ონლაინ გასართობი თამაშები და კიბერუსაფრთხოება
ალბათ ძნელად მოიძებნება ადამიანი ნებისმიერ ასაკობრივ კატეგორიაში, რომელსაც ერთხელ მაინც ვებგვერდიდან, მობილურ ტელეფონში ან სათამაშო კონსოლზე გასართობი ონლაინ თამაში არ უთამაშია .
ონლაინ და ვიდეო თამაშები საკმაოდ სახალისოა და ასევე ნაცნობ თუ უცნობ ადამიანებთან დაკავშირების შესაძლებლობასაც იძლევა. თუმცა, ამ ერთი შეხედვით უწყინარ გართობის ფორმას ახლავს თავისი საფრთხეები. ნებისმიერი ციფრული მომსახურებისა თუ პროდუქტის გამოყენების თანმხლები ნაწილია გარკვეული კიბერრისკები. ამ შემთხვევაში არც გასართობი ონლაინ თუ ვიდეო თამაშები წარმოადგენს გამონაკლისს, მით უფრო თუ გამოყენების მასშტაბს წარმოვიდგენთ.
მკვლევარები ვარაუდობენ, რომ ონლაინ გასართობი თამაშებისა და ვიდეოთამაშების მოთამაშეების რაოდენობა 2024 წლისთვის 3 მილიარდს გადააჭარბებს. ცხადია, ეს მასშტაბი ამ ინდუსტრიის მიმართ შეტევების რაოდენობაზეც აისახება, მათ შორის იმიტომ, რომ თამაშის დასაწყებად ხშირად ითხოვენ პროფილის შექმნას, პერსონალური მონაცემების გაზიარებასა და დამატებით ფუნქციის გასააქტიურებლად ან თამაშისთვის სპეციფიკური მონეტების შესაძენად - თანხის საბანკო ბარათით გადახდას, რომლის მონაცემების ხშირად რჩება დამახსოვებული მოთამაშის პროფილში, მის ანგარიშზე.
ამ ინფორმაციის თავმოყრის გამო ონლაინ გასართობი და ვიდეო თამაშის სფერო კიბერთაღლითებისთვის მიმზიდველია, რომლებიც ხშირად პოპულარულ თამაშებში თითქოს უწყინარ მოთამაშეებად გვევლინებიან.
დღეს ონლაინ ან ვიდეოთამაშში მონაწილეობა მსოფლიოს სხვადასხვა წერტილში მყოფ მოთამაშეებთან ერთად არის შესაძლებელი. თამაში მიმდინარეობს ერთ გუნდად და ფაქტობრივად, შეუძლებელია მოთამაშეებს შორის პოტენციური კიბერთაღლითის ვინაობის დადგენა.
ონლაინ და ვიდეოთამაშებთან დაკავშირებული ძირითად საფრთხეებს წარმოადგენს მოთამაშის პაროლისა და მომხმარებლის მონაცემების მოპარვა ან გამჟღავნება, დამახსოვრებული საბარათე მონაცემების მოპარვა, თამაშისთვის სპეციფიკური მონეტებისა და თამაშის პროცესში მოპოვებული ან შეძენილი აქტივების (გმირის ტანისამოსი, იარაღები და ა.შ.) მოპარვა, ფიშინგსა და მავნე კოდისა და ვირუსის გავრცელება.
დღის ტოპ 10 სიახლე
„ამბასადორი აილენდ ბათუმი” ინოვაციურ პროექტს დუბაის უძრავი ქონების საერთაშორისო გამოფენაზე წარადგენს
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
სადღესასწაულო მზადება და კიბერუსაფრთხოება
16 , 2025
წლის განმავლობაში, განსაკუთრებით დიდი დღესასწაულების მოახლოებისას, კიბერინციდენტები დაახლოებთ 30% -ით იზრდება. თაღლითები სწორედ იმ პერიოდში აქტიურდებიან, როდესაც საცალო სეგმენტში უამრავი სახარბიელო შეთავაზებაა და ყველას, ბუნებრივია, საუკეთესოს მიღება სურს. კიბერშეტევები როგორც ბიზნესებს/ორგანიზაციებს, ისე საცალო მომხმარებლებს ემუქრება, ორივე ერთი რისკის წინაშე დგას - ძირითად საფრთხეებს შორის კონფიდენციალური მონაცემების მოტყუებით მოპოვება, მავნე კოდის გავრცელება, ფაილების დაშიფრვა და განსაშიფრავად გამოსასყიდის მოთხოვნაა.
დღეს, როცა თითქმის ყველა მაღაზიას და ბრენდს განსაკუთრებულ შეთავაზებები აქვს, მომხმარებელში ხშირად ჩნდება შიში, რომ რაიმე მნიშვნელოვანი შესაძლებლობა გამორჩება. ამ შფოთვის ფონზე ადამიანი ხშირად დაუფიქრებლად იღებს გადაწყვეტილებებს და ტყუვდება - გადადის საეჭვო ბმულზე, ჩამოტვირთავს ფაილს ან შეჰყავს პირადი მონაცემები ყალბ ვებსაიტზე და შედეგად თანხასაც კარგავს.
ფიშინგ (Phishing) შეტევის ტიპი კვლავ რჩება ერთ-ერთ მთავარ და უტყუარ იარაღად კიბერთაღლითებისთვის. ის საფრთხეს უქმნის როგორც ინდივიდუალურ მომხმარებლებს, ასევე ორგანიზაციებს. ორგანიზაციების მოწყვლადობა მათ შორის გრძელი უქმეებითაა განპირობებული - საჭიროებისამებრ ინციდენტის საპასუხოდ ისეთი სწრაფი რეაგირება შეიძლება ვერ მოხდეს, როგორც ეს ჩვეულებრივ სამუშაო კვირის მანძილზე მოხდებოდა.
რა უნდა გაითვალისწინონ ამ პერიოდში ორგანიზაციებმა და ფიზიკურმა პირმა გაზრდილი რისკის თავიდან არიდების ან მისი ალბათობის შემცირების მიზნით:
ორგანიზაციებისთვის:
სადღესასწაულო საყიდლებით დაკავებული მომხმარებლებისთვის
