მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

ეკონომიკური ფორუმის მე-18 დისკუსია ვიცე-პრემიერმა ლევან დავითაშვილმა გახსნა

news image
mbc image

პირველი ვიცე-პრემიერმა, საქართველოს ეკონომიკისა და მდგრადი განვითარების მინისტრმა  ეკონომიკური ფორუმის მე-18 დისკუსია გახსნა. დისკუსიის თემა „ქვეყნის საინვესტიციო პოლიტიკა | ახალი შესაძლებლობები" იყო.

პანელურ დისკუსიაში მონაწილეობდა შოთა ბერეკაშვილი - საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, ჯემალ ინაიშვილი - „თბილისის დრაი პორტის“ სამეთვალყურეო საბჭოს თავმჯდომარე.  ღონისძიებას მოდერაციას უწევდა საქართველოს ეკონომიკური ფორუმისა და Business Insider Georgia-ს დამფუძნებელი და ხელმძღვანელი გიორგი აბაშიშვილი.

„ეკონომიკური ფორუმის ფორმატი ყოველთვის ძალიან საინტერესოა იმიტომ, რომ ძალიან მაღალი კვალიფიკაციის ექსპერტებთან ერთად გვეძლევა საშუალება ეკონომიკის აქტუალურ თემებზე ვისაუბროთ. ასევე, დისკუსიებში აქტიურად ჩართულია ძალიან ჩვენი კერძო სექტორი და ბიზნეს საზოგადოება და აქედან გამომდინარე ყველა მსჯელობა, ყველა თემატურ საკითხზე არის ძალიან  საინტერესო და პროდუქტიული. ასევე, დღესაც ფორუმი ეხებოდა საინვესტიციო კლიმატს, საინვესტიციო გარემოს, როგორც უცხოურ ინვესტიციებს, ისე ზოგადად ქვეყანაში მიმდინარე პრიორიტეტული პროექტების განხორციელებას, საინვესტიციო პროექტების განხორციელებას,“ - განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა.

“ძალიან კარგი ეკონომიკური ფორუმი იყო და ძალიან კარგი დისკუსია გვქონდა ბიზნეს სექტორთან. ვისაუბრეთ სხვადასხვა ინიციატივებზე, მათ შორის იმაზე თუ პარლამენტის მხრიდან რა საკანონმდებლო მხარდაჭერაა საჭირო იმისთვის, რომ ბიზნესმა შეძლოს უფრო მეტი ინვესტიციების მოზიდვა. ჩვენთვის განსაკუთრებით მნიშვნელოვანია, რომ გავაძლიეროთ  საქართველოს საექსპორტო პოტენციალი და ამ მიმართულებით მზად ვართ, რომ საკანონმდებლო დონეზე განვიხილოთ რიგი ინიციატივები, რომელიც ხელს შეუწყობს კომპანიებს საექსპორტო პოტენციალის მაქსიმალურად გამოყენებაში. საკანონმდებლო ნაწილში მზად ვართ, რომ საგადასახადო შეღავათებიც კი შევთავაზოთ ბიზნესს, იმისთვის, რომ შეძლონ წარმოებაში ინვესტიციების განხორციელება, მოიზიდონ დამატებითი ინვესტიციები, რაც ხელს შეუწყობს ჩვენი ეკონომიკის საწარმოო ბაზის განვითარებას და გაძლიერებას“, - განმარტა შოთა ბერეკაშვილმა.

