IMF-ის პროგნოზით საქართველოს ეკონომიკა 2025 წელს 6%-ით გაიზრდება - როგორია განახლებული შეფასება
საერთაშორისო სავალუტო ფონდმა (IMF) მსოფლიოს ეკონომიკური ზრდის პროგნოზი განაახლა, რომლის მიხედვითაც 2025 წელს გლობალური ეკონომიკა 2.8%-ით გაიზრდება, ხოლო 2026 წელს 3.0%-ით.
IMF-ის პროგნოზით მოსალოდნელია, რომ გლობალური ზრდა შემცირდება და ამ მიმართულებით რისკები გაძლიერდება. გახანგრძლივებული და უპრეცედენტო შოკების სერიის გადატანის შემდეგ, გლობალური ეკონომიკა, დასტაბილურდა, სტაბილური, მაგრამ არასაკმარისი ზრდის ტემპებით. აღსანიშნავია, რომ ლანდშაფტი შეიცვალა, რადგან მთავრობები მთელს მსოფლიოში აწესრიგებენ პოლიტიკის პრიორიტეტებს და გაურკვევლობამ ახალი მნიშვნელობა შეიძინა.
გლობალური ზრდის პროგნოზები მნიშვნელოვნად შემცირდა 2025 წლის იანვრის მსოფლიო ეკონომიკური პროგნოზის (WEO) განახლების შემდეგ, რაც ასახავს არაპროგნოზირები გარემოს ეფექტს. მოსალოდნელია, რომ გლობალურად ინფლაცია შემცირდება ოდნავ უფრო ნელი ტემპით, ვიდრე მოსალოდნელი იყო იანვარში.
აღსანიშნავია, რომ საერთაშორისო სავალუტო ფონდი (IMF) 2025 წელს საქართველოს ეკონომიკურ ზრდა 6%-იან დონეზე მოელის.
დღის ტოპ 10 სიახლე
სხვა სიახლეები
მარიამ ქვრივიშვილი საქართველოში სამუშაო ვიზიტით მყოფ საერთაშორისო სავალუტო ფონდის (სსფ) მისიის ხელმძღვანელს, ალეხანდრო ჰაიდენბერგს შეხვდა
12.11.2026.20:46
საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი, საქართველოში სამუშაო ვიზიტით მყოფ საერთაშორისო სავალუტო ფონდის (სსფ) მისიის ხელმძღვანელს, ალეხანდრო ჰაიდენბერგს შეხვდა.
შეხვედრაზე საქართველოსა და საერთაშორისო სავალუტო ფონდს (სსფ) შორის თანამშრომლობის მიმდინარე საკითხები განიხილეს.
ხაზი გაესვა საქართველოს ეკონომიკის მდგრადობასა და ზრდის მაღალ დინამიკას.
აღინიშნა, რომ ეფექტიანობის გაზრდისა და ბიზნესის მხარდაჭერის მიზნით, „აწარმოე საქართველოში“ გარდაიქმნა ინვესტიციების სააგენტოდ და საქართველოს ეკონომიკური განვითარების კორპორაციად, რომელმაც ერთი ქოლგის ქვეშ გააერთიანა კერძო სექტორის დაფინანსების ინსტრუმენტები.
შეხვედრაზე ასევე განიხილეს ქვეყნის ენერგეტიკის სექტორის განვითარების დინამიკა და სამომავლო გეგმები.
ყურადღება გამახვილდა სატრანსპორტო და ლოგისტიკური მიმართულებით მიმდინარე პროექტებზე. განსაკუთრებული აქცენტი გაკეთდა ანაკლიის ღრმაწყლოვანი პორტის მშენებლობის პროექტზე, შუა დერეფნის განვითარების კონტექსტში.
შეხვედრას ეკონომიკისა და მდგრადი განვითარების მინისტრის მოადგილე ინგა ფხალაძე და სსფ-ს მისიის წევრები ესწრებოდნენ.
თურქეთის ელჩი საქართველოში ანაკლიის პორტის მშენებლობის ადგილს ესტუმრა და პროექტის მიმდინარეობის შესახებ ინფორმაცია მიიღო
12.11.2026.20:33
ქართულმა მხარემ IBM-ის წარმომადგენელთან საქართველოში კომპანიის საქმიანობის გაფართოებისა და საინვესტიციო შესაძლებლობები განიხილა
12.11.2026.13:24
IATA-სთან პარტნიორობა საქართველოს ავიაციისთვის მნიშვნელოვანი საერთაშორისო აღიარება - ლევან მოსეშვილი
12.11.2026.11:36
