ეკონომიკური თავისუფლების ინდექსში საქართველოს პოზიცია გაუმჯობესდა - The Heritage Foundation
The Heritage Foundation-ის 2026 წლის ეკონომიკური თავისუფლების ინდექსში საქართველოს მაჩვენებელი გაუმჯობესდა. ქვეყანამ რეიტინგში 69.6 ქულა აქვს, რაც წინა წელთან შედარებით 0.6-ით მეტია. საქართველო გლობალურ რეიტინგში 35-ე ადგილს იკავებს.
ანგარიში ქვეყნების ეკონომიკურ გარემოს ისეთი საკვანძო კრიტერიუმებით აფასებს, როგორიცაა საკუთრების უფლებების დაცვა, საგადასახადო ტვირთი, ბიზნესის თავისუფლება და ბიუროკრატიული ეფექტიანობა.
რეიტინგის მიხედვით, ევროპაში საქართველო 44 ქვეყანას შორის მე-20 ადგილს იკავებს. ქვეყნის ეკონომიკური თავისუფლების მაჩვენებელი მსოფლიო და რეგიონულ საშუალო მაჩვენებლებს აღემატება. ინდექსის მიხედვით, საქართველოს ეკონომიკა კლასიფიცირებულია როგორც „ზომიერად თავისუფალი“.
,,საგარეო და პოლიტიკური გამოწვევების მიუხედავად, საქართველოს ეკონომიკა კარგ შედეგებს აჩვენებს ეკონომიკური პოლიტიკის ძირითად სფეროებში. მთავრობამ განახორციელა რეფორმები რეგულირების ეფექტიანობის გასაუმჯობესებლად და ინარჩუნებს ღია ბაზრის პოლიტიკას და დაბალ საგადასახადო განაკვეთებს. ეკონომიკამ ასევე აჩვენა მედეგობის ზომიერი დონე", - აღნიშნულია ანგარიშში.
დღის ტოპ 10 სიახლე
სხვა სიახლეები
მზესუმზირის ზეთის იმპორტი გაიზარდა
15.06.2026.13:00
საქართველოში მზესუმზირის ზეთის იმპორტი მზარდ დინამიკას აჩვენებს. საქსტატის მონაცემებით, 2026 წლის იანვარ-აპრილში ქვეყანაში 18 409.6 ათასი აშშ დოლარის ღირებულების მზესუმზირის ზეთი შემოვიდა, რაც 11.9%-ით აღემატება გასული წლის ანალოგიური პერიოდის მაჩვენებელს, როდესაც იმპორტის ღირებულება 16 451.0 ათას აშშ დოლარს შეადგენდა.
საინტერესო ტენდენცია ფიქსირდება იმპორტირებული პროდუქციის მოცულობის მიმართულებით. მიუხედავად იმისა, რომ გადახდილი თანხის მოცულობა გაიზარდა, ტონაჟში მცირედი კლება ფიქსირდება. კერძოდ, მიმდინარე წლის პირველ ოთხ თვეში საქართველომ 11 947.7 ტონა ზეთი შეიძინა, მაშინ როდესაც 2025 წლის ანალოგიურ პერიოდში ქვეყანაში 12 149.0 ტონა პროდუქტი შემოვიდა.
ქართული ბაზრისთვის მზესუმზირის ზეთის უმსხვილეს მომწოდებლად კვლავ რუსეთის ფედერაცია რჩება, რომელზეც მთლიანი იმპორტის თითქმის 82% მოდის.
TOP 5 ქვეყანა, სადაც საქართველო ზეთის ყიდულობს:
საგარეო ვაჭრობის მიმართულებით დადებითი ტენდენცია კვლავ გრძელდება - იანვარ-მაისში ექსპორტმა 19.8%-იანი ზრდა აჩვენა
15.06.2026.12:18
ხვალ საქართველოს ოფიციალური ვიზიტით სერბეთის რესპუბლიკის პრეზიდენტი ალექსანდარ ვუჩიჩი, მეუღლესთან და სახელმწიფო დელეგაციასთან ერთად ეწვევა
14.06.2026.19:49
