ჩვენი მთავარი საზრუნავია, ყველა პრიორიტეტულ სექტორში ინვესტიციების ზრდა და ფინანსური რესურსების ხელმისაწვდომობა უზრუნველვყოთ - მარიამ ქვრივიშვილი
„ჩვენ ძალიან მჭიდრო კომუნიკაცია გვაქვს კერძო სექტორის წარმომადგენლებთან, ფაქტობრივად, ყველა სექტორში ოპერირებად ბიზნესებთან. ჩვენი მთავარი საზრუნავი არის ის, რომ უზრუნველვყოთ ჩვენს ქვეყანაში ყველა პრიორიტეტულ სექტორში შიდა და საერთაშორისო ინვესტიციების ზრდა და ფინანსური რესურსების ხელმისაწვდომობა, განსაკუთრებით, მცირე და საშუალო ბიზნესებისთვის," - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა და აღნიშნა, რომ ყოველივე ამან საქართველოში ახალი სამუშაო ადგილების ზრდისთვის პირობები უნდა შექმნას.
როგორც მინისტრმა აღნიშნა, საქართველოს ეკონომიკა ჯანსაღად ვითარდება და აქვს როგორც რეგიონში, ისევე ევროპის წევრ ქვეყნებში მოწინავე ეკონომიკური ზრდა. მარიამ ქვრივიშვილის ინფორმაციით, 2022 – 2024 წლებში საქართველოს ეკონომიკა 9.8 პროცენტით გაიზარდა, ასევე წარმატებულია მიმდინარე წელიც - იანვარი - ოქტომბრის ეკონომიკურმა ზრდამ 7.6 პროცენტი შეადგინა.
„ჩვენი ქვეყნის მთავარი, ძირეული სექტორები ჯანსაღად, დივერსიფიცირებულად და მდგრადად ვითარდებიან. განსაკუთრებით გამოვყოფდი ტრანსპორტს, ლოგისტიკას, ენერგეტიკას და სტუმართმასპინძლობის სექტორს. საექსპორტო პოტენციალი იზრდება წლიდან წლამდე, ასევე ზრდადია ინვესტიციების მოცულობა. იმ უკუკავშირიდან გამომდინარე, რომელსაც ჩვენ, პირველ რიგში, ჩვენი ადგილობრივი სექტორის წარმომადგენლებიდან ვიღებთ, უზრუნველვყოფთ, რომ თითოეული ინსტრუმენტი, რომელიც ხელისუფლებას გააჩნია, სწორად და ჯანსაღად იქნას გამოყენებული ეკონომიკის თითოეული დარგის განვითარებისთვის," - აღნიშნა მინისტრმა.
დღის ტოპ 10 სიახლე
სხვა სიახლეები
2032 წლისთვის ₾7 მილიარდზე მეტი ინვესტიცია განხორციელდება ანაკლიის ღრმაწყლოვანი ნავსადგურის, თბილისის ახალ აეროპორტის და რკინიგზის მოძრავი შემადგელობის განახლების პროექტებში - მარიამ ქვრივიშვილი
13.12.2025.02:33
"სამინისტროში შემუშავებული სამოქმედო გეგმის მიხედვით, 2032 წლისთვის დაახლოებით 7 მლრდ ლარის ინვესტიცია განხორციელდება სტრატეგიული ობიექტებისა და პროექტების განვითარებისთვის, რომლებიც სრულად მოემსახურება მთავარ მიზანს - საქართველომ გააძლიეროს თავისი ტრანზიტული როლი რეგიონში და გააგრძელოს, იყოს დამაკავშირებელი აზიასა და ევროპას შორის," - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა.
როგორც მინისტრმა აღნიშნა, 7 მლრდ ლარი გადანაწილდება ისეთ სტრატეგიულ პროექტებზე, როგორიცაა ანაკლიის ღრმაწყლოვანი პორტი, ახალი საერთაშორისო აეროპორტი ვაზიანში, საქართველოს რკინიგზის მოძრავი შემადგენლობის განახლება, მასშტაბური საგზაო ინფრასტრუქტურული სამუშაოები და სხვ.
2029 წელს ანაკლიის ღრმაწყლოვანი პორტი მზად იქნება, მიიღოს პირველი გემი და ტვირთების დამუშავება დაიწყოს - მარიამ ქვრივიშვილი
13.12.2025.02:32
ჩვენი მთავარი საზრუნავია, ყველა პრიორიტეტულ სექტორში ინვესტიციების ზრდა და ფინანსური რესურსების ხელმისაწვდომობა უზრუნველვყოთ - მარიამ ქვრივიშვილი
13.12.2025.02:05
„თეთრ სიასთან“ დაკავშირებით გვქონდა აქტიური კომუნიკაცია სამშენებლო კომპანიებთან და გარკვეულწილად შევჯერდით ახალ მოდელზე - რევაზ სოხაძე
12.12.2025.19:15
