ბოლო 3 წელიწადში IT სექტორში შემოსავლები 50-ჯერ არის გაზრდილი, - ამის შესახებ გადაცემა „იმედის დილაში“ რუბრიკა Business Insider Georgia-ში სტუმრობისას პარლამენტის ევროპასთან ინტეგრაციის კომიტეტის თავმჯდომარის მოადგილემ და იმავდროულად დარგობრივი ეკონომიკისა და ეკონომიკური პოლიტიკის კომიტეტის წევრმა ვაკო თურნავამ განაცხადა. მისი განმარტებით, სექტორი საკმაოდ სწრაფი ტემპით იზრდება, რასაც ის რეფორმებიც უწყობს ხელს, რაც საქართველოს მთავრობამ უკვე გაატარა, ან გეგმავს, რომ გაატაროს.

„დღეს დარგი რა თქმა უნდა იზრდება, როგორც მსოფლიოში., ისე საქართველოში. დაახლოებით 3 წლის უკან საქართველოში გვყავდა 15 ათასი პროგრამისტი, დეველოპერი და ახლა უკვე ეს ციფრი არის გასამმაგებული. სამ წელიწადში გაგვისამმაგდა. თავიდან კოვიდმა შეიწყო ხელი მსოფლიოს ნებისმიერ წერტილში, მაგრამ ჩვენთან უფრო წინ წავიდა ეს საქმე. იმიტომ, რომ ბევრი ადამიანი ჩამოვიდა საქართველოში, რომელმაც დაიწყო ცხოვრება და უფლება ჰქონდათ ემუშავათ საზღვარგარეთ, მსოფლიოს წამყვან კომპანიებში. ის პირობები, რაც საქართველომ შევძელით და შევთავაზეთ, ვგულისხმობ სპეციალურ საგადასახადო რეჟიმს, ცხოვრების უფლებას და იმ უსაფრთხო გარემოს, ტურიზმს, უძრავი ქონების მიმართულებას - რაც საქართველოში გამართულად მუშაობს. ამან განაპირობა ის, რომ ეს ადამიანი საქართველოში დარჩნენ და მოიზიდეს სხვა ადამიანები. შემდეგ უკვე მეორე ტალღა წამოვიდა, როდესაც რუსეთ-უკრაინის ომი დაიწყო, რამდენიმე ათასი ადამიანი შემოვიდა და ამან გამოიწვია ჩვენი ქვეყნის პოტენციალის ზრდა IT სექტორში. რატომ ვიძახი ამას? იმიტომ, რომ როდესაც ეს ადამიანები ჩვენთან ჩამოვიდნენ ერთადერთი სჭირდებოდათ საცხოვრებელი ადგილი და ბანკში ანგარიში. მათ თავად ჰყავთ კლიენტი, ისინი საქართველოდან ემსახურებიან ევროპელ, ამერიკელ კლიენტებს და წამყვან ტექ კომპანიებს. ძირითადად ეს არის უნიქონ კომპანიები და მათ ეუბნებოდნენ, რომ ინგლისში კი აღარ ვცხოვრობ ან უკრაინაში, არამედ ვცხოვრობ საქართველოში აი საქართველოს ანგარიში და აქ ჩამირიცხე თანხა. აქედან მოგემსახურები. და ერთგვარი პოზიტიური იმიჯი, როგორც ტექნოლოგიურად ძლიერი ქვეყანა ამან უკვე დაიწყო პოზიციონირება. რა თქმა უნდა 2019 წლის რეფორმამ, სადაც ჩვენ დავუშვით 5%-იანი განაკვეთი საერთაშორისო სტატუსის მქონდე კომპანიებზე, ამან პირველი ბუსტი გამოიწვია. ეს იყო შეღავათიანი დაბეგვრის რეჟიმი და ჩვენს ქვეყანაში ჩამოვიდნენ დიდი IT კომპანიები. ერთ-ერთ მათგანს უკვე 4000 თანამშრომელი ჰყავს. უცხოელ სპეციალისტებთან ერთად ძირითადად ქართველები დაასაქმა. უცხოელი ტრენერები არიან.

დღეს ციფრები გაქვს ასეთი, რომ 50-ჯერ არის გაზრდილი შემოსავალი, ვიდრე ეს მაჩვენებელი იყო 3 წლის უკან. ზუსტად 50-ჯერ არის გაზრდილი ბიუჯეტში შეტანილი თანხა, რა თანხაც შეაქვს ამ სექტორს. დღეს უცხოელი დასაქმებული საქართველოში, უცხოელი, რომელმაც მიუთითა რომ ის IT სექტორში საქმიანობს არის დაახლოებით 24000-მდე ადამიანი. ჩვენ ვფიქრობთ, რომ ახალი რეფორმით, 3 წლიანი IT რეზიდენტობით კიდევ უფრო გავაძლიეროთ ეს მიმართულება“, - აღნიშნა ვაკო თურნავამ.