ჩვენი მოლოდინია, რომ 2026 წელს ეკონომიკური ზრდის მაღალი ტემპი შენარჩუნდება, რასაც ხელს უწყობს საქართველოს მთავრობის სწორი და თანმიმდევრული ეკონომიკური პოლიტიკა - ვახტანგ ცინცაძე
2025 წლის ეკონომიკური აქტივობის მაღალი ზრდის ტენდენცია 2026 წელსაც გაგრძელდა და იანვარში ეკონომიკური ზრდა 7.9%-ით განისაზღვრა. ეკონომიკისა და მდგრადი განვითარების მინისტრის მოადგილის ვახტანგ ცინცაძის განცხადებით, ეკონომიკურ ზრდაში მნიშვნელოვანი პოზიტიური წვლილი განათლების, ინფორმაციისა და კომუნიკაციის, საფინანსო და სადაზღვევო საქმიანობების და სხვა სექტორებმა შეიტანა.
როგორც მინისტრის მოადგილემ აღნიშნა, ეკონომიკური ზრდის ხელშემწყობი იყო ასევე საგარეო ვაჭრობის მიმართულებით დაფიქსირებული პოზიტიური ტენდენციები - ექსპორტის მოცულობა გაიზარდა 19%-ით და 480.4 მილიონი აშშ დოლარი შეადგინა. ვახტანგ ცინცაძემ ყურადღება გაამახვილა ადგილობრივ ექსპორტის ზრდაზე, რომელიც 68%-ს გაუტოლდა და 312 მლნ აშშ დოლარს მიაღწია.
მინისტრის მოადგილემ აქცენტი გააკეთა 2026 წელს მსხვილი სახელმწიფო ინფრასტრუქტურული პროექტების დაჩქარებაზე, რაც, მისი შეფასებით, პოზიტიურად აისახება ეკონომიკურ ზრდის ტემპსა და ქვეყნის ეკონომიკურ ტენდენციებზე. „ჩვენი მოლოდინია, რომ 2026 წელს ეკონომიკური ზრდის მაღალი ტემპი შენარჩუნდება, რასაც ხელს ის სწორი და თანმიმდევრული ეკონომიკური პოლიტიკა უწყობს, რასაც საქართველოს მთავრობა ახორციელებს", - განაცხადა ვახტანგ ცინცაძემ.
დღის ტოპ 10 სიახლე
Geosky Airlines-ის რებრენდინგი წარმატებით დასრულდა - ბრენდის ვიზუალური იდენტობის სრული ტრანსფორმაცია
სხვა სიახლეები
1 დოლარის ოფიციალური ღირებულება 2.6759 ლარი გახდა
27.02.2026.17:01
1 ევროს ოფიციალური ღირებულება 3.1581 ლარი გახდა, ხოლო 1 აშშ დოლარის 2.6759 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6759 ლარით განისაზღვრა. კურსი, რომელიც დღეს მოქმედებდა 2.6741 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0018 ლარი შეადგინა.
რაც შეეხება ევროს, მისი ღირებულება 3.1581 ლარია. მაშინ, როცა დღეს მოქმედი კურსი 3.1544 ლარს შეადგენდა. შესაბამისად, ევროს ცვლილებამ 0.0037 ლარი შეადგინა.
2026 წლის განმავლობაში ველოდებით, რომ Brent-ის მარკის ნავთობის ფასი საშუალოდ $60-თან იტრიალებს - TBC Capital
27.02.2026.17:00
2025 წელს საქართველოს უმაღლეს საგანმანათლებლო დაწესებულებებში სტუდენტთა რიცხოვნობამ 195.4 ათასი შეადგინა - საქსტატი
27.02.2026.10:59
ოფიციალური სავალუტო რეზერვები 2025 წლის დეკემბერში $6.2 მილიარდამდე გაიზარდა, რაც დაახლოებით ოთხი თვის იმპორტის დაფარვას უზრუნველყოფს - EBRD
26.02.2026.17:48
