ბოლო 4 წელიწადში ქვეყანამ სრულად მიაღწია მაღალ ეკონომიკურ სტაბილურობას და მიაღწია იმდაგვარად, რომ ამაზე შენდება ძალიან ძლიერი ეკონომიკური მომავალი, - ამის შესახებ ფინანსთა მინისტრმა ეკონომიკური ფორუმის რიგით მეორე დისკუსიის ფარგლებში გამართულ შეხვედრაზე განაცხადა, რომლის თემაც „საქართველოს საფინანსო და საინვესტიციო პოლიტიკა“ იყო.

„ეს ის პერიოდია, როდესაც ტარდება საერთაშორისო საფინანსო ინსტიტუტების წლიური შეხვედრები და ყველგან საქართველო არის წარმოდგენილი. ეს არის აზიის განვითარების ბანკი, აზიის ინფრასტრუქტურის საინვესტიციო ბანკი, მსოფლიო ბანკი, ევროპის რეკონსტრუქციის ბანი. ასეთი შეხვედრები დიდი შესაძლებლობაა, რომ ჩვენს პარტნიორებთან, საფინანსო ინსტიტუტებთან ვისაუბროთ იმ პროექტებზე, რომელიც გვაქვს დაგეგმილი და ასევე განვიხილოთ სამომავლო გეგმები. სულ ახლახან დასრულდა სსფ-ს მეოთხე მიმოხილვის შეფასება.

საქართველოს ეკონომიკას ბოლო 3-4 წლის განმავლობაში ჰქონდა გარკვეული გამოწვევები, რომელიც ეხებოდა ფუნდამენტურ საკითხებს ეკონომიკის სიძლიერისა და ეს ფუნდამენტური საკითხები იყო, რომ ქვეყანას უნდა მიეღწია მაკრო-ეკონომიკური სტაბილურობისთვის და მდგრადობისთვის, რათა ეს ყოფილიყო საფუძველი შემდეგი განვითარებისთვის. ეს არის ძალიან მნიშვნელოვანი საკითხი, თუ ქვეყანას მაკრო-ეკონომიკური სტაბილურობა არ აქვს, ფისკალური მდგრადობა არ აქვს ყველა დანარჩენი საკითხი, რომელიც უკავშირდება ეკონომიკა ვერ იქნება გრძელვადიანი. ჩვენ შეგვიძლია ვთქვათ, რომ ბოლო 4 წელიწადში ქვეყანამ სრულად მიაღწია მაღალ ეკონომიკურ სტაბილურობას და მიაღწია იმდაგვარად, რომ ამაზე შეიძლება დაშენება და შენდება ძალიან ძლიერი ეკონომიკური მომავალი.

ბიუჯეტის დეფიციტი, რომელიც ჩამოვიდა და 9,3%-დან შემცირდა 2,4%-მდე. საგარეო ვალის მაჩვენებელი, რომელიც 60%-ს იყო გაცდენილი ჩამოვიდა 36%-მდე. ინფლაციის მაჩვენებელი, რომელიც არის ძალიან ახლოს მიზნობრივ მაჩვენებელთან და სწორედ ეს არის ჩვენი სამიზნე, რომ ის მიზნობრივთან ახლოს იყოს. ყველა მაკროეკონომიკური პარამეტრი არის შესაბამისობაში და ეს მოხდა საკმაოდ რთულ პერიოდში. რთულ პერიოდში პოლიტიკურად, რთულ პერიოდში გეოპოლიტიკურად“, - აღნიშნა სიტყვით გამოსვლისას მინისტრმა.

მინისტრის თქმით, როგორც კომერციული ბანკები აფასებენ კომპანიის მდგომარეობას და მის მდგრადობას, ასევე საერთაშორისო საფინანსო ინსტიტუტები ქვეყნებისთვის, რომლებიც აფასებენ მათ ფინანსურ მდგომარეობას და რამდენად გადახდისუნარიანია ესა თუ ის ქვეყანა.

„გვქონდა ჩვენ საუბარი საფინანსო ინსტიტუტებთან. საქართველო არის ერთ-ერთ იმ იშვიათ ქვეყანათა ჩამონათვალში, რომელმაც ასეთ დროის მოკლე შუალედში შეძლო აღედგინა ფისკალური მდგრადობა და ერთ-ერთი საუკეთესო იმედია საფინანსო ინსტიტუტებისთვის საქართველო განახორციელონ პროექტები“, - აცხადებს მინისტრი.

ფინანსთა მინისტრმა თქვა, რომ ქვეყანას საერთაშორისო საფინანსო ინსტიტუტებთან თანამშრომლობის ფარგლებში ძალიან კარგი შედეგები აქვს.

„ყველა საფინანსო ინსტიტუტმა გამოთქვა მზადყოფნა, რომ არა თუ გააგრძელოს პროექტები, არამედ დააფინანსონ ახალი პროექტები საქართველოში. აზიის განვითარების ბანკის შეხვედრაზე ხელი მოვაწერეთ ძალიან მნიშვნელოვან შეთანხმებას, საუბარია 110 მლნ-იანი სასესხო ხელშეკრულება, რომლის ფარგლებშიც გაკეთდება ენერგიის მააკულირებელი სადგური, რომელიც ენერგოუსაფრთხოების ნაწილში ძალიან მნიშვნელოვანია“, - განაცხადა ლაშა ხუციშვილი.