ბიუჯეტის შესრულებას არანაირი პრობლემა არ აქვს - მიხეილ დუნდუა
ბიუჯეტის შესრულებას არანაირი პრობლემა არ აქვს, - აცხადებს ფინანსთა მინისტრის მოადგილე მიხეილ დუნდუა, რომელიც „იმედის დილაში“ რუბრიკა Business Insider Georgia-ს სტუმარი იყო.
მისი თქმით, ქვეყნის ბიუჯეტი იგეგმება სწორად.
„არანაირი პრობლემა ბიუჯეტის შესრულებას არ აქვს. პირიქით. მას აქვს პერსპექტივა. იზრდება. გადაჭარბებით სრულდება. ყოველ წელს ჩვენ გვექნება გადაჭარბება. როდესაც ჩვენ ბიუჯეტს ვგეგმავთ, ვგეგმავთ სიფრთხილით, პრუდენციურად, რათა ბიუჯეტის დეფიციტი იყოს ნორმაში, ხარჯები იყოს დაბალანსებული და რა თქმა უნდა ბიუჯეტი შესრულდება ყოველთვის გადაჭარბებით“, - აღნიშნა დუნდუამ.
შეგახსენებთ, რომ რამდენიმე დღის უკან გავრცელდა არასწორი ინფორმაცია იანვარ-მარტის სახელმწიფო ბიუჯეტის შესრულებასთან დაკავშირებით, რაც ფინანსთა სამინისტროს აზრით ყოველგვარ საფუძველს მოკლებულია და საზოგადოების განზრახ შეცდომაში შეყვანას ისახავს მიზნად.
„უპირველეს ყოვლისა, ხაზგასმით აღვნიშნავთ, რომ მთლიანობაში, როგორც სახელმწიფო, ისე ნაერთი ბიუჯეტის შემოსავლებისა და გადასახადების ფაქტობრივი მაჩვენებლები გადაჭარბებით შესრულდა, გადასახადების ზოგიერთ სახეობაში, ფაქტობრივი მაჩვენებლის საპროგნოზო მაჩვენებელთან ჩამორჩენის მიუხედავად,
2025 წლის პირველ კვარტალში ნაერთი ბიუჯეტის შემოსავლებმა 6.5 მილიარდი ლარი შეადგინა, რაც საპროგნოზო მაჩვენებლის 102.1% იყო. მათ შორის, საგადასახადო შემოსავლები 6.1 მილიარდი ლარია, რაც საპროგნოზო მაჩვენებელზე (6.0 მილიარდი ლარი) 118 მილიონი ლარით მეტია და 102.0%-ს შეადგენს.
გადაჭარბებით შესრულდა სახელმწიფო ბიუჯეტის შემოსავლების გეგმა. კერძოდ, იანვარ-მარტში მიღებულმა სახელმწიფო ბიუჯეტის შემოსავლებმა შეადგინა პირველი კვარტლის საპროგნოზო მოცულობის (5.6 მილიარდი ლარი) 102.1% - 5.7 მილიარდი ლარი. მათ შორის, გადასახადების საპროგნოზო მაჩვენებელი შეადგენდა 5.3 მილიარდ ლარს, ხოლო ფაქტი 5.4 მილიარდი ლარია, რაც გეგმის 102.3%-ს შეადგენს.
სახელმწიფო ბიუჯეტის ჯამური შემოსულობების ფაქტიურმა მაჩვენებელმა 6.7 მილიარდი ლარი შეადგინა, რაც საპროგნოზო მოცულობის 100.5%-ია.
აღსანიშნავია, რომ 2025 წლის პირველი კვარტლის ბოლოს, სახელმწიფო ბიუჯეტისა და ადგილობრივი ბიუჯეტების ნაშთებზე განთავსებული იყო შესაბამისად, 1.7 მილიარდი და 0.7 მილიარდი ლარი.
ზემოაღნიშნულიდან გამომდინარე, კიდევ ერთხელ განვმარტავთ, რომ არა თუ ბიუჯეტის დაგეგმილი მაჩვენებლის შესრულებას არ აქვს არავითარი პრობლემა, ბიუჯეტის საშემოსავლო ნაწილი სრულდება გადაჭარბებით და საბიუჯეტო ვალდებულებების შესრულებასთან დაკავშირებით გამოთქმული ვარაუდები არის მორიგი სიცრუე და სპეკულაცია“, - აღნიშნულია სამინისტროს განცხადებაში.
დღის ტოპ 10 სიახლე
სხვა სიახლეები
აზერბაიჯანიდან ვიზიტების ზრდა III კვარტალში დაჩქარდა და წლიურად 36% შეადგინა - სარკინიგზო მიმოსვლის აღდგენის შემდეგ, გარდაბნის სარკინიგზო გამშვები პუნქტით შემოსვლების რაოდენობამ 2026 წლის პირველ 9 თვეში 28 000 მიაღწია | TBC Capital
27.10.2026.08:00
TBC Capital განახლებული პუბლიკაციას „ტურიზმის სექტორის მიმოხილვა - 9 თვე 2026“ აქვეყნებს.
„2026 წლის პირველ 9 თვეში საერთაშორისო ვიზიტები წლიურად 0.1%-ით გაიზარდა და 5.3 მლნ შეადგინა. ტურისტულმა ვიზიტებმა 2.3%-ით მოიმატა, ხოლო საერთაშორისო მოგზაურობიდან მიღებული შემოსავლები 4.4%-ით გაიზარდა, 3,796 მლნ აშშ დოლარამდე.
დიდ ბრენდულ სასტუმროებში დატვირთულობამ 65% შეადგინა (+3 პპ), ნომრის საშუალო დღიურმა ფასმა (ADR) კი 154 აშშ დოლარი (+14%).
ვიზიტების მატების მთავარი წყაროები ევროკავშირი და დიდი ბრიტანეთი, რუსეთი, აზერბაიჯანი, ჩინეთი და უკრაინა იყო. ყველაზე დიდი უარყოფითი გავლენა კი ინდოეთიდან, სომხეთიდან, თურქეთიდან, ირანიდან და საუდის არაბეთიდან ვიზიტების შემცირებამ იქონია.
აზერბაიჯანიდან ვიზიტების ზრდა მესამე კვარტალში დაჩქარდა. სარკინიგზო მიმოსვლის აღდგენის შემდეგ მკვეთრად გაიზარდა გარდაბნის პუნქტით შემოსვლებიც. ინდოეთიდან ვიზიტების კლებას კი ხელი შეუწყო ახლო აღმოსავლეთის კონფლიქტის გამო IndiGo-ს მიერ თბილისის რეისების შეჩერებამ.
შემოსავლების ზრდას ძირითადად ევროკავშირი და დიდი ბრიტანეთი, რუსეთი და უკრაინა უწყობდა ხელს, ხოლო ირანიდან და საუდის არაბეთიდან შემოსავლები მკვეთრად შემცირდა”, - აღნიშნულია ანგარიშში.
