ჩვენი მიზანია, ბიზნესი გახდეს უფრო კონკურენტუნარიანი, სექტორი გაჯანსაღდეს. ყოველივე ეს აისახება სამომხმარებლო ფასების კლებაზე - შოთა ბერეკაშვილი
ბოლო კვლევებმა აჩვენა, რომ განსაკუთრებით პირველადი მოხმარების საგნებზე და საკვებ პროდუქტებზე ფასნამატი უაღრესად მაღალია. ეს მიუთითებს სექტორში სტრუქტურულ პრობლემაზე, - განაცხადა ეკონომიკური პოლიტიკის საპარლამენტო კომიტეტის თავმჯდომარემ შოთა ბერეკაშვილმა სასურსათო პროდუქტის, მედიკამენტებისა და საწვავის ფასების რეგულირების საკითხზე საუბრისას.
მისი თქმით, კონკურენტუნარიანი ბიზნესი და სექტორის გაჯანსაღება სამომხმარებლო ფასების კლებაზე იმოქმედებს.
„ჩვენი მიზანია, რომ შევხვდეთ ბიზნესის წარმომადგენლებს, მოვუსმინოთ მათ და მივეხმაროთ, რომ ბიზნესი გახდეს უფრო კონკურენტუნარიანი, სექტორი გაჯანსაღდეს, რაც საბოლოო ჯამში მიგვიყვანს საოპერაციო ხარჯების ოპტიმიზაციამდე, ბიზნეს კონკურენციის გაზრდამდე და ბაზრის გაჯანსაღებამდე. თავისთავად, ყოველივე ეს აისახება სამომხმარებლო ფასების კლებაზე“, - აღნიშნა ბერეკაშვილმა.
სამთავრობო საკოორდინაციო კომისიის პარალელურად, პარლამენტი მუშაობას იწყებს სურსათზე, მედიკამენტებისა და საწვავზე ფასების დაკლებაზე. შეიქმნება სპეციალური კომისია, რომელიც 14 დეპუტატით დაკომპლექტდა. კომისია სამი თვის განმავლობაში იმუშავებს.
დღის ტოპ 10 სიახლე
სხვა სიახლეები
ლარის კურსი დოლართან და ევროსთან გამყარდა
03.02.2026.17:00
1 ევროს ოფიციალური ღირებულება 2.6893 ლარი გახდა, ხოლო 1 აშშ დოლარის 3.1701 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6893 ლარით განისაზღვრა. კურსი, რომელიც დღეს მოქმედებდა 2.6902 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0009 ლარი შეადგინა.
რაც შეეხება ევროს, მისი კურსი 3.1701 ლარია. მაშინ, როცა დღეს მოქმედი კურსი 3.1903 ლარს შეადგენდა. შესაბამისად, ევროს ცვლილებამ 0.0202 ლარი შეადგინა.
