ბოლო ხუთი წლის ჭრილში გვაქვს ეკონომიკური ზრდის რეკორდული მაჩვენებელი არა მხოლოდ ჩვენს, არამედ ფართო რეგიონში - ირაკლი ნადარეიშვილი
"შარშანდელი წელი ძალიან მნიშვნელოვანი იყო - ქვეყნის ეკონომიკურმა ზრდამ 7,5 პროცენტი შეადგინა. ბოლო ხუთი წლის ჭრილში ჩვენ გვაქვს ეკონომიკური ზრდის რეკორდული მაჩვენებელი არა მხოლოდ ჩვენს, არამედ ფართო რეგიონშიც. ამას საფუძვლად უდევს ფუნდამენტური მაკროეკონომიკური პარამეტრები და რეფორმები, რომელთაც სახელმწიფო თანმიმდევრულად ახორციელებს. დღეს ჩვენი ამოცანაა, ეკონომიკური ზრდის აღნიშნული ტემპი მომავალ წლებში შევინარჩუნოთ," - განაცხადა ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა.
როგორ მინისტრის მოადგილემ აღნიშნა, სახელმწიფოსა და საერთაშორისო საფინანსო ინსტიტუტების პროგნოზები ეკონომიკური ზრდის მაჩვენებელთან დაკავშირებით იმედისმომცემია. ირაკლი ნადარეიშვილის თქმით, მთელი რიგი ინიციატივები როგორ პოლიტიკის, ისე ბიზნესის მხარდაჭერის ნაწილში, რომელიც მიმდინარე და მომდევნო წლებში განხორციელდება, ხელს შეუწყობს ამ ამოცანის წარმატებით შესრულებას.
დღის ტოპ 10 სიახლე
საქართველო გაეროს იმ 8 წევრ ქვეყანას შორისაა, სადაც მედიაწიგნიერება ცალკე საგნად ისწავლება - UNESCO
სხვა სიახლეები
იანვარში ექსპორტი 19%-ით გაიზარდა - საქსტატი
13.02.2026.11:37
2026 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 1 597.5 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 24.2 პროცენტით ნაკლებია. აქედან, ექსპორტი 480.4 მლნ. აშშ დოლარი იყო (გაიზარდა 19.0 პროცენტით), ხოლო იმპორტი 1 117.0 მლნ. აშშ დოლარი (შემცირდა 34.5 პროცენტით). უარყოფითმა სავაჭრო ბალანსმა 2026 წლის იანვარში 636.6 მლნ. აშშ დოლარი შეადგინა, რაც საგარეო სავაჭრო ბრუნვის 39.9 პროცენტია.
საქართველოს საგარეო ვაჭრობის დეტალური მონაცემები გამოქვეყნდება მიმდინარე წლის 19 თებერვალს.