„დღევანდელი ეკონომიკური ფორუმი ისე როგორც ადრინდელი ძალიან მნიშვნელოვანია ჩვენთვის, ვინაიდან ხდება აზრების გაცვლა და ჩვენ ბევრ ახალს ვისმენთ. ამ შემთხვევაში ვისმენთ ეკონომიკისა და მდგრადი განვითარების მინისტრისგან, პირველი ვიცე პრემიერისგან, თუ რას გეგმავს მთავრობა იმ ეკონომიკური ტემპების შენარჩუნების თვალსაზრისით, რაც ჩვენი ქვეყნის განვითარებისთვის არის ძალიან მნიშვნელოვანი. რაც შეეხება ტრანსპორტს და ლოგისტიკას, რომელსაც მე წარმოვადგენ, ამ მიმართულებითაც ბევრი გეგმა არსებობს, როგორც ანაკლიის ნავსადგურთან დაკავშირებით, საერთოდ ჩვენი დერეფნის და ამ დერეფანში საქართველოს წვლილის და მისი აქტიური ფუნქციის შესასრულებლად. ასევე, არსებობს გამოწვევებიც. დღევანდელი ეკონომიკური და პოლიტიკური ვითარებიდან გამომდინარე, სავაჭრო ომებიდან შესაბამისად. ეს ყველაფერი გარკვეულ გავლენას ჩვენზეც მოახდენს და ჩვენ ამისათვის უნდა ვიყოთ მზად“, - განაცხადა ჯემალ ინაიშვილმა.

„მე-18 ეკონომიკურ ფორუმზე შედგა საკმაოდ საინტერესო დიალოგი საქართველოს ხელისუფლებასა და ბიზნესის წარმომადგენლებს შორის. პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, ისევე როგორც პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე შოთა ბერიკაშვილი ძალიან ღიად საუბრობდნენ ბიზნესთან დაკავშირებულ ძალიან აქტუალურ საკითხებზე. ჩვენს ფორუმზე კიდევ ერთხელ ხელისუფლების მხრიდან დაფიქსირდა მზაობა ბიზნესთან ღია დიალოგისათვის. იმავდროულად პირველი ვიცე-პრემიერის მხრიდან განსაკუთრებულად გაესვა ხაზი საქართველოს როლს, საქართველოს სტრატეგიულ მდებარეობას, საქართველოს შეფასებებს საერთაშორისო საფინანსო ინსტიტუტების მხრიდან. მათ შორის ეკონომიკური ზრდის პროგნოზებს, და რაც ყველაზე მნიშვნელოვანია საინვესტიციო გეგმებს, რომელმაც უნდა უზრუნველყოს მდგრადი ეკონომიკური ზრდა. პირველმა ვიცე-პრემიერმა ძალიან დეტალურად მიმოიხილა ის პოტენციური პროექტები, რომელიც უახლოეს პერიოდში განხორციელდება საქართველოში და მაღალ ზრდას უზრუნველყოფს. საინტერესო იყო საქართველოს პარლამენტის კომიტეტის თავმჯდომარის აქცენტები, რომელმაც საჭიროების შემთხვევაში უნდა უზრუნველყოს ჯამში შესაბამისი საკანონმდებლო ბაზის მომზადება ან დახვეწა, იმისთვის, რომ საქართველოს საინვესტიციო გარემო იყოს უფრო მეტად მიმზიდველი და უზრუნველყოს უფრო მდგრადი და მაღალი ეკონომიკური ზრდა. რასაც პროგნოზირებენ კიდეც საერთაშორისო საფინანსო ინსტიტუტები“, - განაცხადა გიორგი აბაშიშვილმა.

დისკუსიაში ეკონომიკური ფორუმის ფორმატში ერთობლივად მონაწილეობდნენ საკანონმდებლო და აღმასრულებელი  ხელისუფლების წარმომადგენლები, დისკუსიაში ჩართული იყო სექტორის ცალკეული კომპანიების ხელმძღვანელები, მფლობელები და პარტნიორები, აკადემიური და ანალიტიკური სექტორის წარმომადგენლები.

