ქართული კომპანიები სოლიდურად გაიზარდნენ და შექმნეს ფანტასტიკური ისტორია, რაც სხვა კომპანიებს გაუადვილებს წარმატებით იყვნენ წარმოდგენილები ლონდონის საფონდო ბირჟაზე, - აღნიშნულის შესახებ ლონდონის საფონდო ბირჟისა და საქართველოს საელჩოს ინიციატივით გამართულ საინვესტიციო ფორუმზე ლონდონის საფონდო ბირჟის ევროპის განყოფილების პირველადი ბაზრების ხელმძღვანელმა აიუნა ნეჩაევამ განაცხადა. აიუნა ნეჩაევას მიერ ფორუმზე გამოთქმულ მოსაზრებებს Business Insider Georgia ექსკლუზიურად გთავაზობთ. 

ლონდონის საფონდო ბირჟა ამაყობს საქართველოს საინვესტიციო ფორუმის მასპინძლობით. რამდენიმე წლის წინ ქართულმა კომპანიებმა არა მხოლოდ წარმატებით შეასრულეს მოთხოვნები და წარმატებით შეუერთდნენ ლონდონის საფონდო ბირჟას, არამედ შექმნის კარგი საფუძველი ქართული კომპანიებისა და საერთაშორისო ინვესტორებისთვისაც, ქართული კომპანიები სოლიდურად გაიზარდნენ და მათ შექმნეს ფანტასტიკური ისტორია, რაც გაუადვილებს სხვა კომპანიებს საქართველოდან წარმატებით იყვნენ წარმოდგენილები მომავალში ლონდონის საფონდო ბირჟაზე. მნიშვნელოვანია, რომ ჩვენ ვუსმენთ სახელმწიფო და კერძო სექტორის წარმომადგენლებს, მათ შორის განსაკუთრებით კი რამდენიმე კერძო ქართულ ბიზნესს, რომლებიც ინვესტიციების მოზიდვით არიან დაკავებულები“, - აღნიშნა  აიუნა ნეჩაევამ.

ლონდონში გამართულ საინვესტიციო ფორუმს ლევან დავითაშვილთან ერთად ფინანსთა მინისტრი ლაშა ხუციშვილი, ეროვნული ბანკის პრეზიდენტი ნათია თურნავა, ეკონომიკისა და მდგრადი განვითარების მინისტრის მოადგილეები გენადი არველაძე და ირაკლი ნადარეიშვილი, საგარეო საქმეთა მინისტრის მოადგილე ალექსანდრე ხვთისიაშვილი, სააგენტოს „აწარმოე საქართველოში“ დირექტორი მიხეილ ხიდურელი და ასევე საქართველოს კერძო სექტორის წარმომადგენლები ესწრებოდნენ.