ეკონომიკურ ფორუმი ძალიან მნიშვნელოვანი ფორმატია კერძო და საჯარო სექტორის დიალოგისათვის - მარიამ ლაშხი
ძალიან მნიშვნელოვანი ფორმატია კერძო და საჯარო სექტორის დიალოგი, - ამის შესახებ პარლამენტის საგარეო ურთიერთობათა კომიტეტის თავმჯდომარის პირველმა მოადგილემ მარიამ ლაშხმა ეკონომიკური ფორუმის რიგით მე-19 დისკუსიის შემდეგ განაცხადა. როგორც ის განმარტავს, ჯანდაცვის სექტორის კიდევ უფრო გაძლიერებისთვის საკანონმდებლო ორგანოში გარკვეული ცვლილებები უკვე დაინიცირებულია.
„ასეთი ტიპის პლატფორმების საშუალებით კიდევ უფრო მეტად ეძლევა შესაძლებლობა ჯანდაცვის სექტორში არსებულ გამოწვევებზე ღიად ვისაუბროთ და იმ გადასადგმელ ნაბიჯებზე, რაც პირველ რიგში მიმართულია იმისკენ, რომ მოსახლეობს ჯიბიდან ხარჯები იყოს მინიმუმამდე დაწეული, შეღავათიან მომსახურებაზე ჯანდაცვაზე იყოს ხელმისაწვდომობა და ასევე წამლებზე.
ასევე მნიშვნელოვანია, რომ პარლამენტში დავაინიცირეთ „ინოვაციების შესახებ“ კანონში ცვლილება, რაც უზრუნველყოფს როგორც ჯანდაცვის სექტორის, ბიზნესის წარმომადგენლებისთვის კვლევას და განვითარებაში ინვესტიციების ნაწილში 10 წლიანი საგადასახადო შეღავათებს, რაც კიდევ უფრო მეტ ინოვაციას შემოიტანს ჯანდაცვის სფეროში და წაახალისებს როგორც კონკურენციას ასევე ხელმისაწვდომობის ნაწილსაც უზრუნველყოფს“, - აღნიშნა მარიამ ლაშხმა.
აღსანიშნავია, რომ ფორუმი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ გახსნა. დისკუსიის თემა „ჯანმრთელობის დაცვის პოლიტიკა საქართველოში | შესაძლებლობები და გამოწვევები " იყო.
პანელურ დისკუსიაში მონაწილეობდა სს „არდი დაზღვევის“, გენერალური დირექტორი მიხეილ ჯაფარიძე და სადაზღვევო ასოციაციის ხელმძღვანელი დევი ხეჩინაშვილი. ღონისძიებას მოდერაციას უწევდა საქართველოს ეკონომიკური ფორუმისა და Business Insider Georgia-ს დამფუძნებელი და ხელმძღვანელი გიორგი აბაშიშვილი.
პანელურ დისკუსიაში მონაწილეობდა სს „არდი დაზღვევის“, გენერალური დირექტორი მიხეილ ჯაფარიძე და სადაზღვევო ასოციაციის ხელმძღვანელი დევი ხეჩინაშვილი. ღონისძიებას მოდერაციას უწევდა საქართველოს ეკონომიკური ფორუმისა და Business Insider Georgia-ს დამფუძნებელი და ხელმძღვანელი გიორგი აბაშიშვილი.
დღის ტოპ 10 სიახლე
სხვა სიახლეები
აგვისტოში მუშაობდნენ გარდაბანი 1, მტკვარი ენერგია და თბილსრესის თბოსადგურები, ასევე რამდენიმე დღე მუშაობდა ჯიფაუერი - Galt & Taggart
02.10.2026.19:00
Galt & Taggart-ი განახლებულ პუბლიკაციას ,,ელექტროენერგიის ბაზარი საქართველოში - აგვისტო 2026” - ს აქვყენებს. პუბლიკაციაში მიმოხილულია სექტორში არსებული ძირითადი ტენდენციები და სამომავლო პერპექტივები.
,,საექსპორტო სეზონი დასრულდა და აგვისტოდან დაიწყო იმპორტ-დამოკიდებული პერიოდი - 2026 წლის აგვისტოში ელექტროენერგიის მოხმარება შემცირდა, ძირითადად შედარებით გრილი ზაფხულის ფონზე. აღრიცხულ კლებაზე მიკრო სიმძლავრის სადგურების გამომუშავებამაც იმოქმედა, რომელიც სტატისტიკაში მოხმარებას აკლდება. ჩვენი შეფასებით, ამ გამომუშავების გათვალისწინებით, 2026 წლის აგვისტოში ელექტროენერგიის მოხმარება წლიურად 1.7%-ით შემცირდებოდა, ოფიციალურად აღრიცხული 3.6%-ის ნაცვლად. 2026 წლის აგვისტოში თბოსადგურების წილმა ჯამურ მიწოდებაში 23.8% შეადგინა, ხოლო მათი გამომუშავება წლიურად 0.2%-ით შემცირდა. თბოსადგურების ჩართვა საჭირო გახდა მოხმარებასა და განახლებად გენერაციას შორის სხვაობის შესავსებად, „იმერეთის“ ხაზის გადატვირთვის რისკის შესამცირებლად და სისტემისთვის აუცილებელი რეზერვების უზრუნველსაყოფად. 2026 წლის 8 თვის შეჯამება: საექსპორტო სეზონმა გამოკვეთა საექსპორტო ბაზრების დივერსიფიცირების საჭიროება. 2026 წლის საექსპორტო სეზონი მაისი-ივლისით შემოიფარგლა. თურქეთში ელექტროენერგიის დაბალმა ფასებმა და სუსტმა მოთხოვნამ გამოიწვია საქართველოდან ექსპორტის რაოდენობის და შესაბამისად საექსპორტო შემოსავლების შემცირება (-53.8% წ/წ, 10.7 მლნ აშშ დოლარი). ამასთან, საქართველოში საჭირო გახდა ჭარბი ჰიდროგენერაციის ტექნიკური შეზღუდვა (ჩვენი შეფასებით, დაახლოებით 0.5 ტვტ.სთ, რაც 8 თვის ჯამური განახლებადი გენერაციის 6.1%-ია). ზაფხულის შედეგები საინვესტიციო კლიმატის სისტემის საჭიროებებზე მორგების აუცილებლობას აჩვენებს. ჩვენი აზრით, ახალი პროექტების მხარდაჭერისას, მეტი მნიშვნელობა უნდა მიენიჭოს გამომუშავების სეზონურობასა და სისტემის საიმედოობაში მათ წვლილს, რაც CFD-ის პირობებსა და ტარიფებშიც უნდა აისახოს”, - აღნიშნულია ანგარიშში.