„ეკონომიკური ფორუმის“ ფარგლებში მიმდინარე დისკუსიების მთავარი მიზანია სახელმწიფო, ანალიტიკური და ბიზნეს სექტორის მხრიდან გაანალიზებული იყოს საქართველოს წინაშე მდგარი აქტუალური გამოწვევები ეკონომიკური პოლიტიკის, განათლებისა და ევროინტეგრაციის მიმართულებით. მნიშვნელოვანია, რომ მიმდინარე დისკუსიების მთავარი საერთაშორისო პარტნიორია ცენტრალური და აღმოსავლეთ ევროპის უმსხვილესი ეკონომიკური ფორუმის ორგანიზატორი Foundation Institute for Eastern Studies. აღნიშნული ორგანიზაციის მიერ დაფუძნებული „ეკონომიკური ფორუმი“ პოლონეთში შეხვედრების ყველაზე დიდი პლატფორმაა ეკონომიკური განვითარების პერსპექტივებზე, თანამედროვე გამოწვევებსა და კრიზისების დაძლევაზე სასაუბროდ. ამასთანვე, ფორუმი წარმოადგენს კონკრეტული გადაწყვეტილებებისა და ინოვაციური იდეების სივრცეს. ავტორიტეტული საერთაშორისო გამომცემების მიერ პოლონეთის „ეკონომიკური ფორუმი“ ხშირად დასახელებულია, როგორც „პოლონური დავოსი“. მიმდინარე წელს პარტნიორობის ფარგლებში ასევე იგეგმება ერთობლივი დისკუსიების ორგანიზება საქართველოსა და პოლონეთში.

banner image news banner
ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image ჩვენ ენერგეტიკის სექტორშიც განსაკუთრებულ როლს ვთამაშობთ, როდესაც საქართველო სტრატეგიული ინფრასტრუქტურით - იქნება ეს მილსადენები, გაზისა თუ ნავთობის, ისევე როგორც ელექტროგადამცემი ქსელები, ევროპას აზიასთან აკავშირებს | მარიამ ქვრივიშვილი

21.11.2026.12:34

„ჩვენ სულ რამდენიმე დღის წინ ხელი მოვაწერეთ რეგიონულ ახალ შეთანხმებას, რომელიც გულისხმობს საქართველოს, ბულგარეთის, აზერბაიჯანისა და თურქეთის თანამშრომლობას სახმელეთო ელექტროგადამცემი ქსელების შემდგომი განვითარების თვალსაზრისით, იმისთვის, რომ აზერბაიჯანში და საქართველოში გენერირებული ელექტროენერგიის შემდგომი ექსპორტი მოხდეს თურქეთში და ევროკავშირის ქვეყნებში", - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა მარიამ ქვრივიშვილმა ვარშავაში განაცხადა, სადაც „პარტნიორობა ტრანსატლანტიკური ენერგეტიკული თანამშრომლობისთვის" (P-TEC) რიგით მეშვიდე მინისტრიალში მიიღო მონაწილეობა.

მარიამ ქვრივიშვილის განცხადებით, საქართველო რეგიონულ ენერგეტიკულ პროექტებში აქტიურად მონაწილეობს.

„საქართველო განაგრძობს, იყოს ერთ-ერთი თანაპარტნიორი და თანამონაწილე და შემქმნელი მნიშვნელოვანი რეგიონული პროექტისა - მწვანე ენერგეტიკული პროექტი და კაბელი, რომელიც, თავის მხრივ, აერთიანებს აზერბაიჯანს, საქართველოს, უნგრეთსა და რუმინეთს. ჩვენ გვექნება შესაძლებლობა, ქართული ელექტროენერგიის ექსპორტი აღნიშნული პროექტითაც განვახორციელოთ ევროკავშირის ბაზარზე", - განაცხადა ეკონომიკის მინისტრმა.

ამასთან, როგორც მარიამ ქვრივიშვილმა აღნიშნა, მინისტერიალის ფარგლებში განსაკუთრებული აქცენტი გაკეთდა საქართველოს სტრატეგიულ როლზე და მდებარეობაზე, მათ შორის ენერგეტიკული დაკავშირებადობის თვალსაზრისით.

„ჩვენი ქვეყანა ისტორიულად უზრუნველყოფს, დააკავშიროს ევროპა და აზია. ამ კონტექსტში, ჩვენ ენერგეტიკის სექტორშიც განსაკუთრებულ როლს ვთამაშობთ, როდესაც საქართველო სტრატეგიული ინფრასტრუქტურით - იქნება ეს მილსადენები, გაზისა თუ ნავთობის, ისევე როგორც ელექტროგადამცემი ქსელები, ევროპას აზიასთან აკავშირებს", - განაცხადა ვიცე-პრემიერმა.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა