ჯეიჰანის ტერმინალზე, ბაქო-თბილისი-ჯეიჰანიდან ნავთობის ტანკერებით გადაზიდვა განახლდა - BP
ბაქო-თბილისი-ჯეიჰანის მილსადენიდან ჯეიჰანის ტერმინალში ნავთობის ტანკერებით გადაზიდვა განახლდა.
ამის შესახებ BP Azerbaijan-მა მედიას განუცხადა. აღსანიშნავია, რომ ჯეიჰანის ტერმინალზე ტანკერებზე ნავთობის გადატვირთვა თურქეთში BTC მილსადენის ოპერატორმა (Botaş International Anonim Şirketi (BIAS) 6 თებერვალს ქვეყანაში მომხდარი მიწისძვრის გამო დროებით შეაჩერა.
2022 წლის ბოლოს, BTC-ით ექსპორტირებულია დაახლოებით 224 მილიონი ბარელი (დაახლოებით 30 მილიონი ტონა) ნავთობი, რომელიც ჯეიჰანის ტერმინალზე 305 ტანკერში ჩაიტვირთა.
BTC ნავთობსადენის მთლიანი სიგრძე 1768 კილომეტრია, საიდანაც 443 კილომეტრი აზერბაიჯანის ტერიტორიაზე, 249 კილომეტრი - საქართველოს, ხოლო 1076 კილომეტრი - თურქეთის ტერიტორიაზე გადის.
მილსადენის მშენებლობა 2003 წლის აპრილში დაიწყო და 2005 წლის 18 მაისს კი ნავთობი ჩაიტვირთა.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ნათია თურნავა რეიკიავიკის საერთაშორისო ეკონომიკურ კონფერენციაში მონაწილეობს
10.05.2025.18:52
საქართველოს ეროვნული ბანკის პრეზიდენტი, ნათია თურნავა რეიკიავიკის ეკონომიკურ კონფერენციაში მონაწილეობს, რომელიც ისლანდიის ცენტრალური ბანკის ორგანიზებით და ნორსვესტერნის უნივერსიტეტის საერთაშორისო მაკროეკონომიკის ცენტრთან თანამშრომლობით ყოველწლიურად იმართება.
რეიკიავიკის ყოველწლიურ ეკონომიკურ კონფერენციაში მონაწილეობენ სხვადასხვა ქვეყნის ცენტრალური ბანკების ხელმძღვანელები. მათ შორის, ინგლისის ბანკის პრეზიდენტი ენდრიუ ბეილი, ნიუ-იორკის ფედერალური სარეზერვო სისტემის პრეზიდენტი ჯონ ვილიამსი, ასევე, ისლანდიის, მონტენეგროს, იტალიის, ჩინეთის, დანიის და ევროკავშირის ქვეყნების სხვა ცენტრალური ბანკის პრეზიდენტები და ვიცე-პრეზიდენტები.
ორდღიანი შეხვედრის მთავარი სადისკუსიო საკითხებია მაკროეკონომიკური ანალიზისა და პოლიტიკის გამოწვევები, ასევე, თანამედროვე რეალობაში ცენტრალური ბანკების ცვალებადი როლი.
ეკონომიკური კონფერენციის მიზანი რისკების შემცირება და სტაბილურობისა და ეკონომიკური ზრდის ხელშეწყობაა.
სესიების ფარგლებში კონფერენციის მონაწილეები იმსჯელებენ მაკროეკონომიკური პოლიტიკის აქტუალურ გამოწვევებზე და გეოპოლიტიკის გავლენაზე საერთაშორისო ვაჭრობაში.
საერთაშორისო კონფერენციის ფარგლებში ნათია თურნავა მონაწილეობას მიიღებს პანელურ დისკუსიაში „ფინანსური სტაბილურობა და განაკვეთების შემცირების ციკლი“.
საქართველოს ეროვნული ბანკის საერთაშორისო პარტნიორობა | სტუმარი - ნათია თურნავა, სებ-ის პრეზიდენტი
10.05.2025.17:50
აქტიურად ვთანამშრომლობთ ავიაკომპანიებთან, რომ ახალი მიმართულებები დავამატოთ - ლევან მოსეშვილი
09.05.2025.22:00
მოლაპარაკებებს ვაწარმოებთ კომპანიებთან, რომ შიდა ფრენების რაოდენობა გაორმაგდეს - ლევან მოსეშვილი
09.05.2025.21:50
ეკონომიკურ ფორუმი ძალიან მნიშვნელოვანი ფორმატია კერძო და საჯარო სექტორის დიალოგისათვის - მარიამ ლაშხი
09.05.2025.12:10
ჯანდაცვის პოლიტიკა საქართველოში ერთ-ერთი წარმატებული და მნიშვნელოვანი მიმართულებაა - შოთა ბერიკაშვილი
09.05.2025.11:59
ეკონომიკურ ფორუმზე მინისტრმა გააჟღერა ის გეგმები, რაც მათ აქვთ პირველადი ჯანდაცვის თვალსაზრისით - დევი ხეჩინაშვილი
09.05.2025.11:55
სადაზღვევო მედიცინა არის ყველაზე ეფექტიანი და ეფექტური საშუალება ჯანდაცვის ხარჯების ოპტიმიზების - დევი ხეჩინაშვილი
09.05.2025.11:50
ეკონომიკური ფორუმის მთავარი თემა იყო ჯანდაცვის სისტემაში სადაზღვევო კომპანიების პოტენციური ინტეგრაცია - მიხეილ ჯაფარიძე
09.05.2025.11:45
