2025 წელს ქვეყანაში კვერცხის წარმოება 2.2%-ით გაიზარდა - საქსტატი
წინასწარი მონაცემებით, 2025 წლის ბოლოსათვის მსხვილფეხა რქოსანი პირუტყვის სულადობამ 760.6 ათასი სული შეადგინა, რაც წინა წლის მონაცემზე 6.3 პროცენტით ნაკლებია. აღნიშნულის შესახებ ინფორმაციას საქსტატი ავრცელებს.
აქედან ფურისა და ფურკამეჩის ჯამური რაოდენობა 372.4 ათასი სულით განისაზღვრა, რაც წინა წლის ანალოგიურ მაჩვენებელს 7.9 პროცენტით ჩამორჩება.
ღორის რაოდენობამ 122.0 ათასი სული შეადგინა, რაც 11.8 პროცენტით ჩამორჩება წინა წლის შესაბამის მაჩვენებელს.
ფრინველის რაოდენობამ 8.7 მლნ. ფრთა შეადგინა, რაც 8.3 პროცენტით აღემატება წინა წლის ანალოგიურ მაჩვენებელს.
წინასწარი მონაცემებით, 2025 წლის IV კვარტალში რძის წარმოებამ 97.2 მილიონი ლიტრი შეადგინა, რაც წინა წლის ანალოგიურ მაჩვენებელზე 6.4 პროცენტით ნაკლებია. 2025 წლის რძის წარმოების წლიური მაჩვენებელი 545.7 მილიონი ლიტრით განისაზღვრა, რაც 5.0 პროცენტით ჩამორჩება 2024 წლის შესაბამის მაჩვენებელს.
2025 წლის IV კვარტალში ხორცის წარმოებამ 28.1 ათასი ტონა შეადგინა, რაც 2024 წლის შესაბამისი პერიოდის მაჩვენებელზე 3.7 პროცენტით მეტია. 2025 წელს ხორცის წლიურმა წარმოებამ 81.9 ათასი ტონა შეადგინა, რაც წინა წლის მაჩვენებელს 7.7 პროცენტით ჩამორჩება. 2025 წლის IV კვარტალში კვერცხის წარმოება 165.4 მილიონი ცალი იყო, რაც წინა წლის ანალოგიურ მაჩვენებელზე 3.3 პროცენტით ნაკლებია.
2025 წელს კვერცხის წლიურმა წარმოებამ 688.0 მილიონი ცალი შეადგინა, რაც 2024 წელთან შედარებით 2.2 პროცენტით მეტია.
დღის ტოპ 10 სიახლე
სხვა სიახლეები
საქართველოში ბრინჯის იმპორტი მზარდია
16.02.2026.15:00
საქართველოში ბრინჯის იმპორტი მზარდია. საქართველოს სტატისტიკის სამსახურის მონაცემებით, 2025 წელს საქართველომ 11 822.1 ათასი დოლარის ღირებულების 15 150.0 ტონა ბრინჯი იყიდა, 2024 წელს ეს მაჩვენებლები 11 040.4 ტონას შეადგენდა. შესაბამისად 2025 წელს 2024 წელთან შედარებით საქართველოში ბრინჯის იმპორტი 37%-ით არის გაზრდილი.
საქართველოში ბრინჯის მთავარი იმპორტიორი ქვეყანა ინდოეთია.
TOP 5 ქვეყანა, სადაც საქართველო ბრინჯს ყიდულობს:
საგულისხმოა, რომ 2025 წელს საქართველოში ბრინჯის იმპორტი ისტორიულ მაქსიმუმზეა.
2025 წლის IV კვარტალში სამაცივრე მეურნეობების მიერ გაყიდული იმპორტირებული პროდუქციის 35,1% რძის პროდუქტებზე მოდიოდა - საქსტატი
16.02.2026.12:54
S&P Global Ratings - საქართველოს საბანკო სექტორის რეგულირება და ზედამხედველობა მოწინავეა რეგიონში
16.02.2026.12:32
დარწმუნებული ვარ, რომ სწორი საერთო გზებით ჩვენ აუცილებლად უზრუნველვყოფთ სასურსათო პროდუქციაზე ფასების შემცირებას - მარიამ ქვრივიშვილი
16.02.2026.09:25
