საქართველოს ეროვნული ბანკის მაკროეკონომიკისა და სტატისტიკის დეპარტამენტის უფროსი თამთა სოფრომაძე მონეტარული პოლიტიკის კომიტეტეტის (მპკ) 17 დეკემბრის გადაწყვეტილებას აფასებს და განმარტავს, რომ კომიტეტმა ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები და გადაწყვეტილების მიღებისას მხედველობაში მიიღო სხვადასხვა მიმართულებით მოქმედი რისკები.

,,მონეტარული პოლიტიკის კომიტეტმა მიიღო გადაწყვეტილება რომ კვლავაც შევინარჩუნოთ ფრთხილი მონეტარული პოლიტიკა და 8%-ზე შევინარჩუნეთ განაკვეთი. ეროვნული ბანკი ფრთხილ მონეტარულ პოლიტიკას ინარჩუნებს და ამის მიზეზი არის ინფლაციური ტენდენციები და რისკების ანალიზი. ინფლაცია ბოლო მდგომარეობით 4.8% შეადგენს, რაც შედარებით მაღალი არის ეროვნული ბანკის სამიზნე 3%-იან მაჩვენებელთან, თუმცა აქვე აღვნიშნავ რომ ეტაპობრივად ინფლაციამ ნორმალიზაცია უკვე დაიწყო, რაც იყო ეროვნული ბანკის პროგნოზი", - აღნიშნა თამთა სოფრომაძემ.

თამთა სოფრომაძემ ასევე ისაუბრა საერთაშორისო სავალუტო ფონდის მისიის ვიზიტი და ყურადღება გაამახვილა სსფ-ს მიერ ეროვნული ბანკის გატარებულ მონეტარულ პოლიტიკაზე.

,,გუშინდელ გამოქვეყნებული ფონდის შეფასებაში აღნიშნული არის რომ საქართველოს ეროვნულმა ბანკმა სათანადოდ შეინარჩუნა ფრთხილი მონტარული პოლიტიკა მთელი ამ პერიოდის განმავლობაში. ეს ასევე უკავშირდება იმასაც რომ ბოლო პერიოდის განმავლობაში და ბოლო წლების განმავლობაში გაცილებით უფრო დიდი ყურადღებით და სიფრთხილით ვეპყრობით რისკების ანალიზის. ამ მიდგომაზე ჩვენ წლის დასაწყისიდან გადავედით და ეს უკვე ტრანსპარენტულად ყველასთვის არის ხელმისაწვდომი”, - განმარტა თამთა სოფრომაძემ.

თამთა სოფრომაძის განმარტებით ინფლაციის მდგრადად შემცირების ტენდენციის არსებობა მონეტარული პოლიტიკის ნორმალიზაციას შესაძლებელს გახდის, რაც გულისხმობს განაკვეთის 7%-მდე შემცირებას.

,,ის ფაქტი რომ ინფლაცია მიმდინარე პერიოდში მიზნობრივ მაჩვენებელთან შედარებით მაღალია არის მხოლოდ ერთჯერადი და გარდამავალი ფაქტორებიდან გამომდინარე, ასევე ეგზოგენური და საერთაშორისო ბაზრებიდან მომდინარე. ჩვენი შეფასებით ამას ექნება ერთჯერადი გავლენა. მას შემდეგ, რაც დავინახავთ ინფლაციას მდგრადად შემცირების ტენდე ნციას გვექნება შესაძლებლობა მონეტარული პოლიტიკის ნორმალიზაცია გავაგრძელოთ, რაც გულისხმობს რომ ეტაპობრივად განაკვეთი დაუახლოვდება 7%-ს. თუ დავინახავთ რომ ინფლაციური რისკები რეალიზდა მზად ვართ რომ უფრო გამკაცრებული პოზიცია ხანგრძლივად შევინარჩუნოთ. ამასთან არსებობს, რისკები რომლებმაც შესაძლოა ინფლაცია მოსალოდნელზე უფრო სწრაფად შეამციროს სამიზნე 3%-იან მაჩვენებელთან ახლოს. მიმდინარე ტენდენციები მეტწილად თანხვედრაშია ეროვნული ბანკის ცენტრალურ სცენართან, ინფლაციამ ნორმალიზაციის ნიშნები გამოავლინა, ერთჯერადი ფაქტორების გავლენა ეტაპობრივად მიილევა, როდესაც აღნიშნულის მდგრად ტენდენციას დავინახავთ სებ-ს ექნება შესაძლებლობა პოლიტიკის ნორმალიზება გააგრძელოს“, - აღნიშნა თამთა სოფრომაძემ.

ცნობისთვის, მონეტარული პოლიტიკის კომიტეტის შემდგომი სხდომა 2026 წლის 11 თებერვალს არის ჩანიშნული.