businessinsider.ge - ეკონომიკა

ეკონომიკა

ენერგეტიკა შემდეგი რამდენიმე წლის განმავლობაში შესაძლოა ერთ-ერთი ყველზე დიდი მიმართულება იყოს - არჩილ გაჩეჩილაძე

23.06.2025.14:00

ენერგეტიკა შემდეგი რამდენიმე წლის განმავლობაში შესაძლოა ერთ-ერთი ყველზე დიდი მიმართულება იყოს, - აღნიშნა საქართველოს ბანკის გენერალურმა დირექტორმა არჩილ გაჩეჩილაძემ, რომელიც Galt & Taggart-ის მიერ ორგანიზებულ კონფერენციას დაესწრო.
არჩილ გაჩეჩილაძის თქმთ, ასეულობით მილიონი დოლარის ჩადება შეიძლება ამ სექტორში.

„როგორც მოგეხსენებათ ენერგეტიკა ერთ-ერთი მნიშვნელოვანი სექტორია. ეს არის ინფრასტრუქტურა და ინფრასტრუქტურასთან მიმაგრებული ინდივიდუალური პროექტები. ამ ინფრასტრუქტურას სჭირდება საკმაოდ დინამიური განვითარება, ამას ჭირდება, როგორც რეგულატორული ისევე სახელმწიფო სტრატეგიის კოორდინირება კერძოსთან და აქედან გამომდინარე ასეთი ტიპის კონფერენციები ძალიან მნიშვნელოვანი და კარგია. Galt & Taggart-ი 10 წელიწადზე მეტის ხნის წინ პირველი იყო საქართველოში, რომელმაც ამ სექტორთან მიმართებაში კვლევა დადო და წლებია უკვე ასეთუ ტიპის კონფერენციებს ატარებს.

ენერგეტიკის მიმართულება ერთ-ერთი ყველზე დიდი მიმართულება შეიძლება იყოს შემდეგი რამოდენიმე წლის განმავლობაში. ასეულობით მილიონი დოლარის ჩადება შეიძლება ამ სექტორში. ამისთვის ძალიან მნიშვნელოვანია, რომ ქსელი იყოს შესაბამისად მზად გამართული იმისთვის, რომ განვითარდეს ახალი პროექტები ერთის მხრივ ქსელის გაძლიერებისთვის და მეორეს მხრივ, იყოს გარანტიები, რომ CFD მექანიზმი, რომელიც დაინერგა, ამასთან მიმართებაში გარანტიები, რომ გამომუშავებული ელექტროენერგიის ანაზღაურება მოხდება დროულად და კარგად. ეს მექანიზმი იყოს გამართული. აი ამ ორ შემთხვევაში, კერძო სექტორის მიმართულებით საკმაოდ დიდ აქტიურობას ვხედავთ და ეს ყველაფერი თუ კარგად შესრულდა ასეულობით მილიონი დოლარის დაფინანსება ნამდვილად შესაძლებელია ამ სექტორში“, - აცხადებს საქართველოს ბანკის გენერალური დირექტორი.