2025 წლის პირველ კვარტალში საერთაშორისო ტურისტული ვიზიტების ისტორიული მაქსიმუმი 958,947 ვიზიტი დაფიქსირდა
საქართველოში 2025 წლის იანვარ-მარტის პერიოდში, საერთაშორისო ტურისტული ვიზიტების რეკორდული მაჩვენებელი დაფიქსირდა და ისტორიული მაქსიმუმი 958,947 ვიზიტი შეადგინა, ზრდა 2024 წლის ანალოგიურ პერიოდთან შედარებით +2.2%-ია.
გაზრდილია საერთაშორისო მოგზაურთა ვიზიტებიც, 2025 წლის პირველ კვარტალში 1,314,828 საერთაშორისო მოგზაურის ვიზიტი შედგა, რაც +1.1%-ით მეტია გასული წლის ანალოგიურ პერიოდთან შედარებით.
2025 წლის I კვარტალში ზრდა ფიქსირდება შემდეგი ქვეყნებიდან: ისრაელი (ზრდა წინა წლის ანალოგიურ მაჩვენებელთან შედარებით +72.9%); ინდოეთი (+27.7%); ჩინეთი (+40.1%); იორდანია (+44.7%), საუდის არაბეთი (+8.3%). ხოლო, ევროკავშირის ქვეყნებიდან მნიშვნელოვანი ზრდა ფიქსირდება ნიდერლანდებიდან +22.3%; სლოვაკეთი +19.9%; ჩეხეთიდან +16.9%; იტალია +10.1% და საბერძნეთი +9.7%.
ინფორმაციას ტურიზმის ეროვნული ადმინისტრაცია ავრცელებს.
სხვა სიახლეები
Fed-ის წარმომადგენლები წელს საპროცენტო განაკვეთის დამატებით ზრდას პროგნოზირებენ
23.09.2026.15:00
FED-ის წარმომადგენლები წელს საპროცენტო განაკვეთის კიდევ ერთ ზრდას ელიან, ხოლო 2027 წელს მის უცვლელად შენარჩუნებას პროგნოზირებენ, - ამის შესახებ ცენტრალური ბანკის ბოლო სხდომის შემდეგ გამოქვეყნებული კვარტალური პროგნოზები მიუთითებს.
ამასთან, მონეტარული პოლიტიკის განმსაზღვრელმა პირებმა მოკლევადიანი ინფლაციის პროგნოზიც გაზარდეს. პროგნოზები მას შემდეგ გამოქვეყნდა, რაც პოლიტიკის შემქმნელებმა ფედერალური ფონდების განაკვეთის სამიზნე დიაპაზონი 0.25 პროცენტული პუნქტით, 3.75% - 4.00%-მდე გაზარდეს, რაც ბაზრის მოლოდინს შეესაბამებოდა.
ახალი პროგნოზების მიხედვით, განაკვეთები 2028 წელს კვლავ შემცირდება, ხოლო 2029 წელს ფედერალური ფონდების განაკვეთი 3.50%-3.75%-ის ფარგლებში იქნება. ივნისში გამოქვეყნებულ პროგნოზებში Fed-ის წარმომადგენლები წელს განაკვეთის 0.25 პროცენტული პუნქტით ზრდას, ხოლო 2027 წელს იმავე მოცულობით შემცირებას ელოდნენ.
განაკვეთის ზრდა იმ ფონზე გამოცხადდა, როდესაც პოლიტიკის შემქმნელები კვლავ მაღალი ინფლაციის პრობლემას ებრძვიან. 16-17 ივნისის სხდომის შემდეგ ვითარება კიდევ უფრო გართულდა: ფასებზე ზეწოლა გაიზარდა, რასაც ნაწილობრივ ახლო აღმოსავლეთში ომთან დაკავშირებული ენერგორესურსების ფასების მკვეთრი ზრდა განაპირობებს.
Fed-ის წარმომადგენლებმა ასევე გაზარდეს გრძელვადიან პერსპექტივაში ფედერალური ფონდების განაკვეთის პროგნოზი 3.2%-მდე, ივნისის პროგნოზში მითითებული 3.1%-დან.
აზერბაიჯანის რკინიგზა ლოკომოტივების პარკს განაახლებს - ჩინეთიდან ბაქოში ახალი ლოკომოტივები ჩაიტანეს
23.09.2026.14:00
უცხოური ვალუტის ძლიერმა შემოდინებამ ხელი შეუწყო ლარის კურსის სტაბილურობასა და საერთაშორისო რეზერვების დაგროვებას - ADB
23.09.2026.11:02
2026 წლის პირველ ნახევარში, 5 ემიტენტის მიერ საჯარო შეთავაზების გზით გამოშვებული 8 ობლიგაციის ჯამურმა ღირებულებამ შეადგინა 385 მილიონი ლარი - სებ
23.09.2026.11:00
საქართველოს ეკონომიკამ 2026 წლის პირველ ნახევარში გარე შოკების მიუხედავად მდგრადობა შეინარჩუნა - ADB
23.09.2026.10:49
