2026 წლის ორ თვეში საქართველომ გაერთიანებულ სამეფოში 1 696.6 ათასი დოლარის პროდუქციის ექსპორტი განახორციელა. 2025 წლის იანვარ-თებერვლის სტატისტიკით კი 1 285.4 ათასი დოლარის. სტატისტიკა ცხადყოფს, რომ წელს საქართველოდან გაერთიანებულ სამეფოში ექსპორტი 32%-ით არის გაზრდილი.

საქართველოდან გაერთიანებულ სამეფოში ნომერ პირველი საექსპორტო პროდუქტი ფეროშენადნობებია.

TOP 5 პროდუქტი, რასაც საქართველო გაერთიანებულ სამეფოში ყიდის:

• ფეროშენადნობები - 718.1 ათასი დოლარი;
• საკისრები ბურთულა ან გორგოლაჭიანი​ - 186.6 ათასი დოლარი;
• მანგანუმის ოქსიდები - 148.0 ათასი დოლარი;
• რეზინის პნევმატური სალტეები და საბურავები, ახალი - 147.1 ათასი დოლარი;
• ყურძნის ნატურალური ღვინოები - 125.0 ათასი დოლარი;

რაც შეეხება გაერთიანებული სამეფოდან იმპორტს 91%-იანი კლება ფიქსირდება. 2026 წლის იანვარ-თებერვალში საქართველომ გაერთიანებული სამეფოდან 31 792.9 ათასი დოლარის პროდუქცია იყიდა, 2025 წლის ანალოგიურ პერიოდში კი 337 956.2 ათასი დოლარის. 

TOP 5 პროდუქტი, რასაც საქართველო გაერთიანებულ სამეფოდან ყიდულობს:

• მსუბუქი ავტომობილები - 13 300.0 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 2 969.2 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 2 085.9 ათასი დოლარი;
• ნაწილები და საკუთნოები საბეჭდი და გამომთვლელი მანქანებისათვის - 1 502.0 ათასი დოლარი;
• ნარევები გამოსაყენებული სასმელების წარმოებაში - 1 447.9 ათასი დოლარი;