აჭარის 2026 წლის რესუბლიკური ბიუჯეტის შემოსავლები 957 მლნ ლარით განისაზღვრა
აჭარის, 2026 წლის რესუბლიკური ბიუჯეტის შემოსავლები, 957 000 000 ლარით განისაზღვრა, 2025 წელთან შედარებით ზრდა - 91 680 000 ლარი. აჭარის ფინანსთა და ეკონომიკის მინისტრმა, აჭარის საკანონმდებლო ორგანოს კომიტეტების სხდომაზე, აჭარის რესპუბლიკური ბიუჯეტის, 2026-2029 წლის პრიორიტეტები წარადგინა.
ჯაბა ფუტკარაძემ აჭარის ფინანსთა და ეკონომიკის სამინისტროს მიერ დაგეგმილ მასშატბურ ინფრასტრუქტურულ პროექტებზე ისაუბრა.
მომდევნო 4 წლის განმავლობაში სპორტული ინფრასტრუქტურის მშენებლობა 152,0 მლნ ლარით დაფინანსდება, ხოლო მთის კურორტებისა და სარეკრეაციო ადგილების განვითარებაზე 41,7 მლნ ლარი დაიხარჯება.
2026 წელს, საგზაო ინფრასტრუქტურის განვითარებისთვის 65 მლნ, ტურიზმის ხელშეწყობისთვის კი 21 227 400 ლარია გათვალისწინებული. გოდერძის საბაგიროს მშენებლობა 300 000 ლარით, ხოლო ხულო-თაგოს საბაგირო გზის რეაბილიტაცია 5 400 000 ლარით დაფინანსდება.
2026 წელს 45 საჯარო სკოლის რეაბილტაცია განხორციელდება. ჯანდაცვის პრიორიტეტულ მიმართულებებზე 44 199 960 ლარი, ხოლო სოციალური დაცვის კუთხით 29 395 445 ლარი დაიხარჯება.
2026 წელს, სოფლის მეურნეობის განვითარებისთვის 38 661 607 ლარი, კულტურული მემკვიდრეობის ინფრასტრუქტურული პროექტებისთვის კი 6 091 000 ლარია გათვალისწინებული.
სხვა სიახლეები
ექსპლუატაციაში მიღებული ობიექტების 35.9% თბილისზე მოდის - საქსტატი
30.07.2025.19:00
2025 წლის 6 თვეში ექსპლუატაციაში მიღებული ობიექტების 35.9% თბილისზე მოდის. ორი კვარტალის სტატისტიკის მიხედვით, წელს ყველაზე ცოტა ობიექტია მიღებული ექსპლუატაციაში რაჭა-ლეჩხუმი და ქვემო სვანეთში. სწორედ ამ რეგიონზე მოდის მთლიანი მაჩვენებლების 0,5%-ი.
საქსტატის ინფორმაციით, 2025 წლის იანვარ-ივნისში ექსპლუატაციაში მიღებულ იქნა 1 603.5 ათასი კვ.მ ფართობის (წინა წლის შესაბამის პერიოდთან შედარებით 0.2 პროცენტით მეტი) 1 540 ობიექტი (წინა წლის შესაბამის პერიოდთან შედარებით 10.5 პროცენტით ნაკლები).
ექსპლუატაციაში მიღებული ობიექტების ორ მესამედზე მეტი მოდის ქვეყნის 4 რეგიონზე, კერძოდ, 35.9 პროცენტი მოდის ქ. თბილისზე, 12.6 პროცენტი — მცხეთა-მთიანეთის რეგიონზე, 11.0 პროცენტი — კახეთის რეგიონზე და 8.7 პროცენტი — ქვემო ქართლის რეგიონზე.
ოფიციალური დეკლარირებული მონაცემებით, საქართველოში 2025 წლის იანვარ-ივნისში გაცემულია 5 424 ნებართვა (წინა წლის შესაბამის პერიოდთან შედარებით 3.0 პროცენტით ნაკლები) 5 188.4 ათასი კვ.მ ფართობის შენობა-ნაგებობების მშენებლობაზე (წინა წლის შესაბამის პერიოდთან შედარებით 3.8 პროცენტით ნაკლები). ნებართვების დაახლოებით სამი მეოთხედი მოდის ქვეყნის 4 რეგიონზე, კერძოდ, ჩასატარებელი სამშენებლო სამუშაოების 46.1 პროცენტი მოდის ქ. თბილისზე, 12.3 პროცენტი — ქვემო ქართლის რეგიონზე, 8.5 პროცენტი — კახეთის რეგიონზე და 6.8 პროცენტი — მცხეთა-მთიანეთის რეგიონზე.
საქართველოში მეზღვაურის პროფესიის პოპულარობას ხელი შეუწყო მთავრობის მიერ გატარებულმა რეფორმებმა საზღვაო სექტორში - გურამ გურამიშვილი
29.07.2025.19:46
პირველად საქართველოს ერთიან ენერგეტიკულ ქსელს მზის ხუთი ელექტროსადგური მიუერთდება, ჯამური სიმძლავრით - 10 მგვტ
29.07.2025.15:23
იანვარ-ივნისში ქვეყანაში 47 290.4 ათასი დოლარის ღირებულების შოკოლადის იმპორტი განხორციელდა
29.07.2025.13:00
