Fitch Ratings - ჩვენი მოლოდინით, 2024-25 წლებში ინფლაცია სებ-ის მიზნობრივ ფარგლებში დარჩება
Fitch Ratings - ჩვენი მოლოდინით, 2024-25 წლებში ინფლაცია სებ-ის მიზნობრივ ფარგლებში დარჩება
საერთაშორისო სარეიტინგო სააგენტო Fitch Ratings-მა საქართველოს საუვერენული საკრედიტო რეიტინგის შესახებ ახალი შეფასება გამოაქვეყნა.
ანგარიშის თანახმად, Fitch Ratings-მა საქართველოს სუვერენული რეიტინგი უცვლელად, BB დონეზე, „პოზიტიური შეფასებით“ შეინარჩუნა.
Fitch Ratings-ის ანგარიშში ყურადღება გამახვილებულია ისეთ ფაქტორებზე, რომლებიც ხელს უწყობს პოზიტიური პერსპექტივის შენარჩუნებას. საუბარია ძლიერ მმართველობაზე, მნიშვნელოვნად მაღალ ეკონომიკურ ზრდაზე, ინფლაციის შემცირებაზე, სანდო მაკროეკონომიკური და ფისკალური პოლიტიკის ჩარჩოზე, ძლიერ საბანკო სექტორზე და სხვა.
საერთაშორისო სარეიტინგო სააგენტო ასევე ხაზს უსვამს ევროკავშირში მიღების პერსპექტივასა და საქართველოსთვის კანდიდატის სტატუსის მიღების მნიშვნელობას.
როგორც ანგარიშშია აღნიშნული, ძლიერმა საბაზო ეფექტებმა და მყარმა ლარმა 2023 წლის ბოლოსთვის ინფლაციის 0.4%-მდე შემცირება განაპირობა (სებ-ის მიზნობრივი მაჩვენებელი: 3%).
„Fitch-ი მოელის, რომ 2024-25 წლებში საშუალო წლიური ინფლაცია სებ-ის მიზნობრივ ფარგლებში დარჩება. ეროვნულმა ბანკმა 2023 წელს განაკვეთები მხოლოდ 150 საბაზო პუნქტით 9,5%-მდე შეამცირა და მზადაა, შერბილების ტემპთან ფრთხილი იყოს, რათა თავიდან აიცილოს გადაჭარბებული საკრედიტო ზრდა (ნომინალური 17,3% 2023 წლის ნოემბრისთვის)“, - ნათქვამია Fitch Ratings-ის ანგარიშში.
დღის ტოპ 10 სიახლე
სხვა სიახლეები
საქართველოს ცენტრალური ბანკი იმით არის ცნობილი ბოლო შოკების პერიოდში, რომ სხვებზე უფრო სწრაფად რეაგირებს და ასეც გაგრძელდება - ნათია თურნავა
07.04.2026.12:52
"მიუხედავად იმისა, რომ ჩვენ შედარებით დაბალ ინფლაციური პერიოდები გვქონდა, გამომდინარე რისკებიდან (რუსეთ-უკრაინის ომი, აღმოსავლეთის კონფლიქტი), ჩვენ შევხვდით ამ გამოწვევას გამკაცრებული პოლიტიკის განაკვეთით, 8% არის დღეის მდგომარეობით, ჩვენი პოლიტიკის განაკვეთი. მრავალი თვის განმავლობაში ჩვენ ის შევინარჩუნეთ, ჩვენი ნეიტრალური განაკვეთი არის 7%, ანუ 1%-ით მაღალია, ვიდრე ჩვენი ნეიტრალური განაკვეთი. გვქონდა იმედი რა თქმა უნდა რომ შემდგომ მისი ნორმალიზაცია და შემცირება შეგვეძლებოდა თუმცა ახლა ჩვენ მსგავსად ძალიან ბევრი წამყვანი ქვეყნის ცენტრალური ბანკისა ჯერ-ჯერობით ვართ მოლოდინის რეჟიმში და ვუყურებთ თუ როგორ განვითარდება მოვლენები, რა ხანგრძლივობით იქნება გამოხატული შოკი. გამომდინარე აქედან, ჩვენ მზად ვართ იმისთვისაც რომ გამკაცრება გავაკეთოთ ჩვენი პოლიტიკის, თუმცა დავაკვირდებით როგორ განვითარდება მოვლენები. თქვენ თუ ნახავთ მათ შორის, წამყვანი ცენტრალური ბანკების ქმედებას ძირითადად, ისინიც არიან ჯერ-ჯერობით მოლოდინის რეჟიმში. ზოგადად, საქართველოს ცენტრალყრი ბანკი იმით არის ცნობილი ბოლო შოკების პერიოდში რომ სხვებზე უფრო სწრაფად რეაგირებს და ასეც გაგრძელდება , - განაცხადა ნათია თურნავამ.
სილქნეტი "დაჭრილ მებრძოლთა თანადგომის ფონდის" 2026 წლის სამი თვის საქმიანობის ანგარიშს აქვეყნებს
06.04.2026.17:24
სათბურის აირების ემისიების ავტორიზაციის, მონიტორინგის, ანგარიშგებისა და დამოწმების სისტემის შექმნასთან დაკავშირებით კანონპროექტი შემუშავება - რა იცვლება
06.04.2026.16:50
სსფ-ს და მსოფლიო ბანკის ყოველწლიური საგაზაფხულო შეხვედრები 13 - 18 აპრილს გაიმართება
06.04.2026.08:43
