2025 წელს სახელმწიფო ქონების პრივატიზაციიდან საბიუჯეტო შემოსავალი 217 მილიონ ლარზე მეტია, გეგმა 102%-ით შესრულდა - ნინო ენუქიძე
სახელმწიფო ქონების 2025 წლის პრივატიზაციის გეგმა 102%-ით შესრულდა. ეკონომიკისა და მდგრადი განვითარების მინისტრის პირველი მოადგილის, ნინო ენუქიძის შეფასებით, სახელმწიფო ბიუჯეტში მობილიზებულ იქნა 217 მილიონ ლარზე მეტი, როდესაც გეგმა 213 მილიონ ლარს შეადგენდა.
„გასულ წელს გამოცხადდა 800-ზე მეტი აუქციონი და გაიყიდა 500-ზე მეტი ობიექტი, რამაც, ჯამში, მოგვცა იმის შესაძლებლობა, რომ საპრივატიზაციო გეგმა წარმატებით შეგვესრულებინა" - აღნიშნა ნინო ენუქიძემ.
მინისტრის პირველი მოადგილის განცხადებით, ეკონომიკის სამინისტროს სახელმწიფო ქონების ეროვნული სააგენტო წარმატებით განაგრძობს პრივატიზაციის პროცესს, რომელიც გამჭვირვალე და ყველასთვის ხელმისაწვდომია.
„ვიმედოვნებთ, რომ 2026 წელსაც, ისევე, როგორც 2025 წელს წარმატებით განვახორციელებთ საპრივატიზაციო პროცესს და კვლავ შევძლებთ გეგმის გადაჭარბებით სახელმწიფო ბიუჯეტში შემოსავლების მობილიზებას" - განაცხადა ნინო ენუქიძემ.
დღის ტოპ 10 სიახლე
სხვა სიახლეები
სახელმწიფო ქონების პრივატიზაციის პირველი კვარტლის გეგმა 170%-ით შესრულდა
02.04.2026.17:04
ეკონომიკისა და მდგრადი განვითარების სამინისტროს სახელმწიფო ქონების ეროვნულმა სააგენტომ მიმდინარე წლის პირველი კვარტლის საპრივატიზებო გეგმა 170%-ით, გადაჭარბებით შეასრულა. აქტიური პრივატიზაციის შედეგად, სააგენტომ სახელმწიფო ბიუჯეტში პირველი კვარტლის გეგმით გათვალისწინებული 31 მილიონი ლარის ნაცვლად 52 781 870 ლარი გადარიცხა.
სააგენტომ გამოაცხადა 112 ელექტრონული აუქციონი და გაიყიდა 68 ერთეული უძრავი ქონება.
სააგენტო აქტიურად აგრძელებს სახელმწიფო ქონების დაჩქარებული პრივატიზაციის პროცესს და კერძო სექტორს პროაქტიულად სთავაზობს საინვესტიციოდ მიმზიდველ უძრავ ქონებას.
შეგახსენებთ, რომ პრივატიზების პროცესი არის გამჭვირვალე და ყველასთვის ხელმისაწვდომი. ნებისმიერ დაინტერესებულ პირს აქვს შესაძლებლობა, ყოველგვარი ბიუროკრატიული ბარიერის გარეშე, მონაწილეობა მიიღოს მიმდინარე ელექტრონულ აუქციონებში და მოკლე დროში გახდეს სახელმწიფო აქტივის მესაკუთრე.
აუქციონში მონაწილეობის მისაღებად ეწვიეთ ბმულს: https://eauction.ge/
აქტიური პრივატიზაციის პროცესის შედეგად 2026 წლის პირველი კვარტლის საპრივატიზაციო გეგმა გადაჭარბებით, 170%-ით შესრულდა - ნინო ენუქიძე
02.04.2026.14:39
ვისაც ხელახალი რეგისტრაცია არ ექნება გავლილი, შევუზღუდავთ წვდომას ჩვენს სერვისებზე ორივე მიმართულებით - შემოსავლების სამსახურის წარმომადგენელი
01.04.2026.10:39
1 აპრილი არის საწარმოთა და ორგანიზაციათა ქონების გადასახადის დეკლარირების ბოლო ვადა - შემოსავლების სამსახურის მეთოდოლოგიის დეპარტამენტის უფროსი
01.04.2026.10:08
