ყაზახეთში ექსპორტი 20%-ითაა გაზრდილი, ხოლო იმპორტი 30%-ით. საქსტატის ინფორმაციით, 2025 წლის პირველ კვარტალში საქართველომ ექსპორტზე 176,154.37 ათასი დოლარის პროდუქცია გაიტანა, 2024 წლის ანალოგიურ პერიოდში კი 147,004.47 ათასი დოლარის. შესაბამისად ზრდა 19.8%-ია. საქართველოდან ყაზახეთში ნომერ პირველი საექსპორტო პროდუქტი მსუბუქი ავტომობილებია, სწორედ მასზე მოდის ამ ქვეყანაში ექსპორტის 83%-ი.

TOP 5 პროდუქტი, რასაც საქართველო ყაზახეთში ყიდის:

• მსუბუქი ავტომობილები - 146,698.83 ათასი დოლარი;
• მინერალური და მტკნარი წყლები - 7,833.62 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 5,308.20 ათასი დოლარი;
• ყურძნის ნატურალური ღვინოები - 2,837.91 ათასი დოლარი;
• ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 1,387.70 ათასი დოლარი;

2025 წლის პირველ კვარტალში საქართველომ ყაზახეთიდან 17,478.17 ათას დოლარის პროდუქცია იყიდა, 2024 წლის ანალოგიურ პერიოდში კი 13,405.29 ათასი დოლარის. ზრდა 30,4%-ია. ყაზახეთიდან ნომერ პირველი საიმპორტო პროდუქტი ხორბალი და მესლინი, რომლის იმპორტიც საქართველოში მიმდინარე წლიდან განახლდა.

TOP 5 პროდუქტი, რასაც საქართველო ყაზახეთიდან ყიდულობს:

• ხორბალი და მესლინი - 4,840.19 ათასი დოლარი;
• საშუალებები თმებისათვის - 1,231.82 ათასი დოლარი;
• ფეროშენადნობები - 967.04 ათასი დოლარი;
• შოკოლადი და კაკაოს შემცველი კვების სხვა მზა პროდუქტები - 840.55 ათასი დოლარი;
• ხახვი თავიანი, ხახვი-შალოტი, პრასი, ნიორი და სხვა ხახვის მაგვარი ბოსტნეული - 733.96 ათასი დოლარი;