ეკონომიკის მინისტრმა სავალუტო ფონდთან ქვეყანაში არსებული გამოწვევები განიხილა
ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი საერთაშორისო სავალუტო ფონდის ახლო აღმოსავლეთისა და ცენტრალური აზიის დეპარტამენტის დირექტორის მოადგილე სუბირ ლალს, მისიის ხელმძღვანელ ჯეიმს ჯონსა და მისიის სხვა წევრებს შეხვდა.
შეხვედრაზე საუბარი წარიმართა საქართველოსა და სავალუტო ფონდის თანამშრომლობაზე, აგრეთვე საქართველოს ეკონომიკურ ტენდენციებზე, ორნიშნა ეკონომიკურ ზრდაზე, მიმდინარე და სამომავლოდ დაგეგმილ რეფორმებსა და რეგიონში შექმნილი ვითარების გავლენაზე.
ასევე ყურადღება გამახვილდა განახლებადი წყაროებიდან ენერგიის წარმოებისა და გამოყენების მხარდაჭერის სქემის ფარგლებში გამოცხადებულ აუქციონსა და ქვეყნის ენერგოუსაფრთხოების კუთხით საქართველოს ხელისუფლების მიერ გადადგმულ ნაბიჯებზე.
ხაზი გაესვა იმ გარემოებას, რომ რეგიონში შექმნილი გამოწვევების მიუხედავად, ბოლო ორი წელია, საქართველო სტაბილურ ეკონომიკურ ზრდას აფიქსირებს, ასევე გაუმჯობესებულია სხვადასხვა ეკონომიკური და ფისკალური პარამეტრები.
ამასთან აღინიშნა, რომ ქვეყნის წინაშე არსებობს გამოწვევებიც.
შეხვედრას დაესწრნენ მინისტრის მოადგილეები რომეო მიქაუტაძე, ირაკლი ნადარეიშვილი და ვახტანგ ცინცაძე. აგრეთვე სავალუტო ფონდის მუდმივი წარმომადგენელი საქართველოში სელიმ ჩაკირი და სხვა.
ინფორმაციას ეკონომიკის სამინისტრო ავრცელებს.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ნათია თურნავა რეიკიავიკის საერთაშორისო ეკონომიკურ კონფერენციაში მონაწილეობს
10.05.2025.18:52
საქართველოს ეროვნული ბანკის პრეზიდენტი, ნათია თურნავა რეიკიავიკის ეკონომიკურ კონფერენციაში მონაწილეობს, რომელიც ისლანდიის ცენტრალური ბანკის ორგანიზებით და ნორსვესტერნის უნივერსიტეტის საერთაშორისო მაკროეკონომიკის ცენტრთან თანამშრომლობით ყოველწლიურად იმართება.
რეიკიავიკის ყოველწლიურ ეკონომიკურ კონფერენციაში მონაწილეობენ სხვადასხვა ქვეყნის ცენტრალური ბანკების ხელმძღვანელები. მათ შორის, ინგლისის ბანკის პრეზიდენტი ენდრიუ ბეილი, ნიუ-იორკის ფედერალური სარეზერვო სისტემის პრეზიდენტი ჯონ ვილიამსი, ასევე, ისლანდიის, მონტენეგროს, იტალიის, ჩინეთის, დანიის და ევროკავშირის ქვეყნების სხვა ცენტრალური ბანკის პრეზიდენტები და ვიცე-პრეზიდენტები.
ორდღიანი შეხვედრის მთავარი სადისკუსიო საკითხებია მაკროეკონომიკური ანალიზისა და პოლიტიკის გამოწვევები, ასევე, თანამედროვე რეალობაში ცენტრალური ბანკების ცვალებადი როლი.
ეკონომიკური კონფერენციის მიზანი რისკების შემცირება და სტაბილურობისა და ეკონომიკური ზრდის ხელშეწყობაა.
სესიების ფარგლებში კონფერენციის მონაწილეები იმსჯელებენ მაკროეკონომიკური პოლიტიკის აქტუალურ გამოწვევებზე და გეოპოლიტიკის გავლენაზე საერთაშორისო ვაჭრობაში.
საერთაშორისო კონფერენციის ფარგლებში ნათია თურნავა მონაწილეობას მიიღებს პანელურ დისკუსიაში „ფინანსური სტაბილურობა და განაკვეთების შემცირების ციკლი“.
საქართველოს ეროვნული ბანკის საერთაშორისო პარტნიორობა | სტუმარი - ნათია თურნავა, სებ-ის პრეზიდენტი
10.05.2025.17:50
აქტიურად ვთანამშრომლობთ ავიაკომპანიებთან, რომ ახალი მიმართულებები დავამატოთ - ლევან მოსეშვილი
09.05.2025.22:00
მოლაპარაკებებს ვაწარმოებთ კომპანიებთან, რომ შიდა ფრენების რაოდენობა გაორმაგდეს - ლევან მოსეშვილი
09.05.2025.21:50
ეკონომიკურ ფორუმი ძალიან მნიშვნელოვანი ფორმატია კერძო და საჯარო სექტორის დიალოგისათვის - მარიამ ლაშხი
09.05.2025.12:10
ჯანდაცვის პოლიტიკა საქართველოში ერთ-ერთი წარმატებული და მნიშვნელოვანი მიმართულებაა - შოთა ბერიკაშვილი
09.05.2025.11:59
ეკონომიკურ ფორუმზე მინისტრმა გააჟღერა ის გეგმები, რაც მათ აქვთ პირველადი ჯანდაცვის თვალსაზრისით - დევი ხეჩინაშვილი
09.05.2025.11:55
სადაზღვევო მედიცინა არის ყველაზე ეფექტიანი და ეფექტური საშუალება ჯანდაცვის ხარჯების ოპტიმიზების - დევი ხეჩინაშვილი
09.05.2025.11:50
ეკონომიკური ფორუმის მთავარი თემა იყო ჯანდაცვის სისტემაში სადაზღვევო კომპანიების პოტენციური ინტეგრაცია - მიხეილ ჯაფარიძე
09.05.2025.11:45
