გასული თვის განმავლობაში ნავთობის ბაზარი მედიანიუსებზე იყო დამოკიდებული: ფასები მყისიერად რეაგირებს აშშ-ირანის დაძაბულობაზე, თუმცა რეალური ფიზიკური შეფერხებების არარსებობის გამო, მალევე უბრუნდება საწყის ნიშნულს, - ამის შესახებ თიბისი კაპიტალის პუბლიკაციაშია აღნიშნული. ირკვევა, რომ  ზოგადი ფონი უფრო სტაბილურია, ვიდრე ამას ფასების მერყეობა აჩვენებს.

„ჩვენი აზრით, რისკის პრემია ეპიზოდურია და არა სტრუქტურული: დაძაბულობამ შეიძლება იფეთქოს, მაგრამ მთავარ მოთამაშეებს წარმოებისა და საექსპორტო ინფრასტრუქტურის დაზიანების თავიდან აცილების ძლიერი სტიმული აქვთ.
მიწოდების კუთხით, მთავარი ყურადღება მიმართულებებზე მახვილდება. რუსული ნავთობის რეალიზაცია გრძელდება, მაგრამ დანიშნულების ბაზრები იცვლება : ინდოეთის მხრიდან მოთხოვნა ოდნავ შემცირდა, მაშინ როცა ჩინეთი უფრო მეტად ითვისებს ფასდაკლებულ ნაკადებს. ეს ამცირებს იმის შანსს, რომ სანქციებმა მყისიერი გლობალური დეფიციტი გამოიწვიოს“, - განმარტებულია თიბისი კაპიტალის პუბლიკაციაში.

რაც შეეხება მოთხოვნას, ბაზარი კვლავ მგრძნობიარეა გლობალური ზრდის მოლოდინების ნებისმიერი შერყევის მიმართ - როდესაც მაკროეკონომიკური სენტიმენტი უარესდება, ნავთობის ფასი მხარდაჭერას კარგავს.

რას ვაკვირდებით სამომავლოდ: ნებისმიერ ესკალაციას, რომელიც საზღვაო მარშრუტებს დააზარალებს (მათ შორის აშშ -ის პირდაპირ თავდასხმას ირანზე), OPEC+-ის გზავნილებსა და ერთიანობას, ასევე
წლის განმავლობაში მარაგების ზრდის ნიშნებს.

„ჩვენი საბაზისო სცენარი ფასების ნახტომის შემდეგ კვლავ სტაბილურ ან კლებად დინამიკას გულისხმობს. 2026 წლის განმავლობაში ველოდებით, რომ Brent-ის მარკის ნავთობის ფასი საშუალოდ $60-თან იტრიალებს. ფასის ზრდა კი, ფუნდამენტური ფაქტორების გაუმჯობესების ნაცვლად, ძირითადად მოულოდნელი გეოპოლიტიკური შოკებით იქნება გამოწვეული“, - აცხადებენ თიბისი კაპიტალში.