გადამზიდავი კომპანია WeJet • ვიჯეთ-ი საქმიანობის არეალს აფართოებს და ასევე აფართოებს ქვეყნის შიგნით ინფრასტრუქტურასაც. როგორც Business Insider Georgia-სთან WeJet-ის დირექტორმა ლაშა ფეიქრიშვილმა განაცხადა, სულ ახლახან კომპანიამ დაამატა აშშ-ს მიმართულება და WeJet-ის მომხმარებლებს აშშ-დან ამანათის გამოწერა და შესაბამისად ჩამოტანა საკმაოდ საუკეთესო პირობებით შეუძლიათ.

„WeJet-ის შემთხვევაში ჩინეთს უკავია ბაზრის 90%-ი, ხოლო დანარჩენი სხვა მიმართულებებს. აშშ საკმაოდ ახალი ჩაშვებულია. მთლიანობაში კი  WeJet-ის მიერ გადაზიდვების მოცულობა 2025 წლის 6 თვეში დაახლოებით 50%-ითაა გაზრდილი. ჩვენს მაგალითზე ჩინეთიდან ყველაზე აქტიური პლატფორმა, საიდანაც WeJet-ის მომხმარებლები იწერენ ეს არის Taobao.

რაც შეეხება აშშ-ს მიმართულებას ჩვენს შემთხვევაში უპირატესობა არის საკმაოდ მისაღები ტარიფი და დრო“, - აცხადებს კომპანიის ხელმძღვანელი.

როგორც WeJet-ის მიერ გამოქვეყნებულ ინფორმაციაშია აღნიშნული, აშშ-დან ამანათების ჩამოტანა ხდება 5-8 დღეში, ხოლო 1კგ-ს ფასი 8.55 დოლარია.

აღსანიშნავია, რომ ჩინეთის და აშშ-ს გარდა WeJet-ის ამანათების ტრანსპორტირებას ახდენს თურქეთიდან, საბერძნეთიდან, ინდოეთიდან. რეალურად WeJet-ი პირველი კომპანია იყო, რომელმაც ინდოეთის მიმართულება დაამატა.

გარდა დაფარვის არეალის ზრდისა WeJet-ი ფართოვდება საკუთარი ოფისების მიმართულებითაც 

როგორც ლაშა ფეიქრიშვილი აცხადებს, WeJet-ი თბილისის გარდა ოფისებს გახსნის რეგიონებშიც. უფრო კონკრეტულად, 5 აგვისტოს WeJet-ი ბათუმში თავის პირველ ოფისს გახსნის, ხოლო ნოემბერში ოფისს ქუთაისშიც გახსნის. რაც შეეხება თბილისს, WeJet-ი თბილისში ამ დროისათვის 2 ოფისს ფლობს და 2026 წლის მეორე კვარტალში ახალ ოფისს უკვე ისან-სამგორის რაიონშიც გახსნის“,  აცხადებს WeJet-ის დირექტორი.

გარდა გაფართოებისა WeJet-ი ვითარდება ტექნოლოგიურადაც.

​„ტექნოლოგიური კუთხით WeJet-ი საკმაოდ განვითარებულია, ამ სფეროში მოღვაწე კონკურენტებთან შედარებით. ბევრად მარტივია სისტემურად, მომხმარებელს აქვს ყველა სახის ინფორმაცია „ერთ ფანჯარაში“ და „იუზერ ფრენდლი ინტერფეისია“. შესაბამისად ნებისმიერი ოპერაციის ნახვა შესაძლებელია უმარტივესად. ტექნოლოგიურად ასევე ვითარდება საოპერატორო მიმართულება, რომელიც იქნება დაფუძნებული ხელოვნურ ინტელექტზე“, - აცხადებს კომპანიის ხელმძღვანელი.

WeJet გადამზიდი კომპანიაა, რომლის მიზანი სატრანსპორტო ბაზარზე მომხმარებლებისთვის საუკეთესო, დაუჯერებლად კარგი სერვისის მიწოდებაა.