდან როგორ არის გადახრილი, რადგან სწორედ ეს განსაზღვრავს, შემდეგ ფასებზე როგორი ზეგავლენა ექნება. შესაბამისად, ჩვენი ანალიზის მიხედვით, გასულ წლებშიც საკმაოდ მაღალი იყო ეკონომიკური ზრდა – 2021-2024 წლების საშუალო ეკონომიკური ზრდა 9.7% იყო და ჩვენი შეფასებით, ეს ძირითადად მომდინარეობდა მაღალპროდუქტიული სექტორებიდან. ქვეყნის ჯამური წარმოების პოტენციალიც ამის შესაბამისად გაიზარდა და, აქედან გამომდინარე, დიდ წნეხს ფასებზე არ წარმოქმნიდა.
ჩვენი პროგნოზით, მიმდინარე წელს, დაახლოებით 7.4%-იანი იქნება ეკონომიკური ზრდა და ფაქტობრივად ნელ-ნელა გააგრძელებს ნორმალიზაციას გრძელვადიან ეკონომიკურ ზრდასთან. ამ ეტაპზეც, კონსერვატიული მიდგომიდან გამომდინარე, მიუხედავად წარსული მაღალი ზრდებისა, ჩვენი შეფასებით, გრძელვადიანი ეკონომიკური ზრდა კვლავ 5%-ია და ნელ-ნელა დაუბრუნდება ამ მაჩვენებელს.
თუმცა, კიდევ ერთხელ აღვნიშნავ იმას, რომ აქ მნიშვნელოვანია ის, რომ ეკონომიკურს ზრდაში სტრუქტურა გარკვეულწილად შეიცვალა - თუ შევადარებთ მაგალითად 2020 წლამდე პერიოდს. კერძოდ, უფრო მეტად გააქტიურდა ისეთი სექტორები, რომელიც ნაკლებად იმპორტ ინტენსიურია და უფრო მეტ დამატებულ ღირებულებას წარმოქმნიან საქართველოს ეკონომიკისათვის, რაც ასევე პარალელურად აისახა იმაშიც, რომ მიმდინარე ანგარიშის დეფიციტი, რომელიც განსაზღვრავს ქვეყნის შემოდინებებს და გადინების ბალანს საკმაოდ გაუმჯობესებულია ბოლო წლებში. თუ შევადარებთ ისტორიულ მაჩვენებელს და ის მთლიან შიდა პროდუქტთან დაახლოებით 5 %-თან ახლოს ნარჩუნდება. ამ მიმართულებითაც ჩვენი პროგნოზი ასეთია, მიმდინარე წელსაც მიმდინარე ანგარიშის ბალანსი წონასწორულ დონესთან ახლოს დარჩება და დეფიციტი მთლიანი შიდა პროდუქტის 5%-ის ფარგლებში იქნება,“ – აცხადებს თამთა სოფრომაძე.
კიდევ ერთი ევროპული ავიაკომპანიის Vision Air-ის შემოსვლა ხელს შეუწყობს ტურიზმის განვითარებას და მგზავრებისთვის მეტი არჩევანის შექმნას - ლევან მოსეშვილი
05.11.2025.17:05
აჭარაში იზრდება ინვესტიციების მოცულობა და ბიზნესგარემოს კონკურენტუნარიანობა - Business Insider Georgia-ს ექსკლუზიური ინტერვიუ სულხან თამაზაშვილთან
05.11.2025.11:00
აღმოსავლეთ-დასავლეთის მაგისტრალზე საგზაო მოძრაობის უსაფრთხოების გასაუმჯობესებლად ტენდერი გამოცხადდა
04.11.2025.17:40
სოფლის მეურნეობის სექტორზე გაცემული საბანკო ვალდებულებები გამოირჩევა მაღალი ლარიზაციის მაჩვენებლით - სებ-ის კვლევა
04.11.2025.11:38
