Wendy's Georgia X Beyond Meat® - საქართველოში პირველად მცენარეული ხორცის ბურგერი

ბიზნესი

„ფორმაციას“ ახალი კურსები დაემატება - მეტი შესაძლებლობა ცოდნისა და პიროვნული განვითარებისთვის

27.10.2026.12:00

„ფორმაცია“ საგანმანათლებლო სივრცეს აფართოებს და მსურველებს ახალ კურსებს სთავაზობს.

ფორმაცია განაგრძობს განვითარებას და თავის საგანმანათლებლო მიმართულებებს ახალ პროგრამებს ამატებს. მიზანი უცვლელია - შექმნას გარემო, სადაც ბავშვებსა და მოზარდებს შესაძლებლობა ექნებათ, აღმოაჩინონ საკუთარი ინტერესები, განივითარონ უნარები და ცოდნა პრაქტიკულ გამოცდილებასთან დააკავშირონ.

ახალ კურსებს შორისაა ლიტერატურული კლუბი თამარ ცქიტიშვილთან ერთად და მენტალური არითმეტიკა ინგა ნოდიასთან ერთად. თითოეული მიმართულება განსხვავებულ გამოცდილებას სთავაზობს მონაწილეებს და მათ ინტელექტუალური, შემოქმედებითი თუ პიროვნული შესაძლებლობების განვითარებაში ეხმარება.

ლიტერატურული კლუბი - მოგზაურობა წიგნების სამყაროში

თამარ ცქიტიშვილთან ერთად შექმნილი ლიტერატურული კლუბი ბავშვებს წიგნების სამყაროს ახლებურად გაცნობას სთავაზობს. შეხვედრები მათ დაეხმარება, უკეთ გაიაზრონ წაკითხული ნაწარმოებები, გამოხატონ საკუთარი აზრი, გაუზიარონ ერთმანეთს შთაბეჭდილებები და ლიტერატურის მიმართ ინტერესი განივითარონ.

კლუბის მიზანია, კითხვა ბავშვებისთვის არა მხოლოდ ცოდნის მიღების, არამედ აღმოჩენების, მსჯელობისა და თვითგამოხატვის საინტერესო პროცესად აქციოს.

ახალი მიმართულებების განვითარება მომავალშიც გაგრძელდება. ფორმაცია ეტაპობრივად დაამატებს ახალ კურსებსა და პროგრამებს, რათა მონაწილეებს კიდევ უფრო მრავალფეროვანი შესაძლებლობები შესთავაზოს ცოდნის მისაღებად, უნარების გასავითარებლად და ახალი ინტერესების აღმოსაჩენად.

Niadagi-ს ორგანიზებით AgriFuture Georgia 2026 გაიმართება: ერთი დღე, ერთი სივრცე და ქართული აგრობიზნესის ახალი შესაძლებლობები 27.10.2026.10:00