30-ზე მეტი კომპანია შევისწავლეთ, შევისწავლეთ მათი როგორც საწარმოო, ასევე საოპერაციო ხარჯები, მათი ფინანსური სტაბილურობა. საბოლოო ჯამში, აღნიშნულმა შესწავლამ ექვსი პრობლემა გამოავლინა - შოთა ბერეკაშვილი

ეკონომიკა

კომერციულად საინტერესოა, პატარა მარკეტში შევიდე, უფრო იაფი მიჯდება მათთან მომსახურება, მაგრამ, შევიტანე, დავტოვე პროდუქცია და გაკოტრდა, იმიტომ, რომ გვერდზე, „მოდერნ თრეიდმა“ გააკოტრა - „ბარამბოს“ კომერციული დირექტორი ჯანო კუცია

19.02.2026.16:34

ათი წლის წინ, ვმუშაობდით დაახლოებით 13 000 ობიექტში, დღეს, უმრავლესობა ჩვენგანი, ვმუშაობთ 3 000 ობიექტში, რატომ? - დიდმა ქსელმა მოგვთხოვა „ქეშბექი“ დიდი გაყიდვების სანაცვლოდ. ჩვენ მივეცით ეს „ქეშბექი“, რაც ამ ქსელებმა ასახეს ფასებზე, ძალიან გააიაფეს პროდუქტი და ტრადიციული მაღაზიები, რომლებსაც არ ჰქონდათ ამხელა „ქეშბექები“, კონკურენტუუნარონი გახდნენ, ანუ, ამოვარდნენ ამ სტრატეგიიდან, არავინ დაიცვა, - განაცხადა კომპანია „ბარამბოს“ კომერციულმა დირექტორმა, ჯანო კუციამ, საქართველოს პარლამენტის დროებითი კომისიის სხდომაზე.

მისი თქმით, კომპანიის ბრუნვის მნიშვნელოვანი ნაწილი უჭირავს ქსელებს, ვინაიდან, პატარა მარკეტები, კონკურენციის პირობებში ძირითადად, გაკოტრდნენ.

„რიგ შემთხვევაში, თვითონ მივიდნენ იმ მაღაზიაში, რომ აიღოთ ეს იაფი პროდუქტი, დაილაგეს დახლებზე, მაგრამ, რამდენ ხანს გააკეთებდნენ? როდესაც ჩვენ ვსაუბრობთ იმაზე, რომ FMSG სექტორში, 40 პროცენტი უჭირავს მარტო ქსელურ მარკეტებს და 60 - ტრადიციულს, აქვე არის შეცდომა. ალბათ, აქ არის ჩასახედი, რატომ არის ქსელური მარკეტების 40% დღეს წილი? საგრძნობლად მეტია, ჩვენი ბრუნვის მნიშვნელოვანი ნაწილი უჭირავს დღეს ქსელებს - 95%-ზე მეტი. სხვაგან სად გავყიდო, მოკვდა ის პატარა [მარკეტი]. ჩემთვის, კომერციულად საინტერესოა, პატარა მარკეტში შევიდე, იმიტომ, რომ უფრო იაფი მიჯდება მათთან მომსახურება, აღარ არის, შევიტანე, დავტოვე პროდუქცია - გაკოტრდა, იმიტომ, რომ გვერდზე, მოდერნ თრეიდმა გააკოტრა. ამ მოცემულობით, ნებისმიერი უბანი რომ ავიღოთ, 10 მაღაზიიდან, 4 უნდა იყოს ქსელი და 6 - ტრადიციული. რომელია ასეთი უბანი, შეგიძლიათ მითხრათ? არ არსებობს ასეთი უბანი“, - განაცხადა ჯანო კუციამ.

გადახდის ვადები არის ერთი თვიდან 45 დღემდე. ეს განსაკუთრებით მტკივნეულია პურ-ფუნთუშეულის, რძის პროდუქტებისთვის, რომლებიც მაქსიმუმ 2 დღეში იყიდება, თანხას კი, რომელიც მათთან უკვე შესულია, გვიხდიან 45 დღის შემდეგ - ალექსანდრე რატიშვილი 19.02.2026.15:26

არსებული ფასწარმოქმნის ჯაჭვი და ბიზნესოპერაციები ადგილობრივ წარმოებას არაკონკურენტულ გარემოში აყენებს. შესაბამისად, საბოლოო პროდუქტი, რომელსაც ისინი ქმნიან, არაკონკურენტუნარიანია - შოთა ბერეკაშვილი 19.02.2026.15:08