2025 წლის 6 თვეში საქართველოში განხორციელებულმა პირდაპირმა უცხოურმა ინვესტიციებმა 759,5 მლნ დოლარი შეადგინა, რაც თავის მხრივ საქასტატის მიერ გამოქვეყნებული 2025 წლის პირველი და მეორე კვარტლების წინასწარი მაჩვენებლების ჯამია. 

საქსტატის წინასწარი მონაცემებით,საქართველოში განხორციელებული პირდაპირი უცხოური ინვესტიციების მოცულობამ 2025 წლის I კვარტალში 179.4 მლნ. აშშ დოლარი შეადგინა, რაც 2024 წლის I კვარტალის წინასწარ მონაცემებზე 7.7 პროცენტით ნაკლებია. კლება განპირობებულია სააქციო კაპიტალის და სავალო ვალდებულებების მაჩვენებლის შემცირებით

ასევე წინასწარი ინფორმაციით, საქართველოში განხორციელებული პირდაპირი უცხოური ინვესტიციების მოცულობამ 2025 წლის II კვარტალში 580.1 მლნ. აშშ დოლარი შეადგინა, რაც 2024 წლის II კვარტალის დაზუსტებულ მონაცემებზე 12.0 პროცენტით ნაკლებია. კლება განპირობებულია რეინვესტიციისა და სავალო ვალდებულებების მაჩვენებლის შემცირებით.

Business Insider Georgia-მ იმ საწარმოების სია გამოითხოვა სადაც 2025 წლის I-II კვარტალში მსხვილი პირდაპირი უცხოური ინვესტიციები განხორციელდა. 

მაშ ასე, სტატისტიკის ეროვნული სამსახურიდან მოპოვებული მაჩვენებლები ასე გამოიყურება: 

• აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი შპს მაგთიკომი 
• შპს თბილისი ენერჯი
• სს ენერგო - პრო ჯორჯია
• შპს ტავ ურბან საქართველო
• შპს სილქ როუდ გრუპ ჰოლდინგ
• სს ბიჯეო ჯგუფი
• სს ეპ ჯორჯია გენერაცია
• სს ეპ ჯორჯია მიწოდება
• შპს სოკარ მიდსთრიმ ოპერეიშენს - საქართველოს ფილიალი

შენიშვნა: საწარმოები არ არის დალაგებული რეიტინგის მიხედვით.