ინგა ფხალაძემ ევროპის ენერგეტიკული გაერთიანების დირექტორთან საქართველოს ენერგეტიკის სექტორში არსებული ტენდენციები, დაგეგმილი პროექტები და რეფორმები განიხილა

ეკონომიკა

მიმდინარე წელს FMCG ბაზარი მოსალოდნელზე სწრაფად გაიზარდა - TBC Capital

26.11.2025.16:26

მიმდინარე წელს ჯამური FMCG ბაზარი მოსალოდნელზე სწრაფად გაიზარდა, თუმცა მოკლევადიან პერსპექტივაში კვლავ ზრდის ტემპის დასტაბილურებაა მოსალოდნელი. აღნიშნულის შესახებ თიბისი კაპიტალის მიერ მომზადებულ პუბლიკაციაშია აღნიშნული.

მათივე განმარტებით, თანამედროვე ვაჭრობა მზარდია, ტრადიციული ვაჭრობა - 2022 წლიდან უცვლელი. სამწლიან პერსპექტივაში თანამედროვე ვაჭრობის ზომა გადააჭარბებს ტრადიციულს.

„როგორც ადგილმდებარეობის, ისე - კონკრეტული პროდუქციის შერჩევისას მომხმარებლები ყველაზე დიდ ყურადღებას ფასებს აქცევენ.
ტრადიციული FMCG სავაჭრო სივრცეები განსაკუთრებით პოპულარობას ინარჩუნებენ ისეთ პროდუქტებში როგორიცაა ხილ-ბოსტნეული, ყველი და ხორცი.

წლების განმავლობაში თანამედროვე FMCG სეგმენტის ზრდის ტემპი ტრადიციული ბაზრის ზრდას აჭარბებდა. ამ ტრენდის გაგრძელება მოსალოდნელია მოკლევადიან პერსპექტივაში.

მაღალი ინფლაციის ფონზე შედარებით დაბალი ჯამური ზრდის ტემპი რეალური მოთხოვნის მცირედ შენელებაზე მიგვითითებს. შემცირებული LfL გაყიდვების დინამიკა კი მაღალი კონკურენციის ძლიერი ნიშანია.

მიმდინარე პერიოდში თანამედროვე FMCG ბაზრის 87%-მდე უმსხვილეს ხუთ კომპანიაშია თავმოყრილი.

Ძირითადი ხარჯების კატეგორიების დასტაბილურების შემდეგ, ქართული კომპანიების მომგებიანობის მაჩვენებლები გაუმჯობესებულია“, - აღნიშნულია პუბლიკაციაში.