2025 წლის პირველი იანვრიდან სემეკმა ენგურს, ვარდნილს და საქართველოს სახელმწიფო ელექტოსისტემას ტარიფი შეუცვალა - Galt & Taggart
2025 წლის პირველი იანვრიდან სემეკმა ენგურს, ვარდნილს და საქართველოს სახელმწიფო ელექტოსისტემას (სსე) ტარიფი შეუცვალა. Galt & Taggart-ის მიერ მომზადებული კვლევის მიხედვით, ცვლილების შედეგად სსე-ს ტარიფი გახდა კვტ.სთ-ზე 3.298 თეთრი, რაც წინა წლის 2.813 თეთრიდან 17.2%-იანი ზრდაა. ცნობილია, რომ ახალი ტარიფი ძალაში იქნება 2025 წლის 1 იანვრიდან, წლის ბოლომდე. ენგურის და ვარდნილის ტარიფი სემეკმა 2 ნაწილად დაადგინა:
1) 2025 წლის 1 იანვრიდან ბაზრის სამიზნე მოდელის ამოქმედებამდე, რომელიც ამ ეტაპზე 1 ივლისისთვისაა დაგეგმილი ტარიფი იქნება ენგურისთვის კვტ.სთ-ზე 4.021 თეთრი და ვარდნილისთვის 5.111 თეთრი.
2) ბაზრის სამიზნე მოდელის ამოქმედებიდან 2026 წლის ბოლომდე კვტ.სთ-ის ტარიფი დაუბრუნდება წინა წლის დადგენილ ტარიფს - ენგურისთვის 2.412 თეთრს და ვარდნილისთვის 3.067 თეთრს. ენგურისა და ვარდნილის ტარიფის ცვლილების მიზეზი იყო კანონში შესული ცვლილება, რის მიხედვითაც აფხაზეთისთვის მიწოდებული ელექტროენერგია აღარ შევიდა ტარიფის გაანგარიშებაში.
„ზემოაღნიშნული ცვლილებები მიმდინარე წელს საცალო (მოსახლოება/ბიზნესი) ტარიფებზე გავლენას არ მოახდენს“, - აცხადებენ Galt & Taggart-ში.
დღის ტოპ 10 სიახლე
სხვა სიახლეები
2032 წლისთვის ₾7 მილიარდზე მეტი ინვესტიცია განხორციელდება ანაკლიის ღრმაწყლოვანი ნავსადგურის, თბილისის ახალ აეროპორტის და რკინიგზის მოძრავი შემადგელობის განახლების პროექტებში - მარიამ ქვრივიშვილი
13.12.2025.02:33
"სამინისტროში შემუშავებული სამოქმედო გეგმის მიხედვით, 2032 წლისთვის დაახლოებით 7 მლრდ ლარის ინვესტიცია განხორციელდება სტრატეგიული ობიექტებისა და პროექტების განვითარებისთვის, რომლებიც სრულად მოემსახურება მთავარ მიზანს - საქართველომ გააძლიეროს თავისი ტრანზიტული როლი რეგიონში და გააგრძელოს, იყოს დამაკავშირებელი აზიასა და ევროპას შორის," - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა.
როგორც მინისტრმა აღნიშნა, 7 მლრდ ლარი გადანაწილდება ისეთ სტრატეგიულ პროექტებზე, როგორიცაა ანაკლიის ღრმაწყლოვანი პორტი, ახალი საერთაშორისო აეროპორტი ვაზიანში, საქართველოს რკინიგზის მოძრავი შემადგენლობის განახლება, მასშტაბური საგზაო ინფრასტრუქტურული სამუშაოები და სხვ.
2029 წელს ანაკლიის ღრმაწყლოვანი პორტი მზად იქნება, მიიღოს პირველი გემი და ტვირთების დამუშავება დაიწყოს - მარიამ ქვრივიშვილი
13.12.2025.02:32
ჩვენი მთავარი საზრუნავია, ყველა პრიორიტეტულ სექტორში ინვესტიციების ზრდა და ფინანსური რესურსების ხელმისაწვდომობა უზრუნველვყოთ - მარიამ ქვრივიშვილი
13.12.2025.02:05
„თეთრ სიასთან“ დაკავშირებით გვქონდა აქტიური კომუნიკაცია სამშენებლო კომპანიებთან და გარკვეულწილად შევჯერდით ახალ მოდელზე - რევაზ სოხაძე
12.12.2025.19:15
