როგორც პარლამენტი, ასევე აღმასრულებელი ხელისუფლება ზრუნავს იმაზე, რომ ჩვენს მოსახლეობას, განსაკუთრებით, როცა ეს ეხება FMCG სექტორს, საუკეთესო და კონკურენტული ფასი ჰქონდეთ და ეს თითოეული ჩვენგანის მოვალეობაა, - ამის შესახებ საქართველოს პარლამენტის ეკონომიკური პოლიტიკის კომიტეტის თავმჯდომარემ, შოთა ბერეკაშვილმა ეკონომიკური პოლიტიკის კომიტეტის სხდომაზე განაცხადა.

„სწორედ იმიტომ, რომ არსებობდა პრობლემა, სწორედ ამიტომ მოხდა აღნიშნული კომისიის შექმნა, ჩვენი კომისიის შექმნა. მე, პირველ რიგში, მინდა ვთქვა, რომ თითოეული კომისიის მონაწილემ უაღრესად მნიშვნელოვანი წილი და როლი შეიტანეს კომისიის მუშაობაზე და დამეთანხმებით, ალბათ, სექტორი შევისწავლეთ სულ სრულფასოვნად, 80-ზე მეტ კომპანიას შევხვდით ერთად და მათი პრობლემები მოვისმინეთ და, შესაბამისად, ის დასკვნა, რომელიც ერთობლივად დავწერეთ, ასახავდა იმ მდგომარეობას, რაც ბაზარზე არის და, საერთო ჯამში, ძალიან მნიშვნელოვანი მუშა დოკუმენტი გამოვიდა.

და მე მიმაჩნია, რომ იქ გვაქვს როგორც მოკლევადიანი, ასევე საშულოვადიანი და გრძელვადიანი განვითარების სტრატეგია და ჩვენ ახლა, როდესაც ელექტრონულ კალათზე ვსაუბრობთ, ეს იყო მოდელი მოკლევადიანი პროდუქტის შექმნის, რომელიც აღებული იყო ევროპული გამოცდილებიდან და ამის წარმატებული განხორციელების მაგალითი უკვე არსებობდა და მიგვაჩნია, რომ პირველი ნაბიჯი მნიშვნელოვანი და წარმატებული იყო.

და ასევე გვაქვს საშუალო და გრძელვადიანი გეგმა და რომელსაც, დარწმუნებული ვარ, რომ საქართველოს მთავრობა მიმდინარე პერიოდში განახორციელებს და როგორც პარლამენტი, ასევე აღმასრულებელი ხელისუფლება ზრუნავს იმისთვის, რომ ჩვენს მოსახლეობებს, განსაკუთრებით, როცა ეს ეხება FMCG სექტორს, საუკეთესო და კონკურენტული ფასი ჰქონდეს და ეს თითოეული ჩვენგანის მოვალეობაა“, - აცხადებს შოთა ბერეკაშვილი.